තාත්තේ ...... ?
විසි වසක අතීතය හැරපියා යන්නට
දෙදරවා උළු කැටත් කිපුණු ඇත් රජකු මෙන
බත් කටක් කැවූ ඔය අත් දෙකින් පියඹට
වාවයිද විරහව නුඹ අපට සිනාසෙන
ඈ නෙතේ කඳුලැලි තවම නැත වියැළී
තවත් රෑ නැකතක් අයදිමින් නුඹ යළි
වැඩිවියේ දූගේ හසරැලිත් කර රැලි
නළඟනක් සමග අද පෝරුවේ පෙම් කෙළී
බක්මහේ අකුණු හඬ පැරදවූ ලේ කඳුල
වසන්තේ දවාලා අවුලවයි ගිනි දැල්ල
කැවුම් කිරිබතින් පිරි නව සහල් මංගල්ල
දැන් කුමට හිස්වූ අටුවටත් නැති මෙල්ල
අම්මාත් මා ගතේ උණුහුමට තුරුල් වී
නංගීත් මා නෙතේ උණුහුමට වහල් වී
මග නොමග නොදත් සේ හිතලු මත මුළා වී
කොයිබටද යන්නේ හිඳී නිති ළතැවෙවී
වින්ද දුක අපමණයි මෝල් හිමියන්ගෙන්
බැන්ඳ සෙනෙහේ නමුත් ඉවසුවා නුඹෙ නමින්
වැන්ඳඹුව කර කැදැලි බොරදියේ බාමින්
ලැබුවේද ජීවයක් අද මුකුළු පාමින්
කුමරුවන් දස දහස් මව් සොයා එද්දී
ඇයයි පතිවත රැකන් හිටියෙ නුඹ ඉද්දී
ගඟට ඉනි කැපූ ඒ බැඳුම නුඹ කඩද්දී
අන් සරණ සෙවූ සඳ අපම ගැරහුම විඳී
මාලන් විදානපතිරණ
https://www.facebook.com/marlon.Govinda
විසි වසක අතීතය හැරපියා යන්නට
දෙදරවා උළු කැටත් කිපුණු ඇත් රජකු මෙන
බත් කටක් කැවූ ඔය අත් දෙකින් පියඹට
වාවයිද විරහව නුඹ අපට සිනාසෙන
ඈ නෙතේ කඳුලැලි තවම නැත වියැළී
තවත් රෑ නැකතක් අයදිමින් නුඹ යළි
වැඩිවියේ දූගේ හසරැලිත් කර රැලි
නළඟනක් සමග අද පෝරුවේ පෙම් කෙළී
බක්මහේ අකුණු හඬ පැරදවූ ලේ කඳුල
වසන්තේ දවාලා අවුලවයි ගිනි දැල්ල
කැවුම් කිරිබතින් පිරි නව සහල් මංගල්ල
දැන් කුමට හිස්වූ අටුවටත් නැති මෙල්ල
අම්මාත් මා ගතේ උණුහුමට තුරුල් වී
නංගීත් මා නෙතේ උණුහුමට වහල් වී
මග නොමග නොදත් සේ හිතලු මත මුළා වී
කොයිබටද යන්නේ හිඳී නිති ළතැවෙවී
වින්ද දුක අපමණයි මෝල් හිමියන්ගෙන්
බැන්ඳ සෙනෙහේ නමුත් ඉවසුවා නුඹෙ නමින්
වැන්ඳඹුව කර කැදැලි බොරදියේ බාමින්
ලැබුවේද ජීවයක් අද මුකුළු පාමින්
කුමරුවන් දස දහස් මව් සොයා එද්දී
ඇයයි පතිවත රැකන් හිටියෙ නුඹ ඉද්දී
ගඟට ඉනි කැපූ ඒ බැඳුම නුඹ කඩද්දී
අන් සරණ සෙවූ සඳ අපම ගැරහුම විඳී
මාලන් විදානපතිරණ
https://www.facebook.com/marlon.Govinda
Last edited:
