තාම තනිකඩයනෙ. කෙල්ලෙකුත් නෑනේ එහෙනම් මාසෙට 10,000 ක් වියදම් කරලා ඉතිරි 15 ඉතිං කරන්න. වියදම් කරන 10,000 න් අම්මගේ අතට 5 ක් දෙන්න. අඩුම තරමේ අම්මා එකෙන් ගෑස් සිලින්ඩරයක් ගෙනල්ලා ලයිට් බිල වත් ගෙවයිනේ. ඉතිරි 5 ඔයා බැලන්ස් කරගෙන වියදම් කරන්න.
රස්සාවට වැඩි දුරක් නැති නිසා පයින් නේ යනවා ඇත්තේ. එතකොට 15,000 X 12 = 180000 අව්රුද්දට 180 ක් ඉතුරු කරලා. 12% පොලියට ගනං හැදුවොත් ඊළග අව්රුද්දෙදි මාසෙට පොලිය එනවා 1,800 ක්. වෙන ආදායම් මාර්ගයක් හොයන්න උත්සාහ කරන්නේ නැත්තං තව අව්රුද්දක් ඕකම කරන්න. එතකොට 360000 ක් ඉතිරී. දැන් පොලිය මාසෙට 3600 ක් විතර ලැබෙනවා. ඒකියන්නේ පඩිය 3600 කින් වැඩි කරගෙන නේ. හැබැයි ඔය ඉතිරිය 2 වෙනි අව්රුද්දෙන් එහාට කරන්න බෑ. වගේම එහෙම කරලා කට්ට කලා වැඩකුත් නෑ. ඔය ඩිපෝසිට් කරපු සල්ලි එක්කෝ දිගටම ඩිපෝසිට් කරනවා. නැත්තං සාර්ථක මුදල් ලැබෙන වෙන දේකට ආයෝජනය කරනවා.
මතක තියාගන්න මල්ල උඹ තවම යැපෙන්නේ අම්මගෙන්. අම්මට අනාගතයෙදි හොදට සලකන්න ඕනේ. තව අව්රුදු 2 ක් යනකොට වත් උඹට කෙල්ලෙක් සෙට් වෙයි. මෙහෙම මුදල් කළමනාකරනය කරන්න නම් කෙල්ල හොදට ඉතිරි කරන, නාස්ති නොකරන එකියක් වෙන්න ඕනේ. එහෙම නම් උඹට ලොකු බලපෑමක් නෑ. (එහෙම කෙල්ලෝ දැන් කාලේ සෑහෙන්න අඩුයි) ඒත් කසාද බැදන්දට පස්සෙ නම් අනිවාර්ය වියදම් පුතේ. තව අව්රුදු 2 ක් ඇතුලත ඔය පඩිය අවම 35000 කට වැඩි කර ගන්න නම් වෙනවා. ඒකට එක්කෝ ඔය ජෙබ් එකේ පඩි වැඩිවෙන පාටක් තියෙන්න ඕනේ. පඩි වැඩි වෙන්නෙ නැත්තං වෙන හොද තැනක් හොයා ගන්න ඕනේ. නැත්තං ඕක කරන ගමන් තව මොනවහරි පාට් ටයිම් වැඩක් කරන්න ඕනේ. එහෙම අනාගත සැලසුම හදාගන්න. ලීස් කරලා වාහන අරං, ලෝකෙට පෙන්න සෝබන කරලා, අරක්කු සිගරට් බීලා නම් දියුනු වෙන්න බෑ මල්ලි.
ඔය කිව්වේ ඉන්න තත්වෙන් ජීවිතේ සැලසුම් කරන විදිහ. හැබැයි පොඩියට හරි වාහනයක් අරං, යම්තාක් දුරකට හිතේ නිදහසේ ඉන්න නම් ඔයා දැන් ගන්න පඩිය ඉදිරි අව්රුදු 3 ඇතුලත දෙගුනයක් වත් කර ගන්නම වෙනවා.
