Buddhism vs Christianity: homosexuality

[පිටියෙ-අප්පු]

View attachment 153651

ලංකාවේ ඩොකාලා සිංහල කොරෝනා බේත් වලට කියන්නෙත් ඔහොම කතා නේ "හොර වෙදාගේ මුණුපුරෝ"

 

[හෙළයෙක්]

ලංකාවේ ඩොකාලා සිංහල කොරෝනා බේත් වලට කියන්නෙත් ඔහොම කතා නේ "හොර වෙදාගේ මුණුපුරෝ"

හොදා හොදා

 

[greenthunder]

Mchn once I read a book බුදු දහම සහ ලිංගිකත්වය - ආචාර්ය චාමින්ද ජී හේවගේ (මට මතක විදියට )
දැන් මේක google සර්ච් කරත් එන්නේ නෑ වගේ.
ඒ මනුස්සය PhD එකට කරපු research ඒක.
References ත්‍රිපිටකයෙන් සහ ආශ්‍රිත පරණ පොත් වලින්. ඒක කියෙව්වම පිස්සු හැදෙනවා.
ධර්මය ස්වාක්ඛාත වෙන්නේ කොහොමද කියල ආපහු තේරෙනවා.

උදාහරණයක් විදියට ගත්තොත් ස්වයන් වින්දනය සම ලිංගිකත්වයට වැට බැදලා තියෙන විදිය ඒකාලේ සමහර හාම්දුරුවරු මෙහෙණින් වහන්සේලා කරපු විදිය , බුදු හාමුදුරුවෝ ඒ ආශ්‍රිතව පනවපු විනය නීති, හැම දේම තියෙනවා ඔය පොතේ.

මට ඔය පොත හම්බුනේ අහම්බෙන් මගේ පවුලේ කෙනෙක්ට කර්තෘ තිළිණයක් විදියට ලැබුණු එකක් වගේ මතක . මට පොත හම්බුනෝත් මන් pics ටිකක් අරන් දාන්නම්

ඔය කතන්දර ටික විනය පිටකෙ තියනවා. උනන්දු කෙනෙකුට කියවලා බලන්න පුලුවන් මෙතනින්.
https://suttacentral.net/pitaka/vinaya/pli-tv-vi

 

[Deviyo]

https://www.thenewsminute.com/artic...exuality-lgbtq-community-demands-action-80068

ඔය ඉන්දියාවේ ඩොකෙක්, හැබැයි ප්‍රතිකාරය ආයුර්වේද.

උබ හැමදාම මොකක් හරි බේතක් ගැන කියෝනවා
හැබැයි ගන්න එකෙක්
ගත්ත එකෙක්
දෙන එකෙක්
හරි ගිය එකෙක්
මුතු ඇටෙත් නැ ඇටේ වටේත් නෑ.

කරුණාකරලා හරියට විස්තර දාන්න බැරි නම් හැම එකටම ආයුර්වේදය සහ හෙළ වෙදකම ගාවන්

Spoiler: Dont click

ෆුක දෙන්

නෙපා මිතුරේ

උබ කරන ගෝත වැඩෙන් වෙන්නේ මිනිස්සුන්ගේ විශ්වාසෙ තව කැඩෙන එක.

එක්කෝ මනුස්සයෙක්ට ඉගෙන ගන්න හරි,
එහෙම නැත්නම් හරි වැරැද්ද වෙන් කරගන්න හරි
වැදගත් වෙන්න විස්තරයක් දාපන්.

මෙතන නිකන් මොන්ටිසෝරි ළමයින්ට නත්තල් සීය රැට රැට ගෙවල් ගානේ රිංගනවා වගේ හතර බීරි හිගන කතා කියල අපේ දේවල් ගැන මිනිස්සුන්ට තියෙන පොඩි විශ්වාසේත් නැති කරන්නෙපා

 

[gayan94]

well..Most of Kiriyans no nothing about buddhism..better ask it form a well educated reputed monk.

respect

 

[kasunigamage]

I think Buddha doesn't highlighted gay people. His teaching are focused on getting out of the life cycle. But I saw a significant difference among the Catholic community. (Not Christians.) Catholics still hate homosexuality. Every Catholic I know was a homophobe.
( I'm a gay woman)

 

[MAHESH80]

කාලෝචිත වැදගත් මාතෘකාවක් නිසා දිග උත්තරයක් දෙන්නම්.කාලෙකට පෙර දක්වපු අදහසක්

සමලිංගිකත්වය පිළිබඳ බෞද්ධ මතය.​

සමලිංගිකත්වය යන මාතෘකාව අද වන විට බොහෝ කතා බහට ලක් වී ඇත. විවිධ රටවල, විවිධ සංස්කෘතීන් වල, විවිධ සමාජතල වල කතා බහ කරන බව පෙනේ. මෙහිදී අවධානය යොමු කරනු ලබන්නේ බුදු දහම තුළ සමලිංගිකත්වයට හිමි ස්ථානය පිළිබඳවයි. විශේෂයෙන්ම බුදු දහම වූ කලී මිනිසාගේ මෙලොව පරලොව යහපත් කිරවීම සඳහා වගේම ඒකායන අපේක්ෂාව වන සසර දුක් නිමා කර නිවන් අවබෝධය පිණිස දේශිත දහමකි. දේව අණාවරණයක් නොව අනුභූතිය පදනම් කර ගත් විභජ්ජවාදී දර්ශනයක් ලෙස බුදු දහමට සුවිශේෂී තැනක් හිමි වේ. බෞද්ධ දර්ශනයට අනුව සිදුහත් මහ බෝසත්තුමා බුද්ධත්වයට පත් වී වසර විස්සක් යන තුරු බුද්ධ ශාසනය තුළ කිසිදු වරදක් සිදු නොවීය. එහෙත් වසි වසෙන් පසුව සාසනය තුළ බරපතල වරදක් සිදු විය. එනම් සුදින්න තෙරුන් විසින් දෙමාපිය ඉල්ලීම පිට ගිහිකල බිරිදත් සමඟ මෙවුන්දම් සේවනය කිරීමයි. මෙම සිදුවීමෙන් පසුව එය පාරාජිකාපත්තියක් ලෙස නම් කරමින් ඉන් සහමුලින්ම වැළකිය යුතු බව බුදු හිමියෝ භික්ෂූන්ට අනුදැන වදාළහ. බුදුරජාණන් වහන්සේ භික්ෂු භික්ෂුණීන්ට ප්‍රාතිමෝක්ෂය ලෙස හික්මවිය යුතු කරුණු ඇතුළත් කරමින් විනය ශික්ෂාපද පනවා තිබේ. ඒ සියල්ල ගණනින් 227 ක් ලෙස ප්‍රාතිමෝක්ෂය සඳහන් කරයි. ප්‍රාතිමෝක්ෂයේ විනය ශික්ෂාපද අතර පළමු පාරාජිකාවත් සංසාදිසේස අතර පළමු සංසාදිසේසා පත්තියක් මෙහිදී විමර්ශනය කරමි.

භික්ෂු විනයෙහි පාරාජිකා අතර පළමු මෛථූනධම්ම පාරාජිකාපත්තියෙන් පැහැදිලි කරනුයේ යම් භික්ෂුවක් භික්ෂූන්ගේ අධිසීල ශික්ෂාවට හා පනවන ලද ප්‍රාතිමෝක්ෂ සංඛ්‍යාත ශික්ෂාවට හික්මවීම් වශයෙන් පැමිණියේ, එසේ හික්මවීමෙහි දුබල බවද පළ නොකොට යටත් පිරිසෙයින් තිරිසන්ගත මාගමක් සමඟ හෝ මෙවුන්දම් සෙවුයේ නම් පරදවන ලද්දේ උපසපන් භික්ෂූන් හා සහවාසයට නුසුදුස්සෙක් වෙයි යනුවෙනි.මෙහිදී විශේෂ අවධානය යොමු කළ යුත්තේ “යටත් පිරිසෙයින් තිරිසන්ගත මාගමක් සමඟ හෝ” යන්නයි. මාගම යනු ස්ත්‍රියයි. තිරිසන්ගත ස්ත්‍රියක් සමඟ හෝ ලිංගික සබඳතා පැවැත්වීම මෙහිදී තහනම් කොට ඇත.
එහෙත් සමලිංගික සබඳතා පිළිබඳ සදහනක් කොට නොමැත. ස්ත්‍රිය යන්න විශේෂ නොකොට සම්පූර්ණයෙන්ම ලිංගික ඇසුරු තහනම් කිරීමට බුදු හිමියන්ට අවකාශය තිබුනත් ස්ත්‍රී ලිංගික සබඳතා පමණක් මෙහිදී සඳහන් කරමින් තහනම් කොට තිබීම විශේෂත්වයකි.

තවද සංඝාධිසේස දහතුනක් දේශනා කරමින් පළමු සංඝාධිසේසාපත්තිය ලෙස සුක්ඛවිස්සට්ඨි සංඝාධිසේසාපත්තියය වදාරා ඇත. සිහිනයකදී හැර ශුක්‍ර මෝචනය තහනම්ය. උපක්‍රම භාවිතය ප්‍රතිකෙෂ්ප කොට ඇත. එහෙත් සංඝාදිසේසාපත්තියකට පත් වුවහොත් කිසියම් වත් පිළිවෙත් මාලාවකින් පසු ඇවතින් නිදහස් විය හැකිය. එසේනම් උපක්‍රම මඟින් හෝ ශුක්‍ර මෝචනය කිරීම බරපතල වරදක් ලෙස වදාරා නැත. මේ කරුණු දෙස විමර්ශණාත්මකව බලන කළ පෙනී යන්නේ විශේෂයෙන් භික්ෂුවට විරුද්ධ ලිංගික සබඳතා සහමුලින්ම තහනම් බවයි. එහෙත් සමලිංගිකත්වය පිළිබඳ අදහස් දක්වා නොමැති බවයි.
පැවිදි සමාජය එසේ වුවත් ගිහි සමාජය දෙස බැලීමේදී ගිහියාගේ නිත්‍ය සීලය ලෙස පංචශීලය අනුදැන වදාරා ඇත. මෙම පංචසීල ප්‍රතිපත්තියේ තුන්වන ශික්ෂාපද තුළින් අර්ථවත් කෙරෙන්නේ පරපුරුෂ හා පර ස්ත්‍රී සේවනය තහනම් කිරීමක්ය. තම නීත්‍යානුකූලව විවාහ පත් බිරිද හා ස්වාමියා හැර අන් අය සමඟ ලිංගික සබඳතා පැවැත්වීම නුසුදුසු බව සඳහන් වේ. එසේම පොහෝ දින සමාදන් වන උපෝසථ සීලය ලෙස අටසිල් හා දසසිල් අතර තුන් වන ශික්ෂාපදය තුළින් අර්ථවත් කෙරෙන්නේ සහමුලින්ම ලිංගික ඇසුරු නුසුදුසු බවයි. මේ කිසිදු විනය ශික්ෂාවක සමලිංගික සබඳතා පිළිබඳ විශේෂ සඳහනක් නොමැති වීම විශේෂත්වයකි. පැවිදි නොකළ යුතු පිරිස් අතර “පණ්ඩව” යන විශේෂ පදයකින් හදුන්වා ඇත්තේ මේ සමලිංගිකත්වයට රුචිකත්වයක් දක්වන පිරිස බව සාධාරණව සැක කළ හැකිය.
මෙකී පණ්ඩව හෙවත් නපුංසක පිරිසක් භාරතීය සමාජයේද සිටිය බව සනාථ කල හැකිය. එහෙත් මෙවැනි චරිත බුදු හිමියෝ විවේචනය නොකළහ. බුදු දහම විරුද්ධ ලිංගිකත්වය සේම සමලිංගිකත්වය නිවන් අරමුණු කරන පුද්ගල බාධාවක් ලෙස සලකයි. කාම සම්පත්තීන්හි ඇලී වාසය කිරීම ලෝක යථාර්ථය අවබෝධයට බාධා පමුණුවයි. මම මාගේ යැයි උපාදානය කළ හැකි කිසිවක් ලොව නොමැති නිසා දුක උපදී. එම දුක නැති කිරීමෙන් නිවන් පසක් කළ හැකිය.
බුදු දහමේ සමලිංගිකත්වය පිළිබඳ දක්වය ආකල්පය සුභවාදී නොවේ. සමලිංගිකත්වය පිළිබඳ සෘජුව සඳහන් නොවුනත් ලිංගිකත්වය හෙවත් රාගය දුරු කළ යුතු බව දේශණා කර ඇත. රාගික පුද්ගලයා සමාජ අවමානයට ලක් වේ. තම ජීවිතය පවා විනාශ මුඛයට ගමන් කිරීමට ඉඩ තිබේ. සමාජ සම්මතයේ පිහිටා සෑම විටම කටයුතු කළ යුතුය. සමාජ අසම්මත දෑ ගැටලු ඇති කරන්නක් බව පැහැදිලි වේ.


සමලිංගිකත්වය සමාජ ගැටලුවක් නම් එය නිරාකරණය සඳහා බුදු දහමින් ලද හැකි මාර්ගෝපදේශ.

ලෝකයේ ඇති වී තිබෙන සමාජ ගැටලු අතරට සමලිංගිකත්වය යම් බලපෑමක් සිදු කරයි. ඒ තුළින් සමාජය අනුමත නොකළ ක්‍රියාකාරකම් පද්දතියක් පැන නගී. සමාජ ප්‍රශ්න යනු මෙසේ ව්‍යාකූල වූ සමාජයක දැකිය හැකි සමාජ විරෝධී හැසිරීම් රටාවක එක් පැත්තකි. සමාජයට අනු ගත නොවූ හැසිරීමක් නිසා පෙරලා සමාජ ක්‍රියාකාරීත්වයට හානිකර බලපෑමක් ඇති අර්බුදකාරී තත්වයක් ඉන් නිරූපණය වේ. සමලිංගිකත්වය සෞඛ්‍ය ගැටලු ඇති කරයි. විශේෂයෙන් ඒඩ්ස් වැනි රෝග හා සමාජ රෝග ඇති කිරීමට හේතු වේ. අප ශරීරයට රෝග ඇති කරන ක්ෂුද්‍ර ජීවීන් බොහෝය. වෛද්‍ය විද්‍යාවේදී මේවා රෝග කාරක ලෙස හඳුන්වයි. බැක්ටීරියා, වෛරස්, දිලීර, පරපෝශිතයන් මින් ප්‍රධාන වේ. ඒඩ්ස් රෝග කාරයකය වෛරසයකි. මෙම වෛරසය මානව ප්‍රතිශක්ති ඌනතා වෛරය (HTV) නොහොත් HUMAN IMMUNE DEFIIENCY VIRUS ලෙස නම් කර ඇත.ලෙඩ රෝග වලට ඔරොත්තු දීමේ හැකියාව ප්‍රතිශක්තිකරණය ලෙස හඳුන්වන අතර එම ප්‍රතිශක්තිය ඌනතාවයට පත් කිරීම නොහොත් ලෙඩ රෝග වලට ඔරොත්තු දීමේ හැකියාව අඩු කිරීම හෝ නැති කිරීම මෙම වෛරසය නිසා සිදු වේ.



ඒඩ්ස් හා සමාජ රෝගයන්ට වඩාත් ගොදුරු වන්නේ තරුණ තරුණියන්ය. එයට හේතු වන්නේ යෞවනත්වය හා තාරුණ්‍ය අත්හදා බැලීම් සහ විවිධ සොයා ගැනීම් මත බැදී පවතින කාලවකවානුවක් ලෙසට හඳුනාගත හැකි වීමයි. ඔවුන් තුළ උපදින නව හැගීම් ඔස්සේ ඔවුනොවුන් චර්යා රටාවන් හා සම්බන්ධතාවන් ගොඩ නගා ගනී. එහෙත් එය අවධානම් සහගත වීමට ඉඩකඩ වැඩිය. ශ්‍රී ලංකාව තුළ පාරම්පරික සමාජය සකස් වී තිබුණේ ඉතාමත් ක්‍රමවත් ආකාරයටයි. ඒ අනුව මීට දසක කිහිපයකට පෙර යෞවන යෞවනියන් සමඟ අද සමාජයේ යෞවන යෞවනියන් සැසඳූ විට ඔවුන් අතර පැහැදිලි වෙනසක් දක්නට ලැබේ. ඒඩ්ස් රෝගය නිසා අති විශාල මානව හා ආර්ථික බරක් සමාජයට දැරීමට සිදු වන බැවින් පුද්ගලයින් දැනුවත් කර ඒඩ්ස් රෝගීන්ගේ සංඛ්‍යාව අවම මට්ටමකට පවත්වා ගැනීමට වැඩසටහන් සංවිධානය කළ යුතුව පවතී. ලිංගික ලෙඩ රෝගයන්ට ගොදුරු වූ තැනැත්තාගේ සමාජ තත්වය හා ඔහුගෙන් ඉටු විය යුතු කාර්ය භාර්ය ඔහුගෙන් ගිලිහී යන අතර ඒ හේතුවෙන්ම ඔහු හෝ ඇය මත යැපෙන්නන්ගේ ඉරණම ඉතාමත්ම දුක්ඛදායක බවට පත් වේ.

 

[MAHESH80]

රටක් සංවර්ධනය කරා ගමන් කරනු ලබන්නේ රටේ ජීවනාලිය බදු වූ තරුණ පිරිස නිරෝගීව හා ක්‍රියාශීලීව සිටින්නේ නම් පමණකි. එහෙත් ලිංගික රෝගයන්ට ගොදුරු වූ පසු සමාජයේ ජීවත් වන්නාවූ තරුණ පරපුර රටේ සමාජ සංවර්ධනය හා මානව සංවර්ධනයට දායක වීමට නොහැකිය. ඒ හේතුවෙන් රෝගී වූ තරුණ පරපුරක් සමාජයට දායාද වන අතර ක්‍රියාශීලී සමාජයක් හෝ ඵලදායිතාව වැඩි දියුණු වූ ගුණාත්මක සමාජයක් වර්ධනය නොවන්නේය. ඒ හේතුවෙන් සමාජ සංවර්ධනය අඩපණ වන අතර සමාජ පරිහානියක්ද සිදු වන්නේය.



ශ්‍රී ලංකාව සංවර්ධනය වෙමින් පවතින රටක් වශයෙන් මුහුණ දෙන සමාජ ගැටලු රාශියකි. ඒ අතරින් සමලිංගිකත්වය පිළිබඳ සැලකීමේදී මෙය සංවර්ධනයේ ගමන් මගකට පිවිසි රටකට ප්‍රබල ලෙස බලපෑම් ඇති කල හැකි ගැටලු සහගත තත්වයකි. සමාජ මානව විද්‍යාඥයින්ගේ විග්‍රහයන් සමඟ මෙවැනි ගැටලු සන්සන්දනාත්මකව විමසීමේදී ඒවා සමාජයට කුමන ආකාරයකට බලපෑම් කෙර්ද යන්න පැහැදිලි කර ගත හැකි වේ. අද වන විට ලිංගික සම්ප්‍රේෂණ රෝග පාලන සම්බන්ධයෙන් රෝග මර්ධන ව්‍යාපාරය විවිධ උපක්‍රම භාවිතා කරනු ලැබේ. ශ්‍රී ලංකාවේ පූර්ණ කාලීන වශයෙන් ක්‍රියාත්මක වන ලිංගික සම්ප්‍රේෂණ රෝග සායන විස්සක් පමණ ක්‍රියාත්මක වන අතර ශාඛා සායනද ක්‍රියාත්මක වේ. ඒවා ජාතික හා මූලික රෝහල් ආශ්‍රිතව ක්‍රියාත්මක කෙරේ. මීට අමතරව ශ්‍රී ලංකාව පුරාම පිහිටා ඇති ආරෝග්‍ය ශාලා වලද මෙම සායන පිහිටා තිබේ.

ලිංගාශ්‍රිතව සම්ප්‍රේෂණය වන රෝග නිවාරණය සඳහා මඟ පෙන්වන උතුම් දර්ශනයක් ලෙස බෞද්ධ දර්ශනය හඳුන්වා දිය හැකිය. එය “කාමමිත්‍යාචාරය” ගෘහස්ථ සීලයක් ලෙසට නිර්දේශ කර ඇති අතර එමඟින් පති හා පතිනි දම් රැකීමට සමාජය පොළඹවාලයි. ගිහිකාම සම්පත් විදීමේදී පවත්වා ගත යුතු ආචාර ධර්ම බුද්ධ දේශනාව පැහැදිලිව දක්වා ඇත. පරදාර සේවනය පිරිහීමට කරුණක් බව පරාභව සූත්‍රයේ සඳහන් වේ. සිඟාලෝවාද සූත්‍රෙය් අඹුදරුවන් අරභයා පවත්වා ගත යුතු ආචාරධර්ම මෙහිදී ඉතා වැදගත් වේ. කාලාම සූත්‍ර දේශානාවේදී ගිහි සීලයට අදාළව ඉදිරිපත් කර ඇති කරුණුද යහපත් සමාජ සංවිධානයකට මඟ පෙන්වයි. පවුල තුළ යහපත් හා විශ්වාසවන්ත ස්වාමි භාර්යා සබඳතාවන් පවත්වා ගැනීම ලිංගාශ්‍රිත රෝග වළක්වා ගැනීමේ ඒකායන විසඳුම වේ. එබැවින් භික්ෂුව නිරන්තරයෙන්ම පංසල වෙත පැමිණෙන දායක ප්‍රජාව හට අවවාද අනුශාසනා කිරීම යෝග්‍ය වේ. ස්වකීය අඹුසැමියන් කෙරෙහි නිරන්තරයෙන් ආදර ගෞරවයෙන් හා විශ්වාසවන්තව ජීවත් වීමේ අගය පහදා දීමත් සිදු කළ යුතුය. සමලිංගිකත්වය හා තවත් සමාජ ප්‍රශ්නයන් වළක්වා ගැනීමට නම් සමාජය මනෝ හා චර්යාත්මක වශයෙන් විපර්යාසයකට ලක් කළ යුතුයි. එසේම සමාජ ව්‍යසනයන් තුළින් ආරක්ෂා වීමට විශේෂයෙන් තම සමාජය තුළ පවත්නා සංස්කෘතික පසුබිම යහපත් ආචාරධර්ම ගරු කරන ප්‍රජාවක් බිහිවීම අනිවාර්ය වේ.

බුදු දහම බුද්ධිය හා සදාචාරය පදනම් කර ගත් දර්ශනයක් මත ගොඩ නැගී ඇති දහමකි. එහිදී අනුන් සෙවීමට වඩා තමා සෙවීම අතිශය වැදගත් වේ.තමා හමුවේ ඇති අභියෝගාත්මක ප්‍රශ්න වලට මුහුණ දීමේ හැකියාවක් ස්වභාවයෙන්ම මිනිසාට තිබේ. එහෙත් එය පුද්ගලයාගෙන් පුද්ගලයාට වෙනස් වේ. දරා ගැනීමේ ශක්තිය ඇති කෙනෙකු වෙත ගැටලුවක් ඇති වූ අවස්ථාවකදී එම ගැටලුවෙන් මිදී අලුත් තත්වයකට හැඩ ගැසීමට ඔහුට හැකියාව තිබේ. සිත සන්සුන් කර ගැනීමෙන් ජීවිතය දෙස නිදහස්ව බැලීමටත් වඩාත් සුදුසු ක්‍රියාමාර්ග ගැනීමටත් පුද්ගලයා පෙළඹේ. අසහනකාරී හෝ පසුතැවීමේ අවස්ථාවන්ට ගොදුරු නොවේ. මධ්‍යස්ථව උපේක්ෂා සහගතව කටයුතු කිරීමට නම් සීලයත් භාවනාවත් ප්‍රගුණ කළ යුතුය. ඉවසීම, කරුණාව, මෛත්‍රිය, අනුකම්පාව වැනි ගුණාංග දියුණු කර ගත් පුද්ගලයාට සහනශීලී ජීවිතයක් ගත කළ හැකි බව බුදු දහම අවධාරණය කරයි. බෞද්ධ සාරධර්ම මඟින් ජීවිතයක වටිනාකම අවබෝධ කරවීම ඉතා සුදුසුය.

විශේෂයෙන් සමාජ ගැටලු විමසීමේදී ආගමික පසුබිම ඉතා වැදගත් කාර්ය භාර්යක් ඉටු කරයි. ඒ ඒ ගැටලු වල ස්වභාවය අනුව ක්‍රියා මාර්ග ගනු ලබන අතර එයින් බොහෝ දුරට ගැටලු නිරාකරණයට ඉඩ සැලසී ඇත. විශේෂයෙන් සමලිංගිකත්වය වැනි තත්වයන් පුද්ගලයාගේ චර්යාව පාලනය කිරීමට නිසි ලෙස නොහැකි වීමේ ප්‍රතිඵලයක් ලෙස ඇති වී තිබෙන බව දක්නට ලැබේ. නිත්‍ය ගිහි සීලය වන පංචසීලය ගැන උනන්දුවක් දක්වන්නේ නම් එයට බොහෝ සමාජ ගැටලු විසදීමට උපකාර කර ගත හැකිය. පංචසීලයේ එන කාමය වරදවා හැසීරීමෙන් වළකීම යන ශික්ෂාපදයට අනුව දෛනික ජීවිතය ගොඩ නගා ගැනීමට හැකි නම් ඉන් බොහෝ පවුල් ප්‍රශ්න හා ඒ වටා ගෙතුණු තවත් ප්‍රශ්න මඟ හරවා ගත හැකිය. සමලිංගිකත්වය වැනි සමාජ ගැටලුවෙන් සමාජය මුදවා ගැනීමට පුද්ගල චරිත පාරිශුද්ධිය පවත්වා ගැනීමට අවශ්‍ය වේ. ඒ සඳහා නිවැරදි මාර්ගය වන්නේ හැකිතාක් දුරට කාම වැරදි වලින් වැළකී ජීවත් වීමයි. පරදාර සේවනය බුදු දහම ප්‍රතික්ෂේප කරයි. එවැනි ක්‍රියා නිසා සමාජය තුළ ව්‍යසනකාරී තත්වයක් ඇති වන අතර කාමයේ වරදවා නොහැසිරීමෙන් මෙම රෝග හා ගැටලු වළක්වා ගත හැකිය.

බෞද්ධ සමාජය බොහෝ සෙයින් භාවිතා කරන සිඟාලෝවාද සූත්‍රයේ පංච කාම සම්පත්තිය පිළිබඳ දේශනා කිරීමේදී බුදුරජාණන් වහන්සේ පරදාර සේවනය ප්‍රතික්ෂේප කරමින් කුමර කුමරි බඹසර අගය කළහ. කායිකව පමණක් නොව මානසික ස්පර්ශයද බුදුහිමියෝ ප්‍රතික්ෂේප කළහ. පරාභව සූත්‍රයේ එන“ඉත්ථි දුත්ථෝ සුරා දුත්ථෝ” යන්නෙන්ද ස්ත්‍රී ලෝලත්වය පිරිහීමට කරුණක් බව වදාළහ. තවද තමාගේ භාර්යාව හේතුකොට ගෙන නොසතුටු වූ යමෙක් ගණිකාවන් කෙරෙහි ලොල් වේද වෙනත් ස්ත්‍රීන් කෙරෙන් ආශා වේද එයද පිරිහීමට හේතු වේ. එසේම යමෙක් පර ස්ත්‍රීන් කෙරේ ගොස් අනාචාරයේ හැසිරෙන්නේ නම් ඔහු වසලයෙකු බව වසල සූත්‍රයේ සඳහන් වේ. වසලයා යනු සමාජය විසින් පිළිකුල් කරන්නෙකි. ඔහු කායික මානසික පිරිහීම පමණක් නොව සමාජ ගත පිරිහීමට ද ලක් වේ.

බෞද්ධ සාහිත්‍යයේ එන ඇතැම් කතාන්දර තුළින්ද අඹු සැමි බැදීම පිළබඳ තොරතුරු දැක ගත හැකිය. නකුල මාතා නකුල පිතා පිළිබඳ කතා පුවත විමසීමේදී පැහැදිලි වන්නේ ඔවුන් අත්ම ගණනාවක් එකම අඹුසැමියන් ලෙස ජීවත් වූ බවයි. ඔවුන් දෙදෙනා අතර ඇති වූ පුංචි සිද්ධියකදී නකුල මාතා ප්‍රකාශ කරන්නේ සිහිනෙන්වත් වෙනත් පුරුෂයෙකු නොපැතූ බවයි. නකුල පිතා ද සිහිනෙන්වත් වෙනත් ස්ත්‍රියක් නොපැතූ බව ප්‍රකාශ කරයි. බුදුරජාණන් වහන්සේ එය අනුමත කරයි. මේ තුළින් ඔවුන්ගේ ආත්ම ගත බැදීම තහවුරු වෙයි. එහි සඳහන් වන කරුණු වලට අනුව සමාජ ප්‍රශ්න ඔවුන්ට නැත. කායික මානසික ගැටලු ඔවුන්ට ඇති නොවූ බව මෙයින් තහවුරු වේ.

එකම සැමියෙක් එක බිරිදක් හෙවත් ඒකපති ඒකපතිනි සංකල්පය සමාජයේ බොහෝ ප්‍රශ්න වලට විසදුම් ලබා දෙන සංකල්පයක් බව අවධාරණය කරයි. මෙසේ බෞද්ධ ඉගැන්වීම් අපමණ සංඛ්‍යාවකින් පවුල් සංස්ථාවේ යථා පැවැත්ම අගය කරන අතර සමීප හා උණුසුම් බැදීම් සහිත පවුල් ඒකකයක් ස්ථාපනය වීමෙන් සමාජ ගැටලු ස්ථීර වශයෙන්ම සමාජයෙන් නිවාරණය කළ හැකිය.

විශේෂයෙන්ම සමලිංගිකත්වය දෙස බලන කළ එය සමාජ ගැටලු ඇති කරන කාරණාවක් ලෙස සැලකිය හැකිය. යුරෝපය ආදී විවිධ විදේශ රටවල පවතින සංස්කෘතිය මත පදනම්ව එම රටට සමලිංගිකත්වය එතරම් ගැටලුවක් නොවේ. එහෙත් මානව ප්‍රජාවේ වර්ධනය අඩු වන අතර විවිධ ලෙඩ රෝග බෝවීමත් නතර කළ නොහැකිය. ශ්‍රී ලංකාව වැනි බහුතරය බෞද්ධ සංස්කෘතියක ජීවත් වන ජනයා හට පිලිකුල් අප්‍රිය සහගත ක්‍රියාවක් ලෙස දැක්විය හැකිය. මිනිසා මෙවැනි සමාජ අසම්මත කාර්යයන්ට යොමු වන්නේ කුමන කාරණාවක් පදනම් කරගෙනද කියලා බුදු දහමට අනුව ඉහත කරුණු තුළින් අවබෝධ වේ. සියලුම දේ සඳහා සෘජුව හා ප්‍රබලව බලපාන්නේ සිතයි. ඒ බව ධම්මපදයේ යමක වග්ගයේ සඳහන් වේ. සිත සංවරකර ගැනීම යහපත්ය. බාහිර අරමුණු වල ඇලී ගැලී කාම ස්පර්ශය විදිමින් කටයුතු කරන මිනිසා මෙලොවත් පරලොවත් අසතුටින් ගත කරයි. සිත සංවර කර ගැනීමේ මග භාවනාවයි. ජීවිතයේ හරය අවබෝධ කර ගෙන සීලාදී ගුණ ධර්ම ගරු කරමින් සදාචාරවත් දිවියක් ගත කිරීම බුදු දහම අවධාරනය කරයි. එලෙස කටයුතු කිරීම තුළින් ලෝක සම්මත දේ හා අසම්මත දේ නිවැරදිව තේරුම් ගත හැකිය. තමාටත් අන්‍යයන්ටත් හිංසා පීඩාකාරී නොවන ලෙස සතුටින් ජීවත් වීමට නම් සමාජ සම්මතයට ගරු කරමින් නිවැරදි ප්‍රතිපත්ති පුරණය අත්‍යවශ්‍ය වේ. මෙවැනි කරුණු දෙස අවධානය යොමු කිරීමේදී සමලිංගිකත්වය පිළිබඳ බුදු දහම අවධාරණය නොකරන බවත් ලිංගිකත්වය ලෞකික දිවියේදී අවබෝධයෙන් සදාචාර සම්පන්නව භාවිතා කළ යුතු බවත් පසක් නොවන්නේද?