තම පියාට පහරදී බිම වැටුණු පසුව නැවත උදරයට පා පහරක් දී කකුල් දෙකෙන් උස්සා කොස් ගසක ගසා මරා දමන ලදැයි කියන සිද්ධියක් සම්බන්ධයෙන් ගලෙන්බිදුණුවැව පොලිසිය විසින් අත්අඩංගුවට ගෙන අධිකරණය හමුවට ඉදිරිපත් කෙරුණු සැකකාර පුතකු මේ මස 20 වැනිදා දක්වා රිමාන්ඩ් කරන ලෙස කහටගස්දිගිලිය මහේස්ත්‍රාත් නිපුණ ගුණසේන මහතා නියෝග කළේය. මෙසේ රිමාන්ඩ් කෙරුණේ ගලෙන්බිඳුණුවැව නිකවැව හුරුළු ඇහැටුවැව පදිංචි 26 හැවිරිදි ඩී. උදාර සම්පත් නැමැත්තෙකි.
ඉහත ලිපිනයේම පදිංචිව සිටි ඒ. සරත් කුමාර නැමති 49 හැවිරිදි තම පියාට බීමත්ව පහර දී බිම වැටුණු පසුව උදරය ද පාගා දමා පසුව කකුල් දෙකෙන් උස්සා මේකාගේ කකුල් දෙකත් කඩන්න ඕනෑ යැයි කියමින් පොළොවේ ගසා මෙම ඝාතනය සිදු කර ඇති බව ගලෙන්බිඳුණුවැව පොලිසිය කළ මූලික විමර්ශනවල දී අනාවරණ වී තිබේ.
ඒ. සරත් කුමාර යන අයගේ මරණය ස්වභාවික මරණයක් බවත් ඒ සම්බන්ධයෙන් තමන්ට කිසිදු සැකයක් නැති බවත් පවුල් ඥාතීන් පැවසීම නිසා අදාළ මරණය ස්වභාවික මරණයක් බවට නිගමනය කරමින් භූමදානය කර ඇත.
පසුව ඒ සරත් කුමාරගේ වැඩිමහල් පුතා වන ඩී. නිතුම් කාවින්ද යන අය 119 පොලිස් හදිසි ඇමැතුම් ඒකකයට ඇමතුමක් ලබා දී පවසා ඇත්තේ සිය පියාගේ මරණය සැක සහිත බවයි.
මෙම තොරතුර සම්බන්ධයෙන් අවධානය යොමු කළ හොරොව්පතාන සහකාර පොලිස් අධිකාරි එස්.පී. එදිරිසිංහ මහතා ඔස්සේ විමර්ශන කර අධිකරණයට කරුණු වාර්තා කරන ලෙසට ගලෙන්බිඳුණුවැව පොලිසියේ ස්ථානාධිපති ප්‍රධාන පොලිස් පරීක්ෂක දිසානායක සහ අපරාධ විමර්ශන අංශයේ ස්ථානාධිපති උප පොලිස් පරීක්ෂක ජේ. නිමල් කරුණාරත්න යන මහත්වරුන්ට උපදෙස් දී ඇත.
ඒ අනුව සැක කටයුතු ලෙස මිය ගිය බව කියන සරත් කුමාරගේ මෘත දේහය යළි ගොඩ ගැනීමට අවශ්‍ය බව පවසමින් ඒ සඳහා අධිකරණ නියෝගයක් දෙන ලෙස ගලෙන්බිඳුණුවැව පොලිසිය කහටගස්දිගිලිය මහේස්ත්‍රාත් නිපුණ ගුණසේන මහතාගෙන් කළ ඉල්ලීමට මහේස්ත්‍රාත්වරයා අධිකරණයේ අවසරය ලබා දුන්නේය. අනතුරුව මහේස්ත්‍රාත් නිපුණ ගුණසේන මහතාගේ අධීක්ෂණය යටතේ අනරාධපුර ශික්ෂණ රෝහලේ අධිකරණ වෛද්‍ය නිලධාරි එන්. එන්. ඒ. සී. ගුණතිලක මහතා අදාළ මළ සිරුර ගොඩ ගෙන පශ්චාත් මරණ පරීක්ෂණයක් පැවැත්වීය.
එම පශ්චාත් මරණ පරීක්ෂණයේ දී අනාවරණය වී ඇත්තේ මිය ගොස් සිටි සරත් කුමාරගේ මුහුණේ දකුණු ඇසටvපහළින් සහ පිටේ වම් පස තැලීම් තුවාල ඇති බවයි. ඒ අනුව අදාළ මරණයට හේතුව ඝාතනයක් බවට නිගමනය කළ අධිකරණ වෛද්‍ය නිලධාරි එන්. එන්. ඒ. සී. ගුණතිලක මහතා මෘත ශරීරයේ කොටස් රජයේ රස පරීක්ෂකවරයා වෙත යැවීමට කටයුතු කළේය.පසුව මෙම ඝාතනයට සැකපිට මිය ගිය ඒ සරත් කුමාරගේ බාල පුතා වන උදාර සම්පත් නැමැත්තා අත්අඩංගුවට ගෙන අධිකරණයට ඉරිපත් කර රිමාන්ඩ් බාරයට පත් කරනු ලැබීය.
ඉහත ලිපිනයේම පදිංචිව සිටි ඒ. සරත් කුමාර නැමති 49 හැවිරිදි තම පියාට බීමත්ව පහර දී බිම වැටුණු පසුව උදරය ද පාගා දමා පසුව කකුල් දෙකෙන් උස්සා මේකාගේ කකුල් දෙකත් කඩන්න ඕනෑ යැයි කියමින් පොළොවේ ගසා මෙම ඝාතනය සිදු කර ඇති බව ගලෙන්බිඳුණුවැව පොලිසිය කළ මූලික විමර්ශනවල දී අනාවරණ වී තිබේ.
ඒ. සරත් කුමාර යන අයගේ මරණය ස්වභාවික මරණයක් බවත් ඒ සම්බන්ධයෙන් තමන්ට කිසිදු සැකයක් නැති බවත් පවුල් ඥාතීන් පැවසීම නිසා අදාළ මරණය ස්වභාවික මරණයක් බවට නිගමනය කරමින් භූමදානය කර ඇත.
පසුව ඒ සරත් කුමාරගේ වැඩිමහල් පුතා වන ඩී. නිතුම් කාවින්ද යන අය 119 පොලිස් හදිසි ඇමැතුම් ඒකකයට ඇමතුමක් ලබා දී පවසා ඇත්තේ සිය පියාගේ මරණය සැක සහිත බවයි.
මෙම තොරතුර සම්බන්ධයෙන් අවධානය යොමු කළ හොරොව්පතාන සහකාර පොලිස් අධිකාරි එස්.පී. එදිරිසිංහ මහතා ඔස්සේ විමර්ශන කර අධිකරණයට කරුණු වාර්තා කරන ලෙසට ගලෙන්බිඳුණුවැව පොලිසියේ ස්ථානාධිපති ප්‍රධාන පොලිස් පරීක්ෂක දිසානායක සහ අපරාධ විමර්ශන අංශයේ ස්ථානාධිපති උප පොලිස් පරීක්ෂක ජේ. නිමල් කරුණාරත්න යන මහත්වරුන්ට උපදෙස් දී ඇත.
ඒ අනුව සැක කටයුතු ලෙස මිය ගිය බව කියන සරත් කුමාරගේ මෘත දේහය යළි ගොඩ ගැනීමට අවශ්‍ය බව පවසමින් ඒ සඳහා අධිකරණ නියෝගයක් දෙන ලෙස ගලෙන්බිඳුණුවැව පොලිසිය කහටගස්දිගිලිය මහේස්ත්‍රාත් නිපුණ ගුණසේන මහතාගෙන් කළ ඉල්ලීමට මහේස්ත්‍රාත්වරයා අධිකරණයේ අවසරය ලබා දුන්නේය. අනතුරුව මහේස්ත්‍රාත් නිපුණ ගුණසේන මහතාගේ අධීක්ෂණය යටතේ අනරාධපුර ශික්ෂණ රෝහලේ අධිකරණ වෛද්‍ය නිලධාරි එන්. එන්. ඒ. සී. ගුණතිලක මහතා අදාළ මළ සිරුර ගොඩ ගෙන පශ්චාත් මරණ පරීක්ෂණයක් පැවැත්වීය.
එම පශ්චාත් මරණ පරීක්ෂණයේ දී අනාවරණය වී ඇත්තේ මිය ගොස් සිටි සරත් කුමාරගේ මුහුණේ දකුණු ඇසටvපහළින් සහ පිටේ වම් පස තැලීම් තුවාල ඇති බවයි. ඒ අනුව අදාළ මරණයට හේතුව ඝාතනයක් බවට නිගමනය කළ අධිකරණ වෛද්‍ය නිලධාරි එන්. එන්. ඒ. සී. ගුණතිලක මහතා මෘත ශරීරයේ කොටස් රජයේ රස පරීක්ෂකවරයා වෙත යැවීමට කටයුතු කළේය.පසුව මෙම ඝාතනයට සැකපිට මිය ගිය ඒ සරත් කුමාරගේ බාල පුතා වන උදාර සම්පත් නැමැත්තා අත්අඩංගුවට ගෙන අධිකරණයට ඉරිපත් කර රිමාන්ඩ් බාරයට පත් කරනු ලැබීය.
