මට හිතෙන හැටි ….
මම මේ ටික කියන්න හිටියෙ කීප දවසකට කලින් …
නමුත් දෙතුන් වතාවක් කියවලා … ඊට පස්සෙ ගොඩාක් කල්පනා කරල තමයි මේ ටික කියන්න හිතුනෙ …
මට දැනෙනවා මේ සමියට දැන් අපේ පරණ සහෝදර සහෝදරියන් එනවා අඩුයි කියල... දැන් බලන්න මේ පිටුව පටන් අරන් තියෙන්නෙ මේ මාසෙ 3 වැනිදා උදේ… තාම යන්නෙ ඒකමයි. මම දන්න හැටියට කාලෙකින් මෙහෙම වෙලා නැහැ …
මොකක්ද මේකට හේතුව…? සමහරවිට අපේ කට්ටිය කාර්යබහුල වෙලා ඇති. එහෙම නැති නම් තිබුනු උනන්දුව අඩු වෙලා වත්ද….?
අපි හැමෝටම ජීවිතයේ යම් යම් ගැටලු තිබෙනවා… නමුත් විසඳා ගැනීමට අපහසු දේවල් මේ සමියෙහි සිදු වී නොමැති බවයි මගේ හැඟීම ... අවුරුදු 1 ½ කට වඩා මෙහි උන්නතිය වෙනුවෙන් ඇප කැප වුනු ඔබ සැම කර ඇති සේවය අති විශිෂ්ටයි. එවන් විශිෂ්ට සේවාවක් සැපයූ මේ “එලකිරි” සමිය (වචනයේ පරිසමාප්ත අර්ථයෙන් ම “එලකිරි”) දැන් පත් වී ඇති තත්ත්වය තාවකාලික පසුබෑමක් යැයි අප හැමගේම විශ්වාසයයි… මන්ද මේ ලෝකයේ කිසිම දෙයක් ස්ථිර නොවන නිසා …
අමාරුවෙන් දරුවෙක් හදල වඩල, දෙමාපියන් වෙන්වී යෑම කොතරම් අමිහිරි අත්දැකීමක්ද? මෙයත් ඒ වගේ දෙයක් නේද? අලුත් සාමාජිකයින් මෙය තව කලක් අරගෙන යයි. නමුත් පැරැන්නන්ගේ මඟ පෙන්වීම හා අලුත් අය හා මුසු වීම ඉතා අවැසියි. … අප හැමට තව දිගු ගමනක් යා හැකියි.
මා ඔබ සැමට හදවතින්ම කරන ආයාචනය නම් ඔබ සැම හැකි ඉක්මනින් නැවත මෙහි පැමිණ මේ වටිනා සේවය ඉදිරියටත් පවත්වාගෙන යන ලෙසයි. එයට අපට හැකි අයුරින් මෙහි පැවැත්ම තවත් කාලයක් පවත්වා ගෙන යාමට ඔබ සැමට සහයෝගයක් දීමට අප සූදානම්. අපි ධනාත්මකව සිතමු. මම ඔබෙන් ඉල්ලන්නේ එයයි!
ඔබ සැමට යහපතක්ම වේවා!
Password Protected
Chitra Somapala - Kelani Gange & ?
