හිටපු ජනාධිපතිවරුන් නඩත්තුවට වසරක් තුළ වැය වූ මුදල - රුපියල් මිලියන 95 යි.
ශ්රී ලංකන් ගුවන් සේවය 2025 වසරේ දී ලැබූ පාඩුව - රුපියල් මිලියන 7600 යි. බිලියන නම් 7.6 යි. කෝටි 760 යි.
රුපියල් මිලියන 95 ක් ඉතිරු කළා කියලා පම්පෝරි ගහපු ආණ්ඩුව, මේ රටේ මිනිස්සු කන පරිප්පු ටිකෙන්, හාල් ඇටයෙන්, ෆෝන් කාර්ඩ් එකෙන්, වෘත්තිකයන්ගේ වැටුපෙන් කපා ගන්නා මහජන බදු මුදලෙන් මිලියන 7600 ක් ශ්රී ලංකන් ගුවන් සේවය හරහා විනාශ කරලා.
ඔබේ බදු මුදල් වංචා කරලා.
2025 මාලිමා ආණ්ඩුව බලයට පැමිණීමට පෙර, රනිල්ගේ පාලනය යටතේ ශ්රී ලංකන් සමාගම රුපියල් මිලියන 3800 ක මෙහෙයුම් ලාභයක් ලැබුවා.
ඒ අනුව මාලිමා රජය යටතේ ශ්රී ලංකන් ගුවන් සේවයෙන් පමණක් සේදි ගිය, වංචා වූ මහජන බදු මුදල රුපියල් මිලියන 11,400ක්.
එය ඊනියා සංදර්ශනාත්මක හිටපු ජනපතිවරුන්ගේ වරප්රසාද කපා ඉතිරි කළ මුදල මෙන් 120 ගුණයක්.
අනුර කුමාර සහ රජය ශ්රී ලංකන් ගුවන් සේවය මෙලෙස පාඩු ලැබීමට ඉඩ දී, තවදුරටත් අයවැයෙන් ඔබේ බදු මුදල් ශ්රී ලංකන් ගුවන් සේවයටම වෙන් කරන්නේ ඇයි ?
ඒකට උත්තරය දේශපාලනිකයි.
ධම්මික පෙරේරා.
අනුර කුමාරට බලයට ඒමට බිලියන ගණන් මුදල් වියදම් කරපු, පැලවත්තෙ පක්ෂ කාර්යාලයේ ඉදලා වසන්තගේ, අනුරගේ ගෙවල් හදන්න ටයිල් පවා දීපු කූඨ ව්යාපාරිකයා.
ධම්මිකට අනුර සහ ආණ්ඩුව ණයයි. පසුගිය මැතිවරණ තුනටම ධම්මික කෝටි ගණනක් මුදල් මාලිමාවට ලබා දුන්නා
ඊට හිලව් වශයෙන් මාලිමා රජයෙන් ධම්මික විවිධ වරප්රසාද ගත්තා.
ඒ අතරින් එකක් ශ්රී ලංකන් ගුවන් සේවය.
ශ්රී ලංකන් ගුවන් සේවයේ පාලනය දැන් තියෙන්නේ ධම්මික පෙරේරා අතේ.
ඒක වුණේ කළින් ආණ්ඩු අශෝක් පතිරගේ ශ්රී ලංකන් එකට දැම්මා වගේ කෙළින්ම කරන වැඩ වලින් නෙවෙයි.
ශ්රී ලංකන් අධ්යක්ෂක මණ්ඩලයේ සාමාජිකයන් අටයි.
මේ සාමාජිකයන් අටෙන් හතරක්ම පත් කළේ ධම්මික පෙරේරා ගේ නියෝජිතයන්.
සෘජුවම ධම්මික යටතේ වැඩ කරන, ධම්මිකට වග කියන, ධම්මිකගෙන් යැපෙන, ධම්මිකගේ මිනිස්සු.
එහෙම නැත්නම් ධම්මිකගේ සේවකයො.
සරලවම කියනවා නම් ධම්මිකගේ හේලීස් සමාගමේ අධ්යක්ෂක මණ්ඩල සාමාජිකයන් හතර දෙනෙක් ශ්රී ලංකන් ගුවන් සේවයට පත් කළා.
1) සරත් ගනේගොඩ - ශ්රී ලංකන් ගුවන් සේවයේ සභාපති / ධම්මිකගේ හේලීස් ව්යාපාරයේ අධ්යක්ෂ මණ්ඩල සමාජික
2) හර්ෂ කබ්රාල් - ශ්රී ලංකන් අධ්යක්ෂ මණ්ඩල සාමාජික / හේලීස් අධ්යක්ෂක
3) රොහාන් ගුණතිලක - ශ්රී ලංකන් අධ්යක්ෂ මණ්ඩල සාමාජික / හේලීස් පරිපාලන අධ්යක්ෂක
4) දිමල් අරන්දර - ශ්රී ලංකන් අධ්යක්ෂ මණ්ඩල සාමාජික / හේලිස් පරිපාලන අධ්යක්ෂක
ඉතිරි අධ්යක්ෂක මණ්ඩල සාමාජිකයන්ගෙන් දෙදෙනෙක් ධම්මික විසින් මිලට ගත්තා.
මුදල් හරහා එය එතරම් අපහසු දෙයක් නොවෙයි.
දැන් ධම්මිකට වැඩ කරන, ධම්මිකගේ මේ සේවකයන් හරහා, ධම්මික ශ්රී ලංකන් හසුරවමින් සිටිනවා.
දැන් ශ්රී ලංකන් ගුවන් සේවය ධම්මිකගේ.
ඔබේ බදු මුදල් බිලියන 7 ක සෘජු පාලනය ධම්මික පෙරේරා ගේ.
ඒක කළින් ආණ්ඩු විසින් අශෝක් පතිරගේ ශ්රී ලංකන් පාලනයට පත් කළා වගේ නෙවෙයි.
එතැනදී අඩුම තරමේ වෙන හැම ගණුදෙනුවකටම අශෝක් වගකිවයුතුයි.
එම නිසා අශෝක්ට ඕනෑ විදියට හොරකම් කරන්නට බැහැ.
මෙතනදි වෙනස්.
මෙතනදී සිදුවන්නේ සමාජයට සහ මිනිසුන්ට හොරරහසේ ධම්මික මහජන බදු මුදල් හොරකම් කිරීම.
මේ මොහොතේ ධම්මිකගේ ටෙන්ඩර් වල ඉදන්, ධම්මිකගේ බිස්නස් වල කාර්ගෝ සප්ලයර් වෙන්නෙත් ශ්රී ලංකන්.
ශ්රී ලංකන් ගුවන් සමාගමේ අධ්යක්ෂක මණ්ඩලය, CEO සහ පරිපාලනයට ඕනෑ තරම් ගුවන් ප්රවේශ පත්ර නොමිලයේ ලබා ගත හැකියි.
ඒ වරප්රසාදය ඔවුන්ට ලබා දෙන්නේ ගුවන් සමාගමේ වැඩ වලට රට යෑමට. එමෙන්ම ඔවුන්ගේ පුද්ගලික කටයුතු වලටත් ඒ වරප්රසාදය හිමියි.
සරත් ගනේගොඩ සභාපතිධූරයට පත්වුනාට පස්සෙ පනස් වරකට වැඩි ප්රමාණයක් නොමිලයේ ගුවන් ටිකට්පත් අරන් රට ගිහින් තියෙනවා.
විවිධ අවස්ථාවන් වල පවුලේ සාමාජිකයන් එක්ක.
තවත් අවස්ථාව වල ව්යාපාරික සගයන් එක්ක.
මේ ඔක්කොම ව්යාපාරික පන්තියේ ප්රවේශ පත්ර.
බිස්නස් ක්ලාස් ටිකට්ස් කියන්නේ ශ්රී ලංකන් ගුවන් සේවයට විශාල වියදමක්.
මේ අතිබහුතර ගමන් ඔහු ගියේ ධම්මික පෙරේරාගේ ව්යාපාරික ජාලයේ වැඩ වලට.
මේක ධම්මික ශ්රී ලංකන් ලබා ගැනීමේ එක් බලාපොරොත්තුවක්.
දැන් ධම්මිකගේ බිස්නස් වල විදෙස් සංචාර සියල්ල කරගන්නේ ශ්රී ලංකන් හරහා
ඒ විතරක් නෙවෙයි.
චෙන්නායි වල ඉඳලා එන ගුවන් යානා වල ධම්මිකගේ කැසිනො වලට එන ඉන්දියානු පාරිභෝගික පිරිසක් ඉන්නවා.
ඒ ඔක්කොම ලංකාවට කැසිනො ගහන්න එන ඉන්ඩියන්කාරයො සහ ඒ ඉන්ඩියන්කාරයො සනසන්න එන C ග්රේඩ් ඉන්ඩියන් නිළියන් සහ නිරූපිකාවන්.
මේ අය චාටර් ෆ්ලයිට්ස් දාන් එනවා. සමහර වෙලාවට ශ්රී ලංකන් බිස්නස් ක්ලාස් එනවා.
දැන් එහෙම තනි තනිව ශ්රී ලංකන් එන ධම්මිකගේ කැසිනො පාරිභෝගිකයන්ට සහ නිළියන්ට, නිරූපිකාවන්ට ධම්මික අපූරු වරප්රසාදයක් දීලා.
ඔවුන් මිලට ගන්නේ සාමාන්ය පන්තියේ ටිකට්ස්. (නිළියන්ට නිරූපිකාවන්ට නම් ටිකට්ස් මිලට ගන්නේ කැසිනො එකෙන්මයි)
ප්ලේන් එක ඇතුලෙදි ඔවුන් බිස්නස් එකට අප්ග්රේඩ් කරනවා.
(මේක කාර්ය මණ්ඩලයට තියෙන නිල බලයක්. හිස් ව්යාපාරික ආසන, සාමාන්ය පන්තියේ මගීන්ට කැමැත්ත මත ලබා දෙන්න පුලුවන්.)
ඒක ධම්මික දැන් කැසිනො පාරිභෝගිකයන්ට ලබා දෙන වරප්රසාදයක්.
ඒ විතරක් නෙවෙයි.
ධම්මිකගේ ව්යාපාරික සහ පුද්ගලික අවශ්යතා සඳහාම මෙල්බර්න් සහ සිඩ්නි ගුවන් ගමන් වැඩි කර තිබෙනවා.
දැන් සෑම රාත්රියකම අඛණ්ඩවම මෙල්බර්න් සහ සිඩ්නි ගුවන් ගමන් සිදු කෙරෙනවා.
මෙහිදී ගුවන් යානා වල ආසන බොහෝ අවස්ථා වල හිස්.
ශ්රී ලංකන් පාඩු ලැබීමට මේ නාස්තිකාර ගුවන් ගමන් ද්විත්වය විශාල හේතුවක්.
මේ මතුපිටින් පේන ශ්රී ලංකන් මිස්යූස් කිරිලි විතරයි.
තිරය පසුපස ශ්රී ලංකන් එකෙන් ධම්මික ගහන ගැහිලි මේ වගේ සීනිබෝල වැඩ නෙවෙයි.
ශ්රී ලංකන් ගුවන් සමාගමේ සියලූම ටෙන්ඩර් සහ මිලදී ගැනීම් සිදුවෙන්නේ, වැඩි මිලට ධම්මිකගේ ව්යාපාරික ජාලය හරහා.
ඒ බොහෝ තැන්වල ධම්මික සෘජුව සැපයුම්කරුවා නොවී තැරැව්කාරයෙක් ලෙස පෙනී සිටිමින් සැපයුම් ජාලය මෙහෙයවනවා.
ශ්රී ලංකන් නිල ඇඳුම්, තාක්ෂණික උපකරණ වල සිට මගීන්ට ලබා දෙන වතුර බෝතලය දක්වා බිලියන ගණනක සැපයුම් වල වැඩි කොටසක් ධම්මික උදුරා ගනිමින් සිටිනවා.
ශ්රී ලංකන් ගුවන් සේවය කා දැමූ ඔබේ බදු මුදල් මිලියන 7600 න් බහුතරය ගියේ සරත් ගනේගොඩ හරහා ධම්මිකගේ සාක්කුවට.
මහජන බදු මුදල් මිලියන 7600 ක් කියන්නේ සරල මුදලක් නෙවෙයි.
එය රුපියල් මිලියන 10 බැගින් වැය කර, අලුතෙන් පාසල් ගොඩනැගිලි 760 ක් ඉදි කළ හැකි මුදලක්.
අලුතෙන් උසස්ම තත්ත්වයේ රෝහල් ඇඳන් 190,000 ක් මිලට ගත හැකි මුදලක්.
පෝෂණය අවශ්ය පාසල් දරුවන් පනස් දහසකට ආහාර වේල් දෙකක් වසරක් පුරා ලබා දිය හැකි මුදලක්.
එතරම් විශාල බදු මුදලක් මාලිමා ආණ්ඩුව විනාශ කරලා. දිය කරලා. හොරකම් කරලා.
මම ස්ථිරව කියනවා.
මෙවර අයවැයෙනුත් අනුර, ඔබේ බදු මුදල් මිලියන 2000 ක් ශ්රී ලංකන් ගුවන් සේවයට වෙන් කරනවා.
ඒ තමයි කූඨ ව්යාපාරිකයන් විසින් මිලට ගත් රූකඩ පාලකයන් බලයට ගෙන ඒම වෙනුවෙන් ඔබ ගෙවනා වන්දිය.
Sachin Rathwatteගේ වෝලයෙනි.
======((((((((((=========(((((((======
මේක ඇත්තටම වෙන දෙයක් ද?