ඔබ වෛද්‍ය උපදෙසකින් තොරව දිගු කාලයක් තිස්සේ අධික මාත්‍රාවලින් විටමින් ඩී ලබා ගැනීමෙන් වළකින්න.

MAXPANE7 · Sunday at 1:56 PM

Vitamin D toxicity ගැන දැනගමු.

1. මනෝවිද්‍යාත්මක වෙනස්කම්: ව්‍යාකූලත්වය (Confusion), මතක ශක්තිය අඩුවීම හෝ මන්දගාමී බව.

2. ඇති විය හැකි බරපතල සෞඛ්‍ය සංකූලතා.

වකුගඩු හානි සහ ගල් ඇති වීම: රුධිරයේ ඇති අධික කැල්සියම් ප්‍රමාණය වකුගඩු තුළ තැන්පත් වීම නිසා වකුගඩු ගල් (Kidney stones) සෑදීමට සහ අවසානයේ වකුගඩු අසමත් වීමට (Kidney failure) පවා බලපෑ හැකිය.

අස්ථි දුර්වල වීම: පරස්පර විරෝධී ලෙස, විටමින් ඩී අධික වීම නිසා අස්ථිවල ඇති කැල්සියම් රුධිරයට මුදා හැරීම සිදුවන බැවින්, අස්ථි වේදනා සහ අස්ථි දුර්වල වීමක් සිදුවිය හැක.

හෘද ස්පන්දන වේගය අක්‍රමවත් වීම (Arrhythmia): රුධිරයේ කැල්සියම් වැඩි වීම හෘදයේ ක්‍රියාකාරීත්වයට බාධා ඇති කළ හැකිය.

ඔබ වෛද්‍ය උපදෙසකින් තොරව දිගු කාලයක් තිස්සේ අධික මාත්‍රාවලින් විටමින් ඩී ලබා ගැනීමෙන් වළකින්න.

ozykolla · Sunday at 2:05 PM

අධික මාත්‍රාව කොච්චර ද කියලා දාලා නෑ
හෙන ගහනවා

-333- · 2026-08-24T17:39:15+0530

"ඔයාත් රැල්ලට විටමින් D බොන්න පටන් ගත්ත කෙනෙක්ද?"
එහෙනම් අනිවාර්යයෙන්ම කියවන්න.

ඉතිහාසයේ කවදාටත් වඩා විටමින් D ගැන ලංකාව පුරා ඉතාම විශාල කතිකාවතක් ඇති වෙලා තියෙන කාලයක් මේක.

Pharmacy වල Vitamin D අලෙවිය වෙනදට වඩා ඉහල ගිහින් තියෙනවා දකින්න පුළුවන්. මෙතන තියෙන ගැටලුව, අද වෙද්දී ලංකාවේ බොහෝ දෙනෙක් විටමින් D ලබා ගන්නේ නිසියාකාරව නොවෙයි. ගොඩක් ම තමන් විසින් හිතලා තීරණය කර ගෙන. ඒ තීරණ අරගෙන තියෙන්නේ, එක්කෝ තමන්ගේ යාලුවෙක්ගෙ, පවුලේ කෙනෙක්ගේ Recommendation එකක් නිසා.
එහෙමත් නැත්නම් Social Media වලින් කියවන්න, අහන්න හෝ දකින්න ලැබුණු කාරණා ටිකක් පදනම් කරගෙන

1,000 IU හෝ 2,000 IU මාත්‍රා වලින් තිබෙන standard daily Vitamin D supplements ලංකාව තුල OTC Medicines විදියට ලබා ගැනීමට බාධාවක් නැහැ.
ගැටලුව තියෙන්නේ, එහෙම ලබා ගන්නට පුළුවන් කම තිබුනා වුවත්, හිතුමනාපෙට Vitamin D ලබා ගැනීමෙන් උද්ගත විය හැකි සෞඛ්‍ය ගැටළු පිලිබඳ බොහෝ දෙනෙක්ට කිසිම අවබෝධයක් නොතිබීමයි.

මේ ලිපිය සම්පාදනය කරන්නේ, විටමින් D පිලිබඳ ඔබව දැනුවත් කිරීමේ අරමුණින්.

"ඉස්සෙල්ලම බලමු Vitamin D කියන්නේ මොකක්ද කියලා?"

Vitamin D කියන්නේ අපේ ශරීරයට අත්‍යවශ්‍ය මේදයේ දියවන (Fat-Soluble) Vitamin එකක්. විටමින් D වලින් Calcium සහ Phosphate අපේ ශරීරයට නිසියාකාරව අවශෝෂණය කර ගැනීමට විශාල මෙහෙවරක් සිදු කරනවා.

ඒ නිසාමයි අස්ථි, දත් සහ මාංශ පේශි නිරෝගීව පවත්වා ගැනීමට Vitamin D වලින් ලොකු දායකත්වයක් ලැබෙන්නේ.

ඒ විතරක් නෙවෙයි, ප්‍රතිශක්තිකරණ පද්ධතියේ (Immune System) සාමාන්‍ය ක්‍රියාකාරිත්වයටත් Vitamin D වැදගත් වෙනවා.

"විටමින් D කියන්නේ අපි හැමෝම දිනපතා ගන්න ඕන විටමින් එකක් ද?"

විටමින් D කියන්නේ මේදයේ දියවන විටමින් එකක් කියල මුලින් සඳහන් කළා නේ. ඒ නිසා විටමින් D අපේ ශරීරයේ අක්මාව සහ මේද පටක තුළ තැන්පත් වීම සිදු වෙනවා.

ඒ නිසා, ජලයේ දියවන විටමින් වගේ නෙවෙයි, ශරීරයේ විටමින් D මට්ටම ප්‍රමාණවත් මට්ටමක පවතින නිරෝගී පුද්ගලයින්ට දිනපතා අතිරේක වශයෙන් විටමින් D ලබා ගැනීම අත්‍යවශ්‍ය දෙයක් නෙවෙයි.

දිනපතා විටමින් D Supplements ලබා ගැනීම ප්‍රධාන වශයෙන් නිර්දේශ කරනු ලබන්නේ විටමින් D ඌනතාවයෙන් පෙළෙන පුද්ගලයින්ට හෝ එම ඌනතාව ඇතිවීමේ වැඩි අවදානමක් පවතින අයටයි.

"අපේ ශරීරයට Vitamin D ලැබෙන්නේ මෙහෙමයි."

සමාජයේ ඉන්න ගොඩක් දෙනෙක් හිතා ගෙන ඉන්න දෙයක් තමයි Vitamin D අපිට ලබා ගන්න තියෙන්නේ Vitamin D Supplement හරහා හෝ නැත්නම් ආහාර වලින් විතරයි කියලා.

නමුත් මෙතන ඇත්ත කතාව ඒක නෙවෙයි.

ශරීරයට අවශ්‍ය Vitamin D වලින් වැඩි කොටසක් අපේ ශරීරය විසින්ම නිපදවා ගන්නවා.

ඒක වෙන විදිය සරලව කියන්නම්. . .

අපේ සම හිරු එලියට නිරාවරණය වුනාම, හිරු එළියේ තිබෙන UV-B කිරණ සම මත පතිත වීම සිදු වෙනවා.
එමගින් සමේ තිබෙන 7-Dehydrocholesterol කියන සංයෝගය Vitamin D බවට පරිවර්තනය වීම ආරම්භ වෙනවා.

එහෙම නිපදවෙන Vitamin D ඊට පස්සේ එය අක්මාව (Liver) තුළත්, වකුගඩු (Kidneys) තුළත් තවත් පරිවර්තනයන්ට ලක් වෙලා, අවසානයේ ශරීරයට භාවිතා කළ හැකි Active Vitamin D (Calcitriol) බවට පත් වෙනවා.

ඉතින් සම, අක්මාව සහ වකුගඩු කියන මේ අවයව තුනම එකට ක්‍රියා කළාම තමයි අපේ ශරීරයට භාවිතා කළ හැකි Vitamin D නිපදවීම සිදු වෙන්නේ.

ඊට අමතරව salmon, mackerel, sardines වගේ Fatty Fish වලිනුත් , බිත්තර කහමදය ආහාරයට ගැනීමෙන් සහ Vitamin D එකතු කළ (Fortified) ආහාර වලිනුත් Vitamin D ලබා ගන්න හැකියාව තිබෙනවා.

------------

"Vitamin D Supplement ලබා ගැනීම අවශ්‍ය විය හැක්කේ කාටද?"

වයස්ගත පුද්ගලයින්

හිරු එළියට ඉතා අඩුවෙන් නිරාවරණය වන පුද්ගලයින්

Blood Test මගින් Vitamin D ඌනතාවය පවතින බව තහවුරු වූ පුද්ගලයින්

ආහාර අවශෝෂණය නිසියාකාරව සිදු නොවන (Malabsorption) රෝග තත්ත්වයන් ඇති පුද්ගලයින්

වෛද්‍යවරයෙකු විසින් Vitamin D Supplement නිර්දේශ කර ඇති පුද්ගලයින්

මෙවැනි අවස්ථාවලදී සුදුසු Vitamin D මාත්‍රාව තීරණය කළ යුත්තේ වෛද්‍යවරයාගේ උපදෙස් අනුවයි.

------------

"Vitamin D හරියට ගන්නේ මෙහෙමයි"

Vitamin D හිස් බඩ ලබා ගැනීමෙන් වලකින්න. ආහාර වේලක් සමග Vitamin D ලබා ගැනීමෙන් ශරීරයට Vitamin D උරා ගැනීම පහසු වෙනවා. ලබා ගන්න වේලේ මේදය යම් ප්‍රමාණයක් අඩංගු විය යුතුයි.

Vitamin D උදේම ලබා ගන්න ඕන කියල එකක් නැහැ. දවසේ යම් අවස්ථාවක, ආහාර වේලකින් පසු ලබා ගැනීම ප්‍රමාණවත්.
නමුත් ඔබට නියම කර ඇති කාල පරාසය තුල නිතිපතා ලබා ගැනීම තමයි වැදගත් වෙන්නේ recommended dose එක පමණක් recommended period එක තුල ලබා ගන්න වග බලාගැනීම වැදගත්>

Vitamin D ගන්න හැම කෙනෙක්ම Calcium Supplements ලබා ගැනීමේ අවශ්‍යතාවයක් නැහැ.

------------

Vitamin D Supplements සම්බන්ධව ගොඩක් දෙනෙක් වරද්දගන්න විදිය

ශරීරයේ Vitamin D Deficiency එකක් තියෙනවද කියල Blood Test එකක් හෝ වෛද්‍යවරයෙකු හරහා තහවුරු කරගැනීමකින් තොරව Vitamin D Supplements ආරම්භ කිරීම.

Vitamin D වැඩිපුර ගන්න තරමට ශරීරයට හොඳ ඇති කියන විශ්වාසයේ එල්බ ගෙන, වෛද්‍ය උපදෙස් නොමැතිව අධි මාත්‍රා වලින් ලබා ගැනීම

තමන් නිතිපතා ලබා ගන්න Multivitamin වල Vitamin D තියෙනවා කියලා නොදැන, අමතරව Vitamin D Tablet එකකුත් ලබා ගැනීම.

------------

"Vitamin D හිතුමනාපෙට ගන්න හොඳ නැත්තේ ඇයි?"

කලින් සඳහන් කල පරිදි Vitamin D කියන්නේ මේදයේ දියවන (Fat-Soluble) Vitamin එකක්. ඒ නිසා අවශ්‍යතාවයක් නැතිව අධික මාත්‍රාවන් දිගුකාලීනව ලබා ගත්තොත්, Vitamin D ශරීරයේ එකතු වීමට විශාල ඉඩකඩක් තිබෙනවා.

එමගින් අවසාන ප්‍රතිපලයක් විදියට රුධිරයේ Calcium මට්ටම වැඩි වීම (Hypercalcemia) වැනි තත්ත්වයන් මුලිකවම ඇති වෙන්න පුළුවන්.

ඊට අමතරව . . .

ඔක්කාරය
මලබද්ධය
අධික පිපාසය
නිතර මුත්‍රා කිරීම
වකුගඩු ගල් (Kidney Stones)
වකුගඩු වල වෙනත් සංකුලතා තත්ත්ව,

වැනි ගැටලු ඇති වීමේ අවදානමත් ඉහල යනවා.

මෙතැනදී කියන්නම ඕන දේ තමයි, මේ වගේ ගැටලුකාරී තත්ත්ව ඇති වන්නේ අධික ලෙස Vitamin D Supplement මාත්‍රාවන් දිගුකාලීනව භාවිතා කිරීමෙන් මිසක්, සාමාන්‍ය ලෙස හිරු එළියට නිරාවරණය වීමෙන් නොවෙයි කියන දේ. මොකද හිරු එලියට නිරාවරණය වීමේදී ශරීරය විසින් අවශ්‍ය ප්‍රමාණයට Vitamin D නිපදවා ගැනීම සිදු කරනවා.

හොඳින් මතක තබා ගන්න.

අපි ජීවත් වෙන්නේ දවස පුරාම සැලකිය යුතු මට්ටමකින් හොඳ හිරු එළියක් ලැබෙන රටක.ඒ නිසාවෙන්, හැමෝම Vitamin D Tablets වලට යොමු වීමේ අවශ්‍යතාවයක් නැහැ කියන දේ අවධාරණය කරන්නම ඕන කාරණයක් මෙතනදී මොකද කලින් සඳහන් කරපු පරිදි, අපේ ශරීරයට ස්වභාවිකවම Vitamin D නිපදවා ගැනීමේ හැකියාව තිබෙන නිසාවෙන්

සාමාන්‍යයෙන් සතියකට දින කිහිපයක්, අත් හෝ කකුල් වැනි සමේ කොටසක් විනාඩි 10–30ක් පමණ හිරු එළියට නිරාවරණය වීම මගින් බොහෝ පුද්ගලයින්ට අවශ්‍ය Vitamin D ප්‍රමාණය නිපදවා ගැනීමට ස්වභාවිකව හැකියාව තිබෙනවා.

නමුත් වයස, සමේ පැහැය, ජීවන රටාව, සෞඛ්‍ය තත්ත්වය සහ හිරු එළියට නිරාවරණය වන ප්‍රමාණය අනුව මෙම Vitamin D අවශ්‍යතාවය පුද්ගලයාගෙන් පුද්ගලයාට වෙනස් වෙනවා.

ඒ නිසා රැල්ලට හැමෝම Vitamin D අරගෙන හරි යන්නෙත් නැහැ. ඒ වගේමයි, මගේ Lifestyle එක අනුව මට නම් Vitamin D ගන්න කවදාවත් ඕන වෙන්නේ නැහැ වගේ විශ්වාස වල එල්බ ගෙන ඉන්න එකත් හරි යන්නේ නැහැ.

තරයේ මතක තබා ගන්න ඕන දේ තමයි, Vitamin D Supplements භාවිතා කළ යුත්තේ අවශ්‍ය අවස්ථාවලදී පමණක්, සුදුසු මාත්‍රාවෙන් සහ වෛද්‍යවරයෙකුගේ නිර්දේශය මත කියන දේ

Vitamin D ලබා ගන්න ඕන දවසේ මොන වේලාවේද, මොන මොන බෙහෙත් එක්ක Vitamin D වලට Drug Interactions තියෙනවද කියන දේවල් ඖෂධවේදියෙකුගේ උපදෙස් ලබා ගැනීමෙන් ඔබට දැනුවත් වෙන්න පුළුවන්.

ඒ නිසා Vitamin D භාවිතා කරන්නට ඔබට වෛද්‍යවරයෙකු නිර්දේශ කලොත් අනිවාර්යයෙන්ම ඔබ ඒ වෙද්දී භාවිතා කරන HCT (Hydrochlorothiazide), Indapamide, Digoxin, Prednisolone, Orlistat, Cholestyramine, Carbamazepine, Phenytoin, Ketoconazole වගේ වෙනත් ඖෂධ වෙතොත් ඒ පිලිබඳ ඔබේ ඖෂධවේදියාගෙන් විමසන්නට අමතක කරන්න එපා.

ඔයා Vitamin D Tablets මේ වෙද්දී පාවිච්චි කරන කෙනෙක් නම්, ඔයා ඒ දේට යොමු වුනු ආකාරය Comment Section එකේ Share කරන්න අමතක කරන්න එපා.

ඔයා ඉදිරියේදී Vitamin D, ඔයාගේ හිතුමනාපෙට භාවිතා කරන්න හිතාගෙන හිටපු කෙනෙක්නම්, මේ ලිපිය හරහා ඔයා ලබා ගත්ත දැනුම හරහා ඔයා නිවැරදි Procedure එක Follow කරලා ඔයාගේ Doctor ගේ උපදෙස් මත ඒ දේට යොමු වෙයි කියලා මම හිතනවා.

මේ සම්බන්ධව යම් ගැටළුවක් පැන නැගුනොත්, පහළ Comment Section එකේ ඔබේ ගැටළුව සඳහන් කරන්න.

ඒ වගේම ඉදිරියේදී මා අතින් ලියවෙන්න අත්‍යවශ්‍ය යැයි කියා ඔබ සිතන සෞඛ්යය, ඖෂධ සහ ඖෂධවේදී යන ක්ෂේත්ර වලට අදාළ යමක් වේ නම් ඒ පිළිබඳවත් Comment Section එකේ සඳහන් කරන්න අමතක කරන්න එපා.

ඉතින් මේ වගේ සෞඛ්‍යට වැදගත් තවත් ලිපි ඉදිරියේදී කියවන්න දිගටම රැඳිලා ඉන්න.

ඒ වගේම ඔයා මේ ලිපිය කියවල ඔයාගේ ජිවිතයට යමක් එකතු කරගත්තා නම්, මේ ලිපිය තව කෙනෙක්ට බලන්න Share කරන්න.

Dr. Isuru Wijesinghe, Ph.D

KarolisAppu · 2026-08-24T17:41:51+0530

ekata thamaaa uththo Vitamin D deficiency test ekak karannna.

හෙළයෙක් · 2026-08-24T17:44:56+0530

ආ එළකිරි එකේ උන්ට ඔව්ව වෙන්නෙ නෑ.

NRTG · 2026-08-24T17:45:56+0530

වටිනවා අදහස් ටික

Search

Latest ads

ඔබ වෛද්‍ය උපදෙසකින් තොරව දිගු කාලයක් තිස්සේ අධික මාත්‍රාවලින් විටමින් ඩී ලබා ගැනීමෙන් වළකින්න.

MAXPANE7

Well-known member

ozykolla

Well-known member

-333-

Well-known member

KarolisAppu

Well-known member

හෙළයෙක්

Well-known member

NRTG

Well-known member

Similar threads