Just imagine,
ඔයා 1588 අවුරුද්දෙ සීතාවක රාජසිංහ රජ්ජුරුවො දෙවන වර කොළඹ කොටුව වටළල ඉන්න මොහොතෙ කොටුව ඇතුළෙ හිරවෙලා අන්ත අසරණ තත්වෙක ඉන්න තරුණ පෘතුගීසි සොල්දාදුවෙක්,
හමුදාවට බැඳුණ ගමන්ම ඔයාව එවනු ලැබුවෙ සෙයිලාවෝ හෙවත් ලංකාද්වීපයට, ඒ මීට අවුරුද්දකට විතර කලින්,
රාජසිංහ රජ්ජුරුවො සහ එයාගෙ රණකාමීත්වය, 1562 අවුරුද්දෙ මුල්ලේරියා වෙලේ වතුර ලේ පැහැයට හරවමින් ලබාදුන්නු අන්ත පරාජය ගැන කතන්දර ඔයා අහල තියෙනව,
ඒ ගැන සඳහන් යුධ වාර්තා කියවනකොටත් ඇඟේ ලේ වතුර වෙනව, ඒව ඒ තරම් ම බිහිසුණුයි!
රාජසිංහ කියන්නෙ ඔයා පොඩිකාලෙ කතන්දරවලින් අහපු හැනිබල්, සීසර් වගේ ප්රබල රණශූරයෙක්, එයා සටන්බිමට බැහැල තියෙන්නෙ පොඩිකාලෙ ඉඳන්මයි, සටන්බිම හරියට එයාට ගෙදර වගේ,
ඔක්කොටම වඩා එයා දැඩි පෘතුගීසි විරෝධියෙක්,
ඔයාලව සෙයිලාවෝ දේශයෙන් සදහටම පන්නල දාන ඒකායන අරමුණෙන් සටන්වදින්නෙක්!
භයානකම කාරණය දැන් මාස ගාණක් තිස්සෙ බලකොටුව වටලගෙන ඉන්නෙ මුල්ලේරියා සටනට ආපු හමුදාවට වඩා සියදහස් ගුණයක් බලගතු හමුදාවක්,
ආරංචිවල හැටියට ඒ හමුදාව හේවායො 50000ක්, සුළු මුලාදෑනිවරු 6000ක්, යුධ ඇත්තු 250ක්, සහ කාලතුවක්කු 150කින් සමන්විතයි,
එසේ මෙසේ හමුදාවක් නෙවෙයි! මාර සේනාවක්!
එයාලව මෙහෙයවන්නෙ සීතාවක රාජසිංහ රජ්ජුරුවො විසින්මයි!
මේ සා සෙනඟක් අරගෙන රජ්ජුරුවො මෙදා සැරේ ඇවිල්ල ඉන්නෙ දෙකෙන් එකක් විසඳගන්න වගේ,
ඒ නිසා කොයිතරම් කාලයක් ගියත් මේ සැරේ වැටළීම නවතින පාටක් නෑ,
බලකොටුවෙ ආරක්ෂාවට ඒක වටේට තිබුණු බේරෙවැව රාජසිංහගෙ හමුදාව හිස්කරල තියෙන්නෙ,
එයාල දිවාරෑ නැතුව නොනවත්වාම බලකොටුවට එක එක විදිවලට පහරදෙනව,
ඔයා ඉන්නෙ හාමත්වෙලා, තදබල බඩගින්නක, බලකොටුවෙ ආහාර ගබඩාව හිස්වෙලා සති කීපයක්,
පිටතින් කෑමබීම එන්න තියෙන හැම මාර්ගයක්ම වගේ රාජසිංහ රජ්ජුරුවන්ගෙ හමුදාව විසින් අවහිර කරලා, වෙනෙකක් තියා රාජසිංහගෙ යාත්රා කීපෙකුත් බලකොටුව අවට මූදෙ සැරිසරනව,
බඩගින්න උහුලගන්නම බැරි ඔයාගෙ සගයො බලකොටුවෙ තැනතැන දුවපැන හිටපු බළල්ලුන්ව ආහාරයට ගන්න පුරුදුවෙලා,
පිරිසක් ඒකෙනුත් කීයක් හරි හොයාගන්න අදහසින් බළල්ලු පස්සෙන් පන්නනව, ඒ අල්ලගන්න බළල්ලු විකිණෙන්නෙ ගිනිගණන්වලට!
ඔයා ඉස්සරහ තියෙන්නෙ විකල්ප දෙකයි,
එක්කො මෙහෙම්ම බඩගින්නෙ මියෙන්න, එහෙම නැත්තං තියෙන සේසතම වියදම් කරල මිලට ගන්න බළල් මස්වලින් බඩගින්න නිවාගන්න,
එහෙමත් නැත්තං හෙටානිද්දට බලකොටුව බිඳවැටුණට පස්සෙ ප්රචණ්ඩ රළ පාරක් වගේ කඩාවදින සීතාවක හමුදාවෙ කඩුපතට ජීවිතය දෙන්න,
දැන් දැන් එහෙම වෙන ලකුණු පේනව,
බලකොටුවෙ සමහරු යටත්වීමක් ගැන කතාවෙනව ඇහෙනව, තවත් සමහරු ගෝවේ ඉඳන් කොයිවෙලේ හරි ආධාර ඒවි කියල බලාන ඉන්නව,
පිරිසක් මේ අබග්ගයෙන් තමන්ව බේරාගන්නැයි දෙවියන්වහන්සේගෙන් ආයාචනා කරනව,
ඔයා ඉන්නෙ බලකොටුවෙ එක් අන්තයක ප්රාකාරය මත,
එතැන ඉඳන් බැලුවහම හාත්පසම පේනවා,
ඒ පේන දර්ශනය ලොමුදැහැගැන්වෙන සුළු එකක්!
බැලුබැලු අත එකම ගිනිගොඩක්, චලනය වන ගිනිගොඩක්!
නෑ, ඒ අතින් පන්දම් අරගත්තු රාජසිංහගෙ හමුදාව, දාස්ගාණක් සෙබළු!
ඒ පන්දම් එළිය හමුවේ එයාලගෙ අත්වල තියෙන අසිපත්, පොරෝ, නාරාසනං කුන්තානි දිලිහෙනව,
අතරින් පතර මහා පර්වත වගේ නැඟීසිටින යුධ ඇත්තුන්ව පේනව, ඒ ඇතෙක්ට හෙම අහුවුණොත් දෙයියන්ගෙ පිහිට තමයි,
ඒ ඇත්තු පිට ඉන්නෙ ඕනම ඉලක්කයකට විදින්න පුළුවන් රාජසිංහගෙ සේනාවෙ අතිශූර දුනුවායො, එයාලට ගොඩක් ඈතින් හිටියත් ඔයා එයාලගෙ ඉලක්කයක් බවට පත්වෙන්න ඉඩක් නැතුවා නෙවෙයි,
අතරින් පතර නැඟෙන ඇතෙක්ගෙ දෙන්නෙක්ගෙ බියකරු කුංචනාදයක් සහ මූදෙ රළනැඟෙන හඬ හැරෙන්නට හාත්පසම නිශ්ශබ්දයි,
මේ නිශ්ශබ්දතාවය අතිබිහිසුණුයි!
ඒක හරියට මහා විශාල කුණාටුවකට කලියෙන් තියෙන නිහැඬියාව වගේ,
මොකක්ද මේ වෙන්න යන්නෙ?
රාජසිංහ රජ්ජුරුවො කොළඹ කොටුවට එක් තීරණාත්මක බිහිසුණු ප්රහාරයක් එල්ලකරන්න යනවද?
බලකොටුව ඇතුළෙ මහා කලබලයක්, තුවක්කු අතින් ගත්තු සෙබළුන් ප්රාකාරය මත තැනින් තැන ස්ථානගත වෙනව, හාමත්වෙලා දුර්වල ව ඉන්න එයාල ඉන්නෙ අතිප්රබල සීතාවක සේනාව එක්ක මූණට මූණ ගැටෙන්න පුළුවන් තත්වෙක නෙවෙයි,
රාජසිංහගෙ සේනාව බලකොටු ද්වාර කඩාබිඳගෙන ආවොත් වෙන්නෙ මහා විනාශයක්,
ගොඩදෙනෙක් දැනටමත් පරාජය භාරගෙන අවසන්, ප්රාකාරයෙ තැනින් තැන දණගසාගෙන ඉන්න ඔවුන් ජපමාල අතේ ගුලිකරගෙන දෙවියන් යදිනව, ඒ කවුරුවත් නිවටයින් නෙවෙයි, අප්රිකාවෙ, ඉන්දියාවෙ සටන් ගණනාවකට සහහාගී වුණු, ඒවයෙන් පදම් වුණු අත්දැකීම් බහුල සෙබළුන්,
ඔවුන් ඒ තරමට බයවෙලා නම් ඔයා..?
එකපාරටම රාජසිංහගෙ සේනාව දිහාවෙන් සක් හඬක් නැඟෙනව, ඒ හඬ එක්ක ලාවට යුධබෙර හඬක් නැඟෙනව,
ඔයා කොටු තාප්පෙට උඩින් එබිල බලනව,
මහා සේනාව එක තැනකින් දෙපසට වෙනව ඔයාට පේනව, ඒ මැදින් විවරවුණු මඟ පන්දම්වලින් ඒකාලෝක වෙලා, හරියට දවාලක වගේ!
ඒ මඟ ඔස්සේ සුදු අසෙකු පිට නැඟී එන්නෙ හුදෙකලා අශ්වාරෝහකයෙක්,
ආරෝහ පරිනාහ දේහයකින් යුතු ඒ අශ්වාරෝහකයා සැරසී ඉන්නෙ පන්දම් එළියෙන් දිදුලන අනර්ඝ යුධ ඇඳුමකින්,
සීතාවක රාජසිංහ රජ්ජුරුවො - ඒ කවුද කියල ඔයා දැක්ක සැණින්ම අඳුරගන්නව,
ඒ එක්ක ඔයාගෙ කොඳුඇට පෙළ දිගේ පහළට ගමන්කරන්නෙ සියුම් හිරිවැටුමක්, කකුල් දෙක පණ නැතිවෙනව දැනෙනව,
ඒ හුදෙකලා රණශූරයාගෙ ප්රභාව ඒ තරම් ප්රබලයි!
බිහිසුණුයි!
ඔයා විතරක් නෙවෙයි, ප්රාකාරය මත හිටගෙන ඉන්න හැමෝම වගේ ඉන්නෙ ඒ බිහිසුණු දර්ශනය දැකල බියට පත්ව,
පිරිසක් වෙව්ළමින් දෙවියන් යදිනව, තවත් පිරිසකට ඇඳිවතේම මුත්රා පහව ගිහින්,
ඒ අශ්වාරෝහකයා, ඒ කියන්නෙ සීතාවක රාජසිංහ රජ්ජුරුවො සටන් පෙරමුණටම අසු පන්නගෙන එනවා,
එකපාරටම එයා තමන්ගෙ අසිපත කොපුවෙන් පිටතට අදිනව, ඊටපස්සෙ අසිපත ඉහළ ආකාශය දෙසට යොමුකරනව,
දසදහස් ගණන් අසිපත් ඒවයෙ කොපුවලින් පිටතට ඇදෙනව ඇහෙනව, පේනව,
ඒ එක්කම සක්හඬ, හොරණෑ හඬ ඇහෙන්න ගන්නව,
ඒ හඬ හමුවේ ප්රාකාරය මත උන්නු දුබල සිතැත්තන් කීපදෙනෙක් සිහිවිසඥ වෙනව,
ඔයාගෙ කකුල් දෙක වෙව්ළනව ඔයාට දැනෙනව,
'මේ මරණ බයද?'
මේ දැනෙන හැඟීම විස්තර කරගන්න බැහැ,
එකපාරටම මේ හඬ ඇහෙනව,
.
(වීඩියෝ එකේ තියෙන සද්දෙ අහන්න
)
.
වීඩියෝ ක්රෙඩිට් එක puragana tiktok ප්රොෆයිල් එකට,
වචන ටික මේක අහල, මේ ප්රස්තුතය බේස්කරගෙන නිකමට ලියපු එකක්.
.
~
| විකුම්...
.
.
.
.
.
#WIKUM #HISTORY #srilanka
ඔයා 1588 අවුරුද්දෙ සීතාවක රාජසිංහ රජ්ජුරුවො දෙවන වර කොළඹ කොටුව වටළල ඉන්න මොහොතෙ කොටුව ඇතුළෙ හිරවෙලා අන්ත අසරණ තත්වෙක ඉන්න තරුණ පෘතුගීසි සොල්දාදුවෙක්,
හමුදාවට බැඳුණ ගමන්ම ඔයාව එවනු ලැබුවෙ සෙයිලාවෝ හෙවත් ලංකාද්වීපයට, ඒ මීට අවුරුද්දකට විතර කලින්,
රාජසිංහ රජ්ජුරුවො සහ එයාගෙ රණකාමීත්වය, 1562 අවුරුද්දෙ මුල්ලේරියා වෙලේ වතුර ලේ පැහැයට හරවමින් ලබාදුන්නු අන්ත පරාජය ගැන කතන්දර ඔයා අහල තියෙනව,
ඒ ගැන සඳහන් යුධ වාර්තා කියවනකොටත් ඇඟේ ලේ වතුර වෙනව, ඒව ඒ තරම් ම බිහිසුණුයි!
රාජසිංහ කියන්නෙ ඔයා පොඩිකාලෙ කතන්දරවලින් අහපු හැනිබල්, සීසර් වගේ ප්රබල රණශූරයෙක්, එයා සටන්බිමට බැහැල තියෙන්නෙ පොඩිකාලෙ ඉඳන්මයි, සටන්බිම හරියට එයාට ගෙදර වගේ,
ඔක්කොටම වඩා එයා දැඩි පෘතුගීසි විරෝධියෙක්,
ඔයාලව සෙයිලාවෝ දේශයෙන් සදහටම පන්නල දාන ඒකායන අරමුණෙන් සටන්වදින්නෙක්!
භයානකම කාරණය දැන් මාස ගාණක් තිස්සෙ බලකොටුව වටලගෙන ඉන්නෙ මුල්ලේරියා සටනට ආපු හමුදාවට වඩා සියදහස් ගුණයක් බලගතු හමුදාවක්,
ආරංචිවල හැටියට ඒ හමුදාව හේවායො 50000ක්, සුළු මුලාදෑනිවරු 6000ක්, යුධ ඇත්තු 250ක්, සහ කාලතුවක්කු 150කින් සමන්විතයි,
එසේ මෙසේ හමුදාවක් නෙවෙයි! මාර සේනාවක්!
එයාලව මෙහෙයවන්නෙ සීතාවක රාජසිංහ රජ්ජුරුවො විසින්මයි!
මේ සා සෙනඟක් අරගෙන රජ්ජුරුවො මෙදා සැරේ ඇවිල්ල ඉන්නෙ දෙකෙන් එකක් විසඳගන්න වගේ,
ඒ නිසා කොයිතරම් කාලයක් ගියත් මේ සැරේ වැටළීම නවතින පාටක් නෑ,
බලකොටුවෙ ආරක්ෂාවට ඒක වටේට තිබුණු බේරෙවැව රාජසිංහගෙ හමුදාව හිස්කරල තියෙන්නෙ,
එයාල දිවාරෑ නැතුව නොනවත්වාම බලකොටුවට එක එක විදිවලට පහරදෙනව,
ඔයා ඉන්නෙ හාමත්වෙලා, තදබල බඩගින්නක, බලකොටුවෙ ආහාර ගබඩාව හිස්වෙලා සති කීපයක්,
පිටතින් කෑමබීම එන්න තියෙන හැම මාර්ගයක්ම වගේ රාජසිංහ රජ්ජුරුවන්ගෙ හමුදාව විසින් අවහිර කරලා, වෙනෙකක් තියා රාජසිංහගෙ යාත්රා කීපෙකුත් බලකොටුව අවට මූදෙ සැරිසරනව,
බඩගින්න උහුලගන්නම බැරි ඔයාගෙ සගයො බලකොටුවෙ තැනතැන දුවපැන හිටපු බළල්ලුන්ව ආහාරයට ගන්න පුරුදුවෙලා,
පිරිසක් ඒකෙනුත් කීයක් හරි හොයාගන්න අදහසින් බළල්ලු පස්සෙන් පන්නනව, ඒ අල්ලගන්න බළල්ලු විකිණෙන්නෙ ගිනිගණන්වලට!
ඔයා ඉස්සරහ තියෙන්නෙ විකල්ප දෙකයි,
එක්කො මෙහෙම්ම බඩගින්නෙ මියෙන්න, එහෙම නැත්තං තියෙන සේසතම වියදම් කරල මිලට ගන්න බළල් මස්වලින් බඩගින්න නිවාගන්න,
එහෙමත් නැත්තං හෙටානිද්දට බලකොටුව බිඳවැටුණට පස්සෙ ප්රචණ්ඩ රළ පාරක් වගේ කඩාවදින සීතාවක හමුදාවෙ කඩුපතට ජීවිතය දෙන්න,
දැන් දැන් එහෙම වෙන ලකුණු පේනව,
බලකොටුවෙ සමහරු යටත්වීමක් ගැන කතාවෙනව ඇහෙනව, තවත් සමහරු ගෝවේ ඉඳන් කොයිවෙලේ හරි ආධාර ඒවි කියල බලාන ඉන්නව,
පිරිසක් මේ අබග්ගයෙන් තමන්ව බේරාගන්නැයි දෙවියන්වහන්සේගෙන් ආයාචනා කරනව,
ඔයා ඉන්නෙ බලකොටුවෙ එක් අන්තයක ප්රාකාරය මත,
එතැන ඉඳන් බැලුවහම හාත්පසම පේනවා,
ඒ පේන දර්ශනය ලොමුදැහැගැන්වෙන සුළු එකක්!
බැලුබැලු අත එකම ගිනිගොඩක්, චලනය වන ගිනිගොඩක්!
නෑ, ඒ අතින් පන්දම් අරගත්තු රාජසිංහගෙ හමුදාව, දාස්ගාණක් සෙබළු!
ඒ පන්දම් එළිය හමුවේ එයාලගෙ අත්වල තියෙන අසිපත්, පොරෝ, නාරාසනං කුන්තානි දිලිහෙනව,
අතරින් පතර මහා පර්වත වගේ නැඟීසිටින යුධ ඇත්තුන්ව පේනව, ඒ ඇතෙක්ට හෙම අහුවුණොත් දෙයියන්ගෙ පිහිට තමයි,
ඒ ඇත්තු පිට ඉන්නෙ ඕනම ඉලක්කයකට විදින්න පුළුවන් රාජසිංහගෙ සේනාවෙ අතිශූර දුනුවායො, එයාලට ගොඩක් ඈතින් හිටියත් ඔයා එයාලගෙ ඉලක්කයක් බවට පත්වෙන්න ඉඩක් නැතුවා නෙවෙයි,
අතරින් පතර නැඟෙන ඇතෙක්ගෙ දෙන්නෙක්ගෙ බියකරු කුංචනාදයක් සහ මූදෙ රළනැඟෙන හඬ හැරෙන්නට හාත්පසම නිශ්ශබ්දයි,
මේ නිශ්ශබ්දතාවය අතිබිහිසුණුයි!
ඒක හරියට මහා විශාල කුණාටුවකට කලියෙන් තියෙන නිහැඬියාව වගේ,
මොකක්ද මේ වෙන්න යන්නෙ?
රාජසිංහ රජ්ජුරුවො කොළඹ කොටුවට එක් තීරණාත්මක බිහිසුණු ප්රහාරයක් එල්ලකරන්න යනවද?
බලකොටුව ඇතුළෙ මහා කලබලයක්, තුවක්කු අතින් ගත්තු සෙබළුන් ප්රාකාරය මත තැනින් තැන ස්ථානගත වෙනව, හාමත්වෙලා දුර්වල ව ඉන්න එයාල ඉන්නෙ අතිප්රබල සීතාවක සේනාව එක්ක මූණට මූණ ගැටෙන්න පුළුවන් තත්වෙක නෙවෙයි,
රාජසිංහගෙ සේනාව බලකොටු ද්වාර කඩාබිඳගෙන ආවොත් වෙන්නෙ මහා විනාශයක්,
ගොඩදෙනෙක් දැනටමත් පරාජය භාරගෙන අවසන්, ප්රාකාරයෙ තැනින් තැන දණගසාගෙන ඉන්න ඔවුන් ජපමාල අතේ ගුලිකරගෙන දෙවියන් යදිනව, ඒ කවුරුවත් නිවටයින් නෙවෙයි, අප්රිකාවෙ, ඉන්දියාවෙ සටන් ගණනාවකට සහහාගී වුණු, ඒවයෙන් පදම් වුණු අත්දැකීම් බහුල සෙබළුන්,
ඔවුන් ඒ තරමට බයවෙලා නම් ඔයා..?
එකපාරටම රාජසිංහගෙ සේනාව දිහාවෙන් සක් හඬක් නැඟෙනව, ඒ හඬ එක්ක ලාවට යුධබෙර හඬක් නැඟෙනව,
ඔයා කොටු තාප්පෙට උඩින් එබිල බලනව,
මහා සේනාව එක තැනකින් දෙපසට වෙනව ඔයාට පේනව, ඒ මැදින් විවරවුණු මඟ පන්දම්වලින් ඒකාලෝක වෙලා, හරියට දවාලක වගේ!
ඒ මඟ ඔස්සේ සුදු අසෙකු පිට නැඟී එන්නෙ හුදෙකලා අශ්වාරෝහකයෙක්,
ආරෝහ පරිනාහ දේහයකින් යුතු ඒ අශ්වාරෝහකයා සැරසී ඉන්නෙ පන්දම් එළියෙන් දිදුලන අනර්ඝ යුධ ඇඳුමකින්,
සීතාවක රාජසිංහ රජ්ජුරුවො - ඒ කවුද කියල ඔයා දැක්ක සැණින්ම අඳුරගන්නව,
ඒ එක්ක ඔයාගෙ කොඳුඇට පෙළ දිගේ පහළට ගමන්කරන්නෙ සියුම් හිරිවැටුමක්, කකුල් දෙක පණ නැතිවෙනව දැනෙනව,
ඒ හුදෙකලා රණශූරයාගෙ ප්රභාව ඒ තරම් ප්රබලයි!
බිහිසුණුයි!
ඔයා විතරක් නෙවෙයි, ප්රාකාරය මත හිටගෙන ඉන්න හැමෝම වගේ ඉන්නෙ ඒ බිහිසුණු දර්ශනය දැකල බියට පත්ව,
පිරිසක් වෙව්ළමින් දෙවියන් යදිනව, තවත් පිරිසකට ඇඳිවතේම මුත්රා පහව ගිහින්,
ඒ අශ්වාරෝහකයා, ඒ කියන්නෙ සීතාවක රාජසිංහ රජ්ජුරුවො සටන් පෙරමුණටම අසු පන්නගෙන එනවා,
එකපාරටම එයා තමන්ගෙ අසිපත කොපුවෙන් පිටතට අදිනව, ඊටපස්සෙ අසිපත ඉහළ ආකාශය දෙසට යොමුකරනව,
දසදහස් ගණන් අසිපත් ඒවයෙ කොපුවලින් පිටතට ඇදෙනව ඇහෙනව, පේනව,
ඒ එක්කම සක්හඬ, හොරණෑ හඬ ඇහෙන්න ගන්නව,
ඒ හඬ හමුවේ ප්රාකාරය මත උන්නු දුබල සිතැත්තන් කීපදෙනෙක් සිහිවිසඥ වෙනව,
ඔයාගෙ කකුල් දෙක වෙව්ළනව ඔයාට දැනෙනව,
'මේ මරණ බයද?'
මේ දැනෙන හැඟීම විස්තර කරගන්න බැහැ,
එකපාරටම මේ හඬ ඇහෙනව,
.
(වීඩියෝ එකේ තියෙන සද්දෙ අහන්න
).
වීඩියෝ ක්රෙඩිට් එක puragana tiktok ප්රොෆයිල් එකට,
වචන ටික මේක අහල, මේ ප්රස්තුතය බේස්කරගෙන නිකමට ලියපු එකක්.
.
~
| විකුම්....
.
.
.
.
#WIKUM #HISTORY #srilanka
