2026 අගෝස්තු මාසයේ දී 8.1% ක් ලෙස වාර්තා වූ මෙරට උද්ධමන අනුපාතය, 2026 සැප්තැම්බර් මාසය සඳහා ද කිසිදු වෙනසක් නොවී 8.1% ක මට්ටමක පවතින බව ජනලේඛන සහ සංඛ්‍යාලේඛන දෙපාර්තමේන්තුව විසින් දැනුම් දී තිබේ.
ජනලේඛන සහ සංඛ්‍යාලේඛන දෙපාර්තමේන්තුව විසින් 2026 සැප්තැම්බර් මාසය සඳහා වන ජාතික පාරිභෝගික මිල දර්ශකය (ජා.පා.මි.ද.) සහ ඊට අදාළ මාසික පාරිභෝගික උද්ධමන අනුපාත අද දින නිල වශයෙන් ප්‍රකාශයට පත් කරන ලදී.
මෙම නවතම දත්ත වාර්තාවට අනුව, ප්‍රධාන අංශ දෙකෙහි උද්ධමන අනුපාතවල යම්කිසි ප්‍රතිවිරුද්ධ ගමන් මගක් දක්නට ලැබේ.
ආහාර කාණ්ඩය - 2026 අගෝස්තු මාසයේ දී 6.6% ක් ලෙස වාර්තා වූ ආහාර කාණ්ඩයේ ලක්ෂ්‍යමය උද්ධමන අනුපාතය, සැප්තැම්බර් මාසයේ දී 6.9% ක් දක්වා සුළු ඉහළ යෑමක් පෙන්නුම් කර ඇත.
ආහාර නොවන කාණ්ඩය - 2026 අගෝස්තු මාසයේ දී 9.3% ක් ලෙස පැවති ආහාර නොවන කාණ්ඩයේ ලක්ෂ්‍යමය උද්ධමන අනුපාතය, සැප්තැම්බර් මාසයේ දී 9.1% ක් දක්වා මඳක් පහළ ගොස් තිබේ.
සමස්ත උද්ධමනය නොවී පවත්වා ගත්තද, ආහාර කාණ්ඩයේ උද්ධමනය ඉහළ යාම හේතුවෙන් එදිනෙදා ජීවන වියදම කෙරෙහි එය යම් බලපෑමක් එල්ල කර ඇති බව දක්නට ලැබේ.
- https://sinhala.adaderana.lk/news/253413
kalakanninta api kala wadi... apita vote ekak denna thamai bari... 
