අපේ ගමේ කඩ වහලා නිසා. ගෙදර හරියෙ මුකුත් වියලි ආහාර නෑ. ගමේ ඉඳන් කි.මි. 10ක් දුරයි ටවුමට. බයික් එකේ යන ගමන් දැක්කෙ එදා වේල හොයාගන්න මිනිස්සු තැන තැන පොඩියට කඩ වගේ අටවගෙන එලවළු පලතුරු බඩඉරිගු වගේ ජාති විකුණනවා. පාරේ මිනිස්සු ගොඩක් නැති උණත් යම් තරමකට හිටියා. පොලීසියෙන් චෙක් කලේ නෑ. බැංකු ඇරලා තිබුණා. අඳුනන කඩේට බිල ඊයෙ හවසම යවපු නිසා බඩු ටික පැක් කරලා තිබුණා. සල්ලි ගෙවලා එද්දි ආපහු ගෙදර එද්දි මම දැක්කෙ අම්මෙකුයි චූටි ලමයි දෙන්නෙකුයි පාර අයිනෙ තියාගෙන නාරං, දෙහි ගෙඩි ටිකක් විකුණනවා. නාරං ඕන නැති උණත් මම බයික් එක නවත්තලා නාරං ගෙඩි පහක් අරගෙනයි ආවෙ. අපි රස්සාවක් කරන නිසා කොහොමහරි කනව බොනවා. කිසි ආදායමක් නැති මිනිස්සු පාරටම වැටිලා. මචං.. මේ කාලෙ අමාරු කාලයක් අපි හැමෝටම. මොනමහරි දේකට පාරෙ යද්දි මේ වගේ කරකියාගන්න දෙයක් නැතුව, මොනවමහරි අපිට වැදගත් නැති දෙයක් උණත් කමක් නෑ, විකුණන කෙනෙක් දැක්කොත් පොඩි මුදලක් හරි දීලා මිලට ගන්න. ඒකෙන් ඒ මනුස්සය ගෙ බඩ කට පුරවගන්න උදව් වේවි. නිකං අත පය හතර හොඳට තියාගෙන හිගා කන මිනිස්සුන්ට දෙනවට වඩා අත පය හතරෙන් ප්රයෝජනයක් ගන්න මනුස්සයෙකුට අත දීපල්ලා. ලොකු පිනක් ඒක. 
