ආදරය කරන්න කියා දුන්නේ නුඹයි
නුඹේ අත ගෙන
පෙර එක් කාලෙක
පිය පොඩි ඔසවා
ඇවිදින්න තතනද්දී
ආදරෙන්
මගේ හිතට දිරි දුන්නා
අද වාගේ මතකයි
අප්පච්චි..
පුංචි වේදනාවක් දැනුනත්
මට වඩා
නුඹට රිදුනු බව
මට දැනුණා
මගේ අප්පච්චි..
නුඹේ සවියෙන්
මට දිරි දුන්නත්
පැතුවේ නෑ නුඹ
ඉන් යළි කිසිවක්
සෙනෙහස දුන්
මගේ අප්පච්චී..
කැදැල්ල හැර දා
ඉගිලෙනු දැනුනත්
කඳුලැලි නොහෙලූ
අප්පච්චී..
ආදරය කරන්නට
යළි නොපතන්නට
කියා දුන්නේ මට
නුඹයි මගේ අප්පච්චී...
