බලන්න..ධර්මයේ අසිරිමත් බව " මේ සිද්ධිය හැමෝගෙම හිත් කම්පා කරවපු දෙයක්.
අපේ ජීවිතයයේ අවසානය කෙසේ වේවිදැයි කාටවත්ම කියන්න බෑ.
ඒවුනාට මම ඇසුරු කල උතුමන් වහන්සේලා කීප නමක්ම තම ජීවිතය අවසාන මොහොත නිවැරදිව ප්රකාශ කලා.
නාඋයන ආරණ්යයේ අපිත් සමග එකටම උපසම්පදාව වෙනුවෙන් දහම් කරුණු ඉගෙනගත් ස්වාමින්වහන්සේ නමක් පහු කාලයක බෙලිහුල් ඔය පැත්තේ ගල්ලෙක වැඩ ඉන්න බව මට දැන ගන්නට ලැබුනා.
ඒ ස්වාමින්වහන්සේ අපෙ අයියගෙ ගෙදර හදපු අලුත මමත් සමග සතියක් පමණ ඒ නිවසේ වැඩ සිටියා.
මගේ බොහොම කළණමිතු ස්වාමින්වහන්සේ නමක්.
මම උන් වහන්සේ බැහැදකින්නට බෙලිහුල් ඔය වැඩියා.
ඒ ප්රදේශයට කියන්නෙ නියදගල කියල.
ස්වාමින්වහන්සේ සමග රාත්රිය ධර්ම කරුණු සාකච්චා කරමින් ගල්ලෙනේ වැඩසිටියා.
උදේ දානය ගමේ සත්පුරුෂයින් පූජා කලා. ස්වාමින්වහන්සේ පින්ඩපාතය වැඩල තමයි දානය ගන්නේ.
එදා මම වැඩ සිටිය නිසා ඒ ගෙනාපු දානය වැලදුවා. උන්වහන්සේගේ ධූතාංග අල්පේච්ඡතාව මම ඒතුලින් දුටුවා.
ඉන් අනතුරුව අපි වඩින්න හදන කොට ස්වාමින්වහන්සේ මට දුක හිතෙන කතාවක් කිව්ව.
අපි ආයෙ හමුවෙන්නෙ නෑ. තව ටික දවසකින් මේ ඉහල කන්ද නාය ඇවිත් මේ ගල්ලෙන යට වෙනවා. ඒ මගේ ජීවිතේ අවසානය. ඒ කර්මයට මම මුහුන දෙන්න ඕන. ඒක විපාක ගෙවන්නම ඕන අකුශල් කර්මයක්. ඒ අකුශල් කර්මය නොතිබුනා නම් මගේ මේ ජීවිතය සංසාර ගමනෙ අවසන් ආත්මය වෙනව. ඒ කර්ම ශක්තිය ගෙවා මේ ජීවිතයෙන් චුතවී ඉන් පසුව මම බ්රහ්ම ලෝකයට වඩිනවා. ආයෙ මනුලොවට එන්නෙ නෑ. මගේ ජීවිත කතාව එතනින් ඉවර වෙනවා.
කළණමිත්රයෙක් ලෙසින් සංසාර ගමනේ මට ගුණධර්ම වඩන්න ඔබ වහන්සේ කල උපකාරයන්ට ගොඩක් පින් කියා මට ආශිර්වාද කලා.
අපි බොහොම සංවේගයෙන් එදා ආපසු ශ්රීපාද පත්මය වන්දනා කරන්න වැඩියා.
ටික දවසකට පසුව ඒ කන්ද නාය ගිහින් ඒ ගල්ලෙන යටවුනා හොයාගන්නවත් බැරි විදියට.
හමුදාවෙ දරුවන් සතියක් පමණ වෙහෙස වුනත් ගල්ලෙන හොයා ගන්න බැරි වුනා.
ස්වාමින්වහන්සේ උදේ ගමට පිණ්ඩපාත වැඩම කරල තියෙනව සුපුරුදු පරිදිම.
ගමේ මිනිසුන්ට කියල තියෙනව අද කන්ද නාය යනව පරිස්සමට ඉන්න කියල.
කන්ද නාය යනකොට ගමේ මිනිසුන් දැකල තියෙනව මහා ආලෝකයක් අහසට පැන නගිනව.
උන්වහන්සේ කිවූ පරිදිම භව ගමන නිමා කරන්න බ්රහ්ම ලෝකෙට වඩින්න ඇති.
ජීවිතය කියන්නෙම අප්රමාදි විහරණය පිණිස අපිට ලැබුන තෑග්ගක්. "
අප කල්යාණමිත්ර පූජ්යපාද බටපොල කෝලිත ස්වාමින්වහන්සේ විසින් තැබූ සටහනකි.
ඒ උත්තම ආර්යමහා සංඝරත්නයට සදා නමස්කාරය වේවා !
මේ සිදුවීම සම්බන්ධ මීට වසර 10කට පෙර News 1st ඔස්සේ පළවූ ප්රවෘත්තිය ඉහල සබැදියාවෙන්.
කර්මය, ධර්මය සහ මේ ශාසනයේ ආශ්චර්යමත් බව..
ආලෝකෝ උදපාදී
උපුටාගැනීමකි
