අම්මා (කවිබණ) - මාකඳුරේ පඤ්ඤසාර හිමියන්

[crazybuddy]

ඇති හැකිකම් තිබිලත් මගෙ අම්මේ
අම්මලාට දුක් දෙයි නම් අම්මේ
බුදු හාමුදුරුවො දෙසුවෙත් අම්මේ
පිරිහෙන නපුරන් කියලයි අම්මේ

උර මත තබමින් හිටියත් අම්මේ
මේ ලොව රජකම පිදුවත් අම්මේ
බුදු හාමුදුරුවො දෙසුවෙත් අම්මේ
ණය ගෙවන්න බැහැ කියලයි අම්මේ

බෝසත් හිමි පෙර දවසක අම්මේ
අම්මා කරමත තබමින් අම්මේ
මුහුදෙහි පිහිනා ආ විට අම්මේ
බුදුවෙන විවරණ ලැබුණලු අම්මේ

ගිරවෙකු වී බෝසත් පෙර අම්මේ
වී කාලා ගෙනියනවලු අම්මේ
උගුලට හසු වී කිව්වලු අම්මේ
මවුපියන්ට ගෙනියන්නේ අම්මේ

ඇතෙක් වෙලා බෝසත් අම්මේ
අන්ධ මවට සැලකුවාලු අම්මේ
රජමැදුරට ගෙන ආවත් අම්මේ
කුසගින්නේ හිටියලු මගෙ අම්මේ

මාගේ වරදක් දුටු දින අම්මේ
දඬුවම් දුන්නත් කෝපෙන් අම්මේ
මල් පෙත්තක් වැදුනත් මට අම්මේ
රිදෙයි කියා ඔබ හැඬුවද අම්මේ

මතකයි පෙර ඔබ හැඬුවා අම්මේ
තවත් කඳුළු නෙත තියේද අම්මේ
මම හින්දා නම් කිසිදින අම්මේ
අම්මට හඬන්න වෙන්නෑ අම්මේ

කවුරු මොනවා කිව්වත් මගෙ අම්මේ
ඔබට වෙනස් කම් කෙරුවත් අම්මේ
මගේ පොරොන්දුව අහන්න අම්මේ
නැහැ හිත රිදවන්නේ මම අම්මේ

ඔබෙ ගුණ ළඟ තිබු දැනෙනවා අම්මේ
පුතේ කියන හඬ ඇහෙනවා අම්මේ
කුමන දෙයක් මට වූවත් අම්මේ
ඔබට අකීකරු වෙන්නෑ අම්මේ

ලොවම මගේ ළඟ තැබුවා අම්මේ
ලොවම දිනන්නට හැකි ලෙස අම්මේ
මෙයයි පැතුම සසරෙහි මතු අම්මේ
නිවන් දකින තුරු ඔබෙ පුතු අම්මේ

 

[Peminda]

බොහොම පිං සහෝදරය

Thankyou

 

[crazybuddy]

මලක් වෙලා ඔබ පිපුණා අම්මේ
දොළක් වෙලා ඔබ ගැලුවා අම්මේ
සුළඟ වෙලා ඔබ හැමුවා අම්මේ
නිවන වෙලා ඔබ දැනුණා අම්මේ

කුසගින්දර දැනුණද මගෙ අම්මේ
මම එනතුරු මග බැලුවද අම්මේ
ඔබ ළග මම ඉන්නාතුරු අම්මේ
වැඩිහිටි නිවාස මොකටද අම්මේ

පුතු දුටු විට හිත පිරුණද අම්මේ
ලෙඩදුක් තිබු දුරු වුණාද අම්මේ
ඔබ ළඟ මම ඉන්නා තුරු අම්මේ
බෙහෙතට රෝහල් මොකටද අම්මේ

දුකක් දැනුණු විට කියන්න අම්මේ
හිත රිඳුනා නම් කියන්න අම්මේ
ඔබ ළඟ මම ඉන්නාතුරු අම්මේ
දෙවි දේවතාවො මොකටද අම්මේ

දුකක් දැනුණු විට දුවගෙන පිම්මේ
එන්න හිතයි ඔබ දකින්න අම්මේ
ඔබ මා ළඟ ඉන්නාතුරු අම්මේ
වෙන සැපතක් මට මොකටද අම්මේ

ඔබ මගෙ හිස අතගාමින් අම්මේ
තුරුලට ගෙන හිස සිපගත් අම්මේ
ඔබට මාව සිහිවෙනවිට අම්මේ
දුර හිටියත් මම ඔබ ළග අම්මේ

වාගෙයි මට අම්මා ගෙයි පහන
හැමදා ගෙනදුන් මාවෙත සහන
මේ ලොව තුල රුදු නපුරන් දහන
සැබෑ කලා මම අම්මගෙ සිහින

හැමදාමත් මම ඔබ ළඟ ඉන්නම්
හිතට නිවන මම අරගෙන එන්නම්
ඔබෙ ගුණ ගයමින් ලොව සනසන්නම්
මතු සසරෙත් ඔබෙ පුතාම වෙන්නම්

මවුගුණ සුවඳින් හමනවා පවන
ඔබගේ කටහඬ පිනවයි සවන
සියලු වේදනා නැතිකර දවන
අම්මගෙ තුරුළෙහි දෙනු මැන නිවන

සිටියත් සසරෙහි දුකකට හසු වී
තිබේ පිණක් හදවත තුළ මතු වී
මම බුදු වන විට දහමට නතු වී
ඔබ ළඟ ඉන්නෙමි රාහුල පුතු වී

 

[maheerulz]

එල මචං.. සෙට් වුනොත් පී ඇම් එකක් දාන්නම්කො..

 

[madhustf]

එළකිරි මචං...
පින් සිද්ධ වෙන වැඩක් ..

Ela MAchan.

Rep added +7

 

[rm1980]

loku pinak machan umba kara ganne.godak kalekin umbe thred 1k dekketh.
aela jaya wewa machan +2

 

[Lansalaral]

Thanks Rep+

 

[nalinweer]

....බොහොම පිං...!!!

 

[Ereshaz77]

ගොඩක් පින් සහෝ.. මේ හාමුදුරුවන්ගේ සෙත් කවි thread එකක් දැක්ක මන් දවසක්.. පුළුවන් කෙනෙක් එක හොයල දෙන්නකෝ.. ලොකු පිනක්..

~සෙත් කවි~

~සෙත් පිරිත්~​

 

[emil]

Thankz ++

 

[chandimalin]

very good post

 

[supun_sg]

ela wadak.. danma rep denna ba lu. wate gihin awith dennam

 

[maxxaa]

pin machan..

 

[supun_sg]

machan පින්බර තාත්තා kiyana eka nadda? hoda quality mp3 ekak?

 

[crazybuddy]

machan පින්බර තාත්තා kiyana eka nadda? hoda quality mp3 ekak?

ඒක නම් නැහැ කොල්ලො..

බොහොම ස්තුතියි මචංලා කොමෙන්ට් වලට..
​

 

[crazybuddy]

බම්ප්

 

[kputha]

.

 

[crazybuddy]

බම්ප්

 

[rocat90]

බම්ප්

මචන් ඔක්ක කොචෙර වෙලා තියෙනවද

 

[crazybuddy]

මචන් ඔක්ක කොචෙර වෙලා තියෙනවද

විනාඩි පනස් ගාණක් තියෙනවා.. MP3 බං..
බය නැතුව බාගනිං.. අපරාධයක් වෙන්නෑ.. පට්ට ලස්සනයි..
​