ලාෆ්ස් සමාගම ගෑස් බෙදාහැරීම නතරවීම නිසා විකල්පයක් ලෙස ලිට්රො ගෑස් ලබාගැනීමට උනන්දු වූවද අද උදෑසන වනවිට ලිට්රෝ ගෑස් හිඟයක්ද රට පුරා මතුව ඇතැයි ගෑස් අළෙවිකරුවෝ සහ පාරිභෝගිකයෝ පවසති.
කොළඹ අවට සහ පිට පළාත්වල අද පෙරවරුව වන විට ලිට්රෝ ගෑස් තොග අවසන්ව ඇතැයි වාර්තා විය.
මේ නිසා ගෑස් හිඟය නිසා ඉවුම් පිහුම්වල නිරතවීමට නොහැකිව පාරිභෝගික ජනතාව අපහසුතාවලට ලක්ව තිබේ.අද පස්වරුව වන විට ගෑස් ලැබෙනු ඇතැයි ලිට්රෝ ගෑස් අළෙවි නියෝජිතයන් පවසන නමුත් එය විශ්වාස නැතැයිද වාර්තාවේ.
ලිට්රෝ ගෑස් ලංකා සමාගමේ සභාපති තෙෂාර ජයසිංහ මහතා මීට දින දෙකකට පමණ පෙර පවසා තිබුණේ කහ නිල් ඕනෑම පාටක ශ්රී ලංකාවේ සමස්ත ගෑස් ඉල්ලුම සිය සමාගමට ලබාදිය හැකි බවයි.
ශ්රී ලංකාවේ ගෑස් අලෙවිය සිදු කරන්නේ මෙකී සමාගම් දෙක පමණි.
හිටපු ආණ්ඩුකාර රජිත් කීර්ති තෙන්නකෝන් මහතා මීට දින කිහිපයකට පෙර ගෑස් හිඟයක් මතුවිය හැකි බවට අනාවැකි පළකරමින් ඒ ගැන තැබූ සටහනක් පහත පරිදිය.
