ශ්රී පාද අඩවිය, එහෙමත් නැත්නම් සමනල අඩවිය කියන්නේ පාරිසරික, ආගමික හා සංස්කෘතිකමය අතින් ලංකාවෙ ඉතා වැදගත් ප්රදේශයක්

කවුරුත් දන්න පරිදි ශ්රීපාද වන්දනා සමය දෙසැම්බර් මාසෙ පෝය දවසින් ආරම්භ වෙලා මැයි මාසෙ වෙසක් පෝය දවසින් අවසන් වෙනවා.
නිරන්තර තද වැසි සහිත කාලගුණ තත්ත්වය මදක් වෙනස් වෙලා මේ කන්ද තරණයට සුදුසු යහපත් කාලගුණික තත්ත්වයක් තියෙන්නෙ මේ කාලසීමාව තුළදී පමණයි

අවාරෙ සිරිපා යන්නට හිතන්ට කලින් ඔබ

හැටන් වලින් යනව නම් ඉස්සෙල්ලම නොර්වුඩ් ප්රාදේශීය ලේකම් කාර්යාලයට කෝල් එකක් දෙන්න.(0512240330) එයාලට විස්තරය කියන්න. ඊට පස්සේ මෙන්න මේ මේල් එකට මේල්

ඒ වගේම මේ කාලසීමාව මේ ප්රදේශයට අධික වැසි පතිත වන සමයක්

ඒවගේම මේ කාලය වනසතුන් නිදහසේ සැරිසරන සමයයි. අමතක කරන්න එපා සිරිපා අඩවිය කුරු ඇතුන්ගේ නිදහස් නිවහනක් බව

credit: https://hiitravellers.com/
එසේම මේ කාලයට පාරදිගේ ඇති විදුලිබුබුළු ක්රියාත්මක වන්නේ නෑ. විදුලිබලය ඇත්තේ මළුවට පමණයි. ඒනිසා රාත්රී ගමන් නුසුදුසු බව තරයේ හිතට ගන්න.
පරිසරයටත් එහි සතා සීපාවාටත් කිසිදු බාධාවක් නොවන පරිදි පරිස්සමින් යන්නට හැකි බවට විශ්වාස නම් පමණක් අපි සමන් දෙවි කරුණාවයි කියලා ඕං පිටත් වෙමු


හැටන් ශ්රී පාද මාර්ගය [6 km] | Down south
හැටන් නගරයට දුම්රියෙන් හෝ බස් රථවලින් පැමිණ නල්ලතන්නිය දක්වා බස් රථයකින් ගමන් කළ හැක.
නල්ලතන්නියේ සිට යායුත්තේ පාගමනිනි

නල්ලතන්නියේ දී සීතගගුලේ පහළින් එගොඩ වී කල්පවෘක්ෂ මහා විහාරය, අසුමහා ශ්රාවක මහා බුද්ධ මන්දිරය, මකර තොරණ, ජපන් සාම චෛත්යය, පසුකර කරුණා කරන විට වත්පිළිවෙත් සිදුකරන සීතගගුල යළි හමුවෙයි.
සීතගගුලේදී දිය නා පිරිසිදුවී කෝඩුකාරයන්ට ආශිර්වාද පතා කුිරි කෝඩු දඩුකෝඩු මේ හැම කෙනාගෙම අත්වල පඩුරු ගැට ගසන්නේ සුමන සමන් දෙවියන්ගේ පිහිටෙන් අතුරු ආන්තරාවක් නැතිව සිරිපා වන්දනාකර ආපසු ඒමට හැකි වේවායි බලාපොරොත්තුවෙනි

සීතගගුල පසුකර මලූව දෙසට යනවිට ඉදිකටුපාන හෙවත් ගෙත්තම්පාන හමුවෙයි. ගෙත්ම්පානනෙන් දකුණට ඇති අඩිපාර රත්නපුර පාරේ ආඩියා මළතැන්නට යන හරස් අතුරු පාරකි.
ගෙත්තම්පාන පසුකර මහගිරි දඹය ඔස්සේ ඉදිරියට යනවිට ඇහැළ කණුව හමුවෙයි. ඇහැළ කණුව පසුකර ඉදිරියට යනවිට භගවා ලෙන හමුවෙයි. එතැනින් පසු සිරිපා මලූව හමුවෙයි.
මෙම මාර්ගයේ හමුවන මං සලකුණු.












හොදට මතක තියාගන්න මේ පූජනීය, සංවේදී පරිසරයට ඔබ අරන් යන කිසිම අපද්රව්යයක් එකතු කරන්න එපා.
ඔබ රැගෙන යන හැමදේම නැවත රැගෙන එන්න කියලා අප ඔබෙන් බොහොම කාරුණිකවම ඉල්ලා සිටිමු

ඒ වගේම තැන තැන කුරුටු ගාන්න එපා.
සිරිපා කරුණාව කියන්නේ හුදෙක්ම පූජනීය ගමනක් මිසක් තවත් එක් හයික් එකක් වත්, ට්රිප් එකක්වත් නෙවෙයි.
එයට සුදුසු ආකාරයෙන් ඔබේ හැසිරීම් පවත්වා ගන්න අමතක කරන්න එපා. මේ සේරම දේවල් එක්ක සෞඛ්ය උපදෙස් වලටත් මුල් තැන දෙන්න. හැමෝම පරිස්සමෙන් සිරිපා කරුණා කරන්න

සුමන සමන් දෙවි පිහිටයි


credit: https://hiitravellers.com/
Last edited: