ඉස්කෝලෙ වැට ගහපු
කණුවලට කර තියපු
ගේට්ටුව ලඟ මැරුණු
බලු කුණට වළ කපපු
වහලෙ උලු කැට හදපු
කුණු දමන වළ කපපු
විහාරේ උඩ නැගලා
කපුටු බෝ පැළ කඩපු
ජය හඹා යන උන්ට
පිට්ටනියෙ ඉරි ඇදපු
පන්තියේ දඟකාර
දඩබ්බරයා කියපු
නොවූ කළ ...නුඹ
නායකයෙක්, දක්ෂයෙක්
භටයෙක්,නියමුවෙක්
සාමාජිකයෙක්,ක්රීඩකයෙක්
කෙසේ ලියමිද මෙමා
ඔය කියන සහතිකේ
නුඹෙ චරිතෙ කියවන්න
කිසිවෙකුට බෑ පුතේ
පන්තියේ කෙලවරේ
දඩබ්බර කම් කරේ
හදවතේ නිරතුරේ
නුඹයි හොල්මන් කරේ
මූසිලයෝ උඩු මැඳුරේ
නුඹ වුවද මහ පාරේ
සෙනෙහසින් අප රැඳුනේ
උඹෙ හිතේ මගෙ පුතේ
