උතුරු කොරියාවේ ටුවර් එකක්

[KuKu KoKa]

ඇත්තටම උතුරු කොරියාවේ ටුවර් ඔර්ගනයිස් කරන ට්‍රැවල් කම්පැනි තියනවද ? පට්ට ආසාවක් එනවා බන් යන්න. ෆුල් ඇඩ්වෙන්චර් ටුවර් එකක් වෙයි. මම හිතන්නේ උතුරුකොරියාවට ගිය පළමු ශ්‍රී ලාංකිකයා වීමේ භාගයත් හිමිවෙයි.

 

[hide_spider]

china වල තියෙනවා , එහෙම tour adventure එකක්. පට්ට risky ඉතින්

 

[nevermindNevergiveup]

පුළුවන් බං ඇමෙරිකන් ගොබ්බයන්ට ඇඟිලි ගහන්න නොදෙන හින්දනෙ ඔය බොරු ගොතන්නෙ

 

[Maui_15]

Jayaratne Funeral Directors (Pvt) Ltd

 

[PHBhagya]

අපෝ මම එක්ක යන්නං...
කොරියාවෙ උතුරු පැත්තටනෙ...
මතක ඇතුව, කන කර බඩු, ඔරලෝසු, පර්ස්, ෆෝන් ගෙදර තියල යං...

 

[charitha2011]

උතුරු කොරියාවේ ටුවර් යනවලු..
රටට ඇතුල් වෙද්දිම නීතී ගනනාවක් දෙනවලු..
ඒ අතර ප්‍රසිද්ධ ස්ථාන වල ජායාරූප ගන්න වෙනම අවසර ඕනීලු.
ඒ ඒ නායකයන්ගේ පිලිරු වලට හිස නමා ආචාර කරන්න ඕනීලු..
නීතී හරියට කරේ නැත්තම් එක්කෝ මරණ දඩුවම ලු නැත්තම් හිර බත් කන්න වෙනවලු
ටුවරිස්ට්ලා කියලා සමාව දෙන්නේ නෑලු.

 

[baba-chuti]

mama eka parak dakka american karayaek north korea board ekak galwapu ekata 20 years hire damma. habai 2 year walin release kala porwa. ekkan giye wheelchair eke. sathiyakin pora nathi wuna. apa nathi wenna gahala. sihi kalpanawath na porata.

 

[fdk]

mama eka parak dakka american karayaek north korea board ekak galwapu ekata 20 years hire damma. habai 2 year walin release kala porwa. ekkan giye wheelchair eke. sathiyakin pora nathi wuna. apa nathi wenna gahala. sihi kalpanawath na porata.

Yeah he removed a propaganda poster

 

[wqe123]

ඔව් බන් ඉකමනට පලයන් උතුරු කොරියා ට්‍රිප.
අපෙන් මොනාද ඕනා උබ ඉකමනට යවන්න උදව්වක් විදිහට.

 

[NRTG]

BUMP

 

[vito]

yanna kalin check karala palayan uba wage ponnayo athul karagannawada kiyala
yanawanan gihin nawathiyan aye enne nathuwa

 

[sam_sajith]

don't forget to wear a denim, try to record all what you see, go and stand facing your back towards to Kim's father's and grand father's statues and try playing some K-Pop in a crowed,

you will given the citizenship in North Korea for Sure

 

[KuKu KoKa]

කිම් ගේ නංගි එක්ක සෙට් වෙන්න ආසයි.

 

[pavithra_uk]

චීන්නු යනව
චීනෙට ගිහිං ගියහැකි ට්‍රේන් එකෙන් උනත්
ඉස්සර මාත් අසම හීන මවපු ට්‍රිප් එකක්
පස්සේ ඒ රටේ වගේ අපිට හොඳ නායකත්වයක් ලැබිල උතුරු කොරියාව සියැසින් දකින්න අවස්තාව උදා උනා

 

[kalaweddha]

Meya kalin weda kare North Korea - UN office

He wrote several stories about his life in North Korea

වෛද්‍ය පුෂ්ප රන්ජන් විජේසිංහ
https://www.facebook.com/groups/424991310906994/user/1018676039


උතුරු කොරියාවේ තුන් වසරක්‌ (2) - ගුවන අරා යනෙන ගමනද දඬුවමක් මැය
චීනයේ බෙයිජිං නුවරින් ගුවන් ගත වූ, උතුරු කොරියානු "එයාර් කොරියෝ" ගුවන් සේවයට අයත්, ගමන් අංක ජේ එස් 151 ( J.S.151) දරන යානයේ මගීන් ඇමතීමේ සේවය ක්‍රියාත්මක වනවිට මා සිටියේ අඩ නින්දේය. මගේ බිරිඳ මා අසලම තද නින්දේය. කොළඹ සිට මත්තල ගුවන් තොට හරහා පැමිණි ශ්‍රී ලංකන් ගුවන් යානය බෙයිජිං නුවරට ළඟා වුණේ මැදියම් රැය පසුවීය. අසල වූ හෝටලයකට ගොස් අපි දෙදෙනා සැප සේ පැය කිහිපයක කෙටි නින්දක සුව වින්දෙමු. පසුදා උදෑසන 9.30 වෙද්දී අපි බෙයිජිං මධ්‍යම ගුවන් තොටේ පර්යන්ත අංක දෙකට පෙරළා පැමිණියෙමු. ඒ පා තැබීම කෙසේ වුවත් නම සවනත වැටෙද්දී පවා බහුතරයකගේ ලොමු දැහැ ගැන්වෙන, උතුරු කොරියාවේ පියෝන්ග්යන්ග් නුවර දක්වා පියාසර කරන්නටය. මාගේ බිරිඳ සති දෙකකින් පෙරළා මව්බිම කරා පැමිණෙන්නීය. එහෙත් මා කොපමණ කලක් එහි ගත කරන්නේදැයි මම නොදනිමි.කුතුහලයකින් අප සිත් පිරී තිබේ.
පියකරු කොරියානු ගුවන් සේවිකාවක සිය හඬ අවදි කළාය. මා විශ්වාස කරන්න. ඔවුන් සුන්දරය. අති සුන්දරය. උතුරු කොරියාවේ වාසය කරන්නට වූ පසු වරක් මාගේ සහෝදර උතුරු කොරියානු වෛද්‍යවරියක " රන්ජන් විශ්වාස කරන්න උතුරු කොරියාවේ කාන්තාවෝ හරිම සුන්දරයි. දකුණු කොරියාවේ එසේ නැහැ. ඒ වගේම තමයි දකුණේ ඉලන්දාරි කඩවසම්. උතුරේ එසේ නැහැ" කියා පැවසුවය. පසු පස සිතා බලද්දී එය එසේ යැයි මම ඔබට දිවුරා කියමි.
ඒ සුන්දර ලලනාව කොරියානු බසෙන් ඇමතීමෙන් පසු, කොරියානු ඌරුවට, ලාලිත්‍යවත් ලෙස ඉංග්‍රීසි බසට මාරු වූවාය.
" අන්යෝන්ග් හස්මිකා , දයාබර මගීන්ගෙන් අවසරයි . ඔබ මේ පසු කරමින් සිටින්නේ චීන මහජන සමූහාණ්ඩුව හා ප්‍රජාතන්ත්‍රවාදී මහජන කොරියා සමූහාණ්ඩුව අතර දේශ සීමාව.මේ දේශ සීමාව මුළුමනින්ම පාහේ අම්රෝක් ( යාලු යන නමින්ද හැඳින්වේ) නදියෙන් නිර්මාණය වෙලා තියෙනවා. එය ජපානයට එරෙහිව වීරෝදාර කොරියානු ජනතාව ගෙන ගිය අධිරාජ්‍ය විරෝධී සංග්‍රාමය වගේම කොරියානු යුද්ධය එක්ක බැඳී පවතිනවා. ඒ වගේම අනෙක් වැදගත් කාරණාව තමයි අපේ ශ්‍රේෂ්ඨ නායක, කිම් ඉල් සුන් ඊසාන දිග, ජපන් විරෝධී, එක්සත් හමුදාවේ කුඩා ගරිල්ලා කණ්ඩායමක් සමග එකාවන්ව ජපාන හමුදාවට පහර දෙන්න දේශසීමාව තරණය කළ තැන මෙතැන වීම. තව නොබෝ වෙලාවකින් අපි මෙතැන ඉඳන් ප්යෝන්ග්යන් “සුනන්” ජාත්‍යන්තර ගුවන් තොටුපලට ළඟා වෙනවා . හම්සාමිදා ( ස්තුතියි) "
උතුරු කොරියාවේ රාජකාරිය දේවකාරියයි. දේවකාරිය මග හැරියද රාජකාරිය මග හැරිය නොහැකිය. ඇය ඔවුනගේ රාජ්‍යයේ මතවාදයට අනුව සිය රාජ්‍යයට , පක්ෂයට හා අසහාය නායකයා වෙත සිදු කළ යුතු යුතුකම ඉටු කර නිවේදනය හමාර කළාය. මේ ප්‍රමාණයෙන් සුළු කැපවීමක් වුවද, ඒ උතුරු කොරියානුවන්ට පාලන ක්‍රමය යටතේ උරුම වී ඇති, ඔවුන් ඉටු කළ යුතු යුතුකම් ඔවුනගේ දේශයේදීම නොපිරිහෙලා ඉටුකරනු මා දුටු පළමු අවස්ථාව විය.
බෙයිජිං නුවර සිට පියෝන්ග්යන්ග් නුවරට ගුවනින් දුර ගුවන් කිලෝ මීටර 794 කි. ඒ සඳහා ගතවෙන කාලය හෝරා දෙකකි. දැන් හෝරාවක් පමණ කල් අපි ගුවනේ ගත කර ඇත්තෙමු. තවත් හෝරාවක පමණ ගමන ඉතිරිව තිබේ මම දෙනෙත් වසා කල්පනා ලෝකයකට පිවිසුනෙමි. මගේ මනස වසර එකොළහකට මත්තෙන් දකුණු කොරියාවේ සෝල් නගරය වෙත දිවයයි. මා එහි සිටි කෙටි කාල සීමාවේදී හනි හනිකට උතුරු හා දකුණු කොරියා දේශ සීමාවට ගමන් ගත්තේ කිසිදා යන්නට නොලැබෙන උතුරු කොරියාවේ දකුණු ප්‍රදේශය දෙස දුරස්ථව සිට හෝ බලා හිඳින්නටය. එහෙත් දැන් මාගේ දෑස් මටම අදහා ගත නොහැකිය.පහසුවෙන් අයෙකු නොයන, ගියොත් ආපසු නොඑතැයි බොහෝ අය සිතන උතුරු කොරියා දේශ සීමාවට මම ඇතුළු වී සිටිමි. මේ මා දකීන්නේ සිහිනයක්ද ? හුදෙකලා දේශය අද සිට තවත් නොදන්නා කාල සීමාවකට මාගේ නිවහනයි. මාගේ සේවා ස්ථානයයි.
අප පැමිණෙමින් සිටින්නේ බෙයිජිං නුවර සිට උතුරු කොරියාවේ අග නුවර වන පියෝන්ග්යන්ග් දක්වාය. උතුරු කොරියාව කරා ගුවන් ගමන් පවතින්නේ තවත් ගුවන් මං තුනක් ඔස්සේ පමණී. ඒ චීනයේ බෙයිජිං (Beijing ) , ෂැන්හායි (Shanghai), ෂෙන්යන්ග් (Shenyang) නගර වල සිට හා රුසියානු සමුහාණ්ඩුවේ, ඈත පෙරදිග, ව්ලදීවස්තොක් (Vladivostok) නගරයේ සිට පමණී.
උතුරු කොරියාව කරා ගමන් කරන්නේ එහි ජාතික ගුවන් සේවාව වන " එයාර් කොරියෝ “හා චීන රජයට අයත් " එයාර් චයිනා " සමාගමේ ගුවන් යානා පමණී. “එයාර් කොරියෝ” සමාගම පියෝන්ග්යන්ග්-බෙයිජිං-පියෝන්ග්යන්ග් ගුවන් මාර්ගයේ සෙනසුරාදා , අඟහරුවාදා හා බ්‍රහස්පතින්දා දිනවල දවසට එක ගමන් වාරයක් පමණක් සිදු කරයි. එයට අමතරව ශීත කාලයේ ( සිකුරාදා ) හා ගිම්හානයේ (සඳුදා ) සතියට තවත් එක දිනක ගමන් වාරයක් පවත්වා ගනියි. බෙයිජිං හැරුණු විට අනෙක් ගමන් අන්තයන්හී සිට රට තුළට ගුවන් ගමන් ක්‍රියාත්මක වෙන්නේ සතියකට ගමන් වාර දෙකක් පමණී. එයාර් චයිනා ගුවන් සමාගම ක්‍රියාත්මක කරන්නේ සතියකට ගුවන් ගමන් වාර දෙකකි. එයද ගිම්හාන කාලයේ පමණී. ශීත කාලයේ එයාර් චයිනා ගුවන් සමාගම උතුරු කොරියාවට ගුවන් ගමන් නවතා දමයි.අනෙක් දරාගත නොහැකි කරුණ නම් මගීන් සංඛ්‍යාව අඩු නම් එයාර් චයිනා සමාගම හිතුමතයේම ගුවන් ගමන නවතා දැමීමය. පසු කලෙක එහි සිට සෑම දෙමාසයකට වරක් නිවෙස කරා පැමිණුන මා එක් වරක් හැරෙන්නට ගමන් කර ඇත්තේ එයාර් කොරියෝ ගුවන් යානා වලින් පමණී. ඒ එයාර් චයිනා ගුවන් යානා ක්‍රියාත්මක වීම හා එයාර් චයිනා ගුවන් සේවාවට සාපේක්ෂව එයාර් කොරියෝ සමාගමේ ඇති විශ්වාසනීයත්වය නිසාය.
එහෙත් ආරම්භයේදී මා හට එයාර් කොරියෝ ගුවන් යානා වල ගමන් කිරීම බිය දනවන සුළු කරුණක් විය එයට හේතු වූයේ වසර ගණනක් පැරණි රුසියානු, යුක්රේනියානු හා සෝවියට් යානා ඔවුන් යොදා ගැනීමයි. ප්‍රධාන වශයෙන් “අන්තොනොෆ් (Antonov) හා තුපෝලෙෆ් (Tupolev) වර්ගයේ යානා ඔවුහු යොදා ගනිති. මේ යානා අතරින් සමහරක් රුසියානු සමුහාණ්ඩුව පවා වත්මනේ යොදා නොගනියි. එහෙත් පැසසිය යුතු කරුණ නම් ඒවා ඔවුන් සේවා කර මනා සේ පවත්වා ගැනීමය.
1950 සිට ගුවන් අනතුරු පිළිබඳව දත්ත රැස් කරන " එවියේෂන් සේෆ්ටි නෙට්වර්ක් " දත්තයන්ට අනුව 10700 ඉක්මවා යන ඔවුන්ගේ සිදුවීම් මාලාවේ ඇති උතුරු කොරියානු ගුවන් සේවයේ එකම මාරාන්තික සිදුවීම සිදුවී ඇත්තේ 1983 වසරේදීය . පසුගිය වසර 39 තුළ ඔවුන් සුරක්ෂිතව, මේ පැරණි ගුවන් යානා සමූහය ආර්ථික අවපාතය හමුවේ යොදා ගෙන තිබේ. අපට නම් එක්සත් ජාතීන්ගේ සංවිධානය සුරක්ෂිත බව තහවුරු නොකළ ගුවන් සමාගම් වල ගමන තහනම්ය. එහෙත් වාසනාවකට එයාර් කොරියෝ එයට අයත් නොවීම නිසා නිතර නිතර ගමනේ යෙදෙන අපට එය පහසුවක්ම විය.
උතුරු කොරියානු ගුවන් නියමුවෝ ශීත කාලයේ, දැඩි හිම පතන පවතින මොහොතේ පවා “සුනන්” ගුවන් තොටට යානා බස්සන්නට රුසියෝ වෙති. වරෙක අපි අපගේ රාජකාරී සඳහා සහය වෙන්නට උපදේශකවරුන් දෙදෙනෙකු රැගෙන ආවෙමු. දෙදෙනාම බෙයිජිං සිට උතුරු කොරියාව දක්වා ගමන් කළේ එකම දිනෙකය. නමුත් එයාර් චයිනා හා එයා කොරියෝ යානාවන් දෙකකින් වෙන වෙනමය.

 

[kalaweddha]

එදින දැඩි හිමපතනයක් සිදු වෙමින් පැවතුණි. අපගේ එක් උපදේශකයෙකු එදින පියෝන්යාන්ග් නුවරට වාර්තා කළ අතර අනෙකා නොපැමිණුනේය.. සවස් කාලයේ දුරකථන ඇමතුමක් ලබා දුන් ඔහු අපට පවසා සිටියේ තමා පැමිණි එයාර් චයිනා යානය පියෝන්ග්යන්ග් නුවරට පැමිණි අතර හිමපතනය නිසා නියමුවා ගුවන් පථය වටා පැදකුණු කර යළිත් බෙයිජිං දක්වා ගමන් කළ බවයි.
ඔහුට විහිළුවක් කළ අප පවසා සිටියේ බෝම්බයක් පිපිරුණද “එයා කොරියෝ” නියමුවාට ගුවන් යානය ගොඩ බස්සන්නට කියා ඇත්නම් ඔහුගේ පණ ගිලිහී ගියත් අණට අනුව ඔහු ගොඩ බැස්සවීම සිදු කරන බවය. නැවත බෙයිජිං කරා ගියහොත් එහි අමතර දිනක් දෙකක් නවතා තිබීමේදී රටේ පවතින දැඩි විදේශ මුදල් හිඟය හමුවේ අමතර මුදලක් ගෙවීම පීඩා විඳින ආර්ථිකයට බරක් බැවින් ඔවුන් එසේ කරන්නේයැයි අපි විශ්වාස කෙළෙමු.
ගුවන් ගමන හැරුණු කළ සංචරණයට ප්‍රිය තැනැත්තෙකුට පියෝන්ග්යන්ග් නුවර කරා පැමිණීමට ඇති අනෙක් මග වන්නේ බෙයිජිං නුවර සිට දුම්රියෙනි. කිලෝ මීටර 1340 වෙන මේ මග ගෙවන්නට මුළු දවසක් ගත වේ . ඩන්ඩොන්ග් නගරයෙන් දෙරට වෙන් කරන අම්රෝක් නැතිනම් යාලූ නදියේ පාලම තරණය කර දුම්රිය හුදෙකලා රාජ්‍යයට ඇතුළු වේ. එහි වෙසෙන කල, දිනක් රැක ගැනීමේ ලොබ සිත් නිසා, පියකරු මග දෙපස සිරි නෙත දවටමින් යා හැකි මේ මග යොදා නොගැනීම ගැන මා තුළ මා කෙරෙහි ඇත්තේ මහා පිළිකුලකි. මහා ද්වේෂයකි.
රුසියානු දේශ සීමාව දෙසින්ද රටට ඇතුළු විය හැකිය. රුසියාව දෙසින් පැමිණීමේදී දුම්රියෙන් රුසියානු දේශ සීමාවේ පිහිටි “තුමන්ගන්ග්” නගරය කරා පැමිණිය යුතු වේ. “තුමන්ගන්ග්” සිට හෝරා පහක් තිස්සේ වාහනයකින් “චෝන්ග්ජින්” නගරය දක්වා ගමන් කර “චෝන්ග්ජින්” සිට පියෝන්ග්යන්ග් අගනුවර කරා අභ්‍යන්තර ගුවන් සේවාව යොදා ගනිමින් පියාසර කළ හැකිය.
මා ගමන් කරන්නේ එක්සත් ජාතීන්ගේ සංවිධානයේ කාර්ය මණ්ඩල සාමාජිකයෙකු ලෙසය. ඒ එක්සත් ජාතීන්ගේ සංවිධානයේ ගමන් බලපත්‍රයෙනි. මා හට මෙන්ම මගේ බිරිඳටද වීසා ලබා දීම සංවිධානය විසින් සිදු කැරුණි. මාගේ රැකියාව ඔවුනගේ විදේශ අමාත්‍යාංශය විසින් අනුමත කළ පදවියක් නිසා වීසා ලබන්නට මහා ගැටලුවක් පැන නොනගී. එසේම මා එවකට සේවය කළ නවදිල්ලි නුවර උතුරු කොරියානු තානාපති කාර්යාලයක් ඇති බැවින් විසා පත ලබා ගැනීමද පහසුය. නමුත් එසේ නොවන්නට ඔවුනගේ තානාපති කාර්යාලයක් මේ කලාපයේ ආසන්නව පිහිටා ඇත්තේ ධකා නුවරත්, බැන්ග්කොක් නුවරත්, ඉස්ලාමාබාද් නුවරත්ය. චීන වීසාවක් ඇතොත් අයෙකුට නුවර ගොසින් තලගොයෙකුත් මරන් එන්නා සේ බෙයිජිං නුවරින් උතුරු කොරියා වීසා පත ලබාගෙන පියෝන්ග්යන් කරා යන්නටද පුළුවන. එහෙත් ඒ සඳහා චීන ජනරජයට ඇතුළු වෙන්නට වීසාවක් ලබා ගත යුතු වේ.
සියල්ලන් රැකියාවට, පදිංචියට යන්නට කැස කවන බටහිර රටවල් වලට මෙන්ම උතුරු කොරියාවට යන්නට වීසා පතක් ලැබීම ලේසි පහසු නොවේ. එහි යන්නට විසා පතක් ලබා ගත හැක්කේ සීමිත පිරිසකට පමණී, ඒ රාජ්‍යතාන්ත්‍රිකයින්හට , එක්සත් ජාතීන්ගේ සංවිධාන කාර්ය මණ්ඩලවලට , එහි ක්‍රියාත්මක වන විදේශීය, රාජ්‍ය නොවන සංවිධාන සාමාජිකයින්ට හා දේශපාලන කටයුතු සඳහා එහි යනෙන පුද්ගලයින් හටය.
සංචාරකයින් හට එහි ගමන් කළ හැකිය. යුරෝපීයෝ හා ඇමරිකානුවෝ ( ඇමරිකා රජය එහි නොයන ලෙස ඉල්ලා සිටියද) පවා සංචාරකයින් ලෙස එහි පැමිණෙති. එහි ක්‍රියාත්මක, රජය හා සම්බන්ධ සංචාරක ඒජන්සියක් ඔස්සේ ඒ සඳහා කටයුතු කළ යුතු වේ. එහි රාජකාරියේ නිරත විදේශිකයන්ට සිය ඥාතී මිත්‍රාදීන් සංචාරය සඳහා ගෙන්වා ගත හැකි අතර එය තමා සේවය කරන ආයතනය ඔස්සේ උතුරු කොරියානු රජයෙන් ඉල්ලීමක් කිරීමෙන් ඉටු කර ගත හැකි වේ. ඒ හැරෙන්නට තනි සංචාරකයෙකු ලෙස හෝ රජයේ සංචාරක ආයතනයක් හා සම්බන්ධ නොවී උතුරු කොරියාව වෙත ළඟා වෙන්නට වීසා ලබා ගත නොහැකිය.
වීසා පතක් ලබා ගත් පමණින් රටට ඇතුළු වීම පහසු නොවේ. තවත් මග හැරිය යුතු බාධක රැසකි. ගුවන් ගමන් හිඟකම මෙන්ම ගුවන් ගමන් පත ලබා ගැනීමේ අපහසු බව ඒ අතර වේ. ශීත කාලයද ගිම්හානයද යන්න එයට බලපායි. ගුවන් ගමන් වල ක්‍රියාකාරිත්වය ඍතු අනුව වෙනස් වෙන අයුරු මම ඉහත සටහන් කෙළෙමි.
මා උතුරු කොරියානු කාර්යාලයට අනුයුක්ත කළ බව දැනගත් ලෝක සෞඛ්‍ය සංවිධානයේ උතුරු කොරියානු නියෝජිතවරයා මා ඇමතුවේය.
" රංජන් , ඔබේ තනතුරේ සිටි වෛද්‍යවරයා විශ්‍රාම ලබා රටට ගියා. වැඩ ගොඩ වෙලා. සති දෙකක් ඇතුළත ඔබ රාජකාරියට පියෝන්ග්යන්ග් වලට වාර්තා කළ යුතුයි. පරිපාලන නිලධාරි තින්ලේ සමග සාකච්ඡා කරලා ඒ සඳහා සුදුසු වැඩ පිළිවෙළක් සකස් කරගන්න. සති දෙකකින් මම ඔබව මගේ කාර්යාලයේ අපේක්ෂාවෙන් සිටිනවා." ඔහු දුරකථනය විසන්ධි කෙළේය.
මම තින්ලේ ඇමැතුවෙමි. ඔහු මා හට වීසා පත ලබා දෙන ආකාරය පහදා දුන්නේය. එය ශීත කාලයයි. චීන ගුවන් සමාගමේ ගුවන් ගමන් ඒ කාලයේ ක්‍රියාත්මක නොවෙන බව සැල කළ ඔහු මා හට "එයා කොරියෝ" ගුවන් සමාගමෙන් ගුවන් ගමන් පතක් ලබා ගත යුතු බව පැවසුවේය. එහෙත් මේ සමාගමේ ටිකට් පත් අන්තර්ජාලය හරහා ලබා ගත නොහැකි බවද ඔහු සඳහන් කෙළේය. මේ අනුව මා ඒ සමාගමේ කාර්යාලයකට ගොඩ වැදී එය ලබා ගත යුතුය. ඔහුගේ ප්‍රතිචාරය මා වසර ගණනාවක ගල් යුග අතීතයකට විසි කර දැමුවේ තොරතුරු තාක්ෂණය හිණි පෙත්තේ තිබෙන කාල වකවානුවකය. එහෙත් ඔහුගේ ඊ ළඟ වදන් පෙළ මාගේ බිඳ වැටුණු බලාපොරොත්තු යළි මල් පුබුදුවාලීය
"ඔබේ ගුවන් ගමන් පත අපට මෙහෙන් මිලදී ගන්න පුළුවන් . අපි කාට හරි ඒ වෙනුවෙන් අවශ්‍ය මුදල ගෙවන්න පුළුවන්. ඒ වගේම උතුරු කොරියාව ඇතුළේ ක්‍රියාත්මක එකම කුරියර් ආයතනය වෙන ඩී. එච්. එල් හරහා එය ඔබට ලැබෙන්නට සලස්වන්න පුළුවන් " තින්ලේ පවසා සිටියේය.
ඉබ්බා දියට දැම්මාම ඇන්නෑවේ කිව්වා මෙන් මම එයට එකහෙළා එකඟ වීමී. නමුත් ප්‍රශ්නය එයින් අවසන් නොවුණි. වාසනාවකට මා එවකට සේවය කළ නව දිල්ලියේ පිහිටි උතුරු කොරියානු තානාපති කාර්යාලයෙන් රටට ප්‍රවේශ වීමේ වීසා පත ලබා ගතිමි. ඒ සමගම මාගේ ගුවන් ගමන් පත ඩී එච් එල් සමාගමේ උතුරු කොරියානු කාර්යාලයට පිං සිදු වෙන්නට මා අතට පත් විය.එහෙත් මේ ගමනේ බාධක තවමත් ඉවත් වී නොමැත. මා හට චීනය හරහා හැර හුදෙකලා දේශයට ප්‍රවේශ වන්නට අන් මගක් නොමැත. ඒ සඳහා අන්තර් හුවමාරු (ට්‍රාන්සිට් ) වීසාවක් ලබා ගත යුතුය. අපේ වේලාව කෙතරම් හොඳද යත් ඒ වසරේ චීන අලුත් අවුරුද්ද ජනවාරි 28 වෙනිදාට යෙදී තිබුණු බැවින් දින දහයකට ආසන්න කලක් චීන තානාපති කාර්යාලය වසා දමා ඇත. සැම ගැටළුවකටම පිළිතුරක් ඇතැයි යන දාර්ශනික අදහස ගැන විශ්වාසය තැබුවෙමි. මම තින්ලේ ඇමතුවෙමි . ඔහු මට එයටද පිළිතුරු ලබා දුන්නේය.

 

[kalaweddha]

චීනය හරහා අන්තර් සංක්‍රමණයේ යෙදෙන ගුවන් මගීන් හට සිය ගුවන් ගමන් ඒකාබද්ධ වීමේදී පැය 24 ක හා පැය 72 ක ට්‍රාංසිට් වීසා නොමැතිව සම්බන්ධ වීමේ පහසු කම ගුවන් තොටුපළෙන් ලබා ගත හැකි බවත් ඒ සඳහා ඊ ළඟ ගුවන් ගමන සඳහා පිටත් වීමේ ටිකට් පත ළඟ තිබිය යුතු බවත් ඔහු පැවසීය. මා ගමන් කරන එක්සත් ජාතීන්ගේ ගමන් බලපත්‍රයට එය ලැබෙන බවත් බිරින්දෑගේ ශ්‍රී ලංකා ගමන් බලපත්‍රයට එය හිමිදැයි සොයා බලන ලෙසත් හෙතෙම පැවසුවේය.
අපේ ගමන් බලපත්‍රයේ හොඳ කමට හිස මුදුනෙන් අප නමස්කාර කරන චීනයෙන්ද අපට ලබා දෙන්නේ පැය විසිහතරක් තුල සම්බන්ධ වෙන විසා රහිත වරප්‍රසාදය පමණී. පැය හැත්තෑ දෙකේ පහසුකම ලාංකිකයින්ට නොමැත. එක්සත් ජාතීන්ගේ සංවිධානයටද නොමැත. මේ අනුව අපි ලංකාවේ සිට බෙයිජිං දක්වා හා එතැනින් පියෝන්ග්යාන්ග් දක්වා පැය 24ක් තුළ සම්බන්ධ වෙන ආකාරයට ගුවන් ගමන සැකසුවෙමු. දැන් සියල්ල සූදානම්ය. එහෙත් තවත් එක කඩුල්ලක් තිබේ. ඒ බණ්ඩාරනායක ජාත්‍යන්තර ගුවන් තොටුපොළයි.
අපි සාක්‍ෂරතාවයෙන් ඉහළ බව සැබැවි. එහෙත් විටෙක අපේ නිලධාරීන් හැසිරෙන්නේ සියල්ල දත් අය ලෙසිනි. ඔවුහු අන් අයට සවන් නොදෙති. තම මතය හරි බව පෙන්වන්නට උත්සුක වෙති. එබැවින් සූදානම් වී යෑම ශරීර සෞඛ්‍යයට හිතකරය. එබැවින් පියෝන්ග්යන්ග් සඳහා ටිකට් පතද , වීසාවද හැරෙන්නට බෙයිජිං වෙබ් අඩවියෙන් පැය 24 ක් තුළ වීසා රහිතව බාහිර ගුවන් ගමන් හා සම්බන්ධවීමේ පහසුකම ලාංකිකයින් හටද හිමි බව පැවසෙන දැනුම් දීමද බාගත කර ගත්තෙමි.
දැන් අපි 2017 පෙබරවාරි මාසය ආරම්භයේ ජීවිතයේ තවත් කඩ ඉමක් පසු කරමින් හුදෙකලා දේශය වෙත ගමන් කරන්නෙමු.චීනයට යන්නට වීසාව පෙන්වන්නැයි ඉල්ලු ගුවන් ගමන් ලියාපදිංචි කර ප්‍රවේශ පත්‍ර ලබා දෙන ශ්‍රී ලන්කන් ගුවන් සමාගමේ තැනැත්තියට මම ගමනාන්තය උතුරු කොරියාව බවත් මේ පැය 24 ක වීසා රහිත වරප්‍රසාදය චීන රජය ලබා දෙන බවත් පැවසුවෙමි . ඇය මාගේ එක්සත් ජාතීන්ගේ ගමන් බලපත දෙස ඇස් ඒ මේ අත හරවමින් බැලු අයුරින්ම ඒ ගමන් බලපත්‍රය ඈ දුටු කුළුඳුල් වාරය බව මම පසක් කෙළෙමි. එහි රටක් සඳහන් ද නොවේ. මම බාගත කළ වීසා රහිත අන්තර් සංක්‍රමණ පහසු කමේ විස්තරයද ඇයට ලබා දුනිමි. ඇය කොහේදෝ අන්තරස්දාන වූවාය . අනිවාර්යයෙන්ම ඇය මේ ගැන විමසා බලන්නට ජ්‍යෙෂ්ඨයකු සොයා ගිය බව මට වැටහුණි. ටික වේලාවකින් ලාංකික බවට හුරු පුරුදු සිනහව මුව රඳවා ගත් ඈ අපට අපගේ ප්‍රවේශ පත්‍ර නිකුත් කළාය . මේ අනුව අපි මව්බිමෙන් චීන වීසාවද රහිතව හුදෙකලා දේශය කරා යන්නට මායිම් හැර ගියෙමු. ඒ පැය දෙකක කාලයක් මත්තල ගුවන් තොටුපොළේ යානය නවතා තැබීමෙන් අනතුරුවය.
"තව සුළු මොහොතකින් පියෝන්ග්යන්ග් නුවර “සුනාන්” ගුවන් තොටු පොළ වෙත අපි ළඟා වෙන්නෙමු. ආසන ඍජු කර බඳ පටි තද කර ගන්නා ලෙස අපි ඔබෙන් ඉල්ලා සිටිමු. නගරයේ හිම පතිත වී ඇති අතර උෂ්ණත්වය සෙන්ටිග්‍රේඩ් අංශක රින විස්සක් වේ. " ගුවන් සේවිකාවගේ කට හඬින් මම යළි පියවි ලොවට පිවිසුනෙමි.
යානය වේගයෙන් ගුවන් පථය කරා ගමන් කරයි. මම නෙත් විවර කර කවුළු වීදුරුව අතරින් එළිය දෙස නෙත් යොමු කෙළෙමි .ඈතින් කඳු වළලු කිහිපයක් දිස්වේ. කඳු ඉම කරා දිවයන නිම්නය සුදෝ සුදු පලසක් ඇතිරූ ලෙසින් හිමෙන් වැසී තිබේ. මේවා කෙත්වතු වෙන්නට පිළිවන. සිසිරයේ දැඩි ශීතයෙන් මිරිකී තුරු සිය පත් අතහැර නිරුවත් වූ සෙයකි.
හුදෙකලා දේශය මෙන්ම ගුවන් තොටුපොළ වටා උකටලී බවක් රජයන බව මට සිතේ. තවත් සුළු මොහොතකින් මේ රුසියානු තුපොලේෆ් ගුවන් යානයෙන් නික්ම ආගමන විගමන කොටස සඳහා යා යුත්තෙමු. ගුවන් කාර්ය මණ්ඩලයෙන් සමුගත් අපි යානයෙන් නික්ම “ සුනාන්” ගුවන් තොටට පා තැබුවෙමු. මේ හුදෙකලා දේශය තුළට ඇතුළු වීමේ අවසාන කඩුල්ලයි. එහි සිදු වූ පැවසිය යුතු දේද බොහෝය. වෙනත් දිනෙක අපි එයද බෙදා හදා ගනිමු.
© වෛද්‍ය පුෂ්ප රන්ජන් විජේසිංහ

 

[shenat]

උතුරු කොරියාවේ ටුවර් යනවලු..
රටට ඇතුල් වෙද්දිම නීතී ගනනාවක් දෙනවලු..
ඒ අතර ප්‍රසිද්ධ ස්ථාන වල ජායාරූප ගන්න වෙනම අවසර ඕනීලු.
ඒ ඒ නායකයන්ගේ පිලිරු වලට හිස නමා ආචාර කරන්න ඕනීලු..
නීතී හරියට කරේ නැත්තම් එක්කෝ මරණ දඩුවම ලු නැත්තම් හිර බත් කන්න වෙනවලු
ටුවරිස්ට්ලා කියලා සමාව දෙන්නේ නෑලු.

ඔය ප@කේ රටවල් වලට යන්න මොළේ අමාරු තියෙන්න ඕන. අනිත් හැම රටකටම ගිහින් රෙකෝඩ් එකක් තියන්න ඉන්න එකෙක් නං කමක් නෑ ඔච්චර අමාරුවෙන් ගියාට.

 

[this_is_doge]

Mekath balalama yanna

mama eka parak dakka american karayaek north korea board ekak galwapu ekata 20 years hire damma. habai 2 year walin release kala porwa. ekkan giye wheelchair eke. sathiyakin pora nathi wuna. apa nathi wenna gahala. sihi kalpanawath na porata.

Otto Warmbier thamai maruna kena​

 

[baba-chuti]

Mekath balalama yanna

Otto Warmbier thamai maruna kena​

meka thmai man kiwwe