එන්ටර්ප්රයිස් ශ්රීලංකා සහන ණය සහ පොහොට
එන්ටර්ප්රයිස් ශ්රීලංකා සහන ණය සහ පොහොට්ටුවේ අසහනය !
එන්ටර්ප්රයිස් ශ්රී ලංකා වැඩසටහන යටතේ රජයේ මුදල් අවභාවිතා කරන සියලුම රජයේ නිලධාරීන්ට එරෙහිව ඉදිරියේදී පිහිටුවන මහින්ද රාජපක්ෂ ප්රමුඛ ආණ්ඩුවක් යටතේ නඩු පවරන බව ශ්රී ලංකා පොදුජන පෙරමුණේ සභාපති මහාචාර්ය ජී. එල්. පීරිස් මහතා ප්රකාශ කර තිබිණි.
ඒ මහතා මේ බව ප්රකාශ කර තිබුණේ පසුගිය 18 වනදා පැවති, ඒකාබද්ධ විපක්ෂයේ ආර්ථික පර්යේෂණ ඒකකය මෙහෙයවූ මාධ්ය හමුවක් අමතමිනි.
ජී. එල්.ගේ තර්ජනය
එන්ටර්ප්රයිස් ශ්රී ලංකා වැඩසටහන ආරම්භ කර ඇත්තේ ආණ්ඩුවේ ගජමිතුරු ව්යාපාරිකයින්ට අඩු පොළියක් යටතේ ණය දීමට බවට චෝදනා කළ මහාචාර්යවරයා රජයේ බැංකුවලට සහ මහා භාණ්ඩාගාරයට විශාල පාඩුවක් වන මේ වැඩසටහන සඳහා ඇමතිවරුන්ගේ නියෝග පිළිපදිමින් ක්රියාත්මක වන නිලධාරීන්ට එරෙහිව අනිවාර්යයෙන්ම තමන්ගේ රජයක් යටතේ නඩු පවරන බව ප්රකාශ කළේය.
ඇමතිවරුන්ගේ කීම මත ඒ දේවල් කළ බව පසුව අධිකරණයක් හමුවේ කීමට කිසිදු නිලධාරියකුට අයිතියක් හිමි නොවන බව ද කී මහාචාර්යවරයා නීතිය ක්රියාත්මක වීමෙන් පසුව ඔවුන්ට තමන්ගේ සාක්කුවෙන් මුදල් ගෙවීමට සිදුවනු ඇතැයිද පැවසීය. දැනට පිහිටුවා ඇති පොලිස් මූල්ය අපරාධ කොට්ඨාශය (FCID) සහ විශේෂ අධිකරණය හරහා ම එවන් නිලධාරීන්ට එරෙහිව නීතිය ක්රියාත්මක කිරීමට බලාපොරොත්තු වන බවයි මහාචාර්යවරයා වැඩිදුරටත් සඳහන් කළේ.
එන්ටර්ප්රයිස් ශ්රී ලංකා සහන ණය
එන්ටර්ප්රයිස් ශ්රී ලංකා වැඩසටහන වත්මන් රජය විසින් ආරම්භ කරන ලද්දේ නව ව්යවසායකයින් පිරිසක් බිහි කරගැනීම සඳහා සහ දැනට සිටින ව්යවසායකයින් දිරිගැන්වීම සඳහා ය. ඒ සඳහා සහන පොළී ණය යෝජනා ක්රමයක් ලෙස මෙම ව්යාපෘතිය දියත් කෙරිණි.
ගොවි ජනතාවට, ධීවරයින්ට, පශූ සම්පත් නිෂ්පාදකයින්ට, ගෙවතු වගාකරුවන්ට, අත්කම් ඇඟළුම් නිෂ්පාදකයින්ට සහ සංචාරක ව්යාපාරයේ යෙදී සිටින්නන්ට යනාදී වශයෙන් විවිධ ක්ෂේත්ර යටතේ ණය ලබාදෙන වැඩසටහන් 15ක් මේ හරහා ක්රියාත්මක වේ.
රටේ තරුණ පරපුර රජයේ රැකියාවලට හෝ සේවා අංශයේ රැකියාවලට පිරවීමෙන් රටක ආර්ථිකය දියුණු කිරීමට හැකිවන්නේ නැත. ඔවුන්ට අවශ්ය සහන ලබාදී ස්වාධීන ව්යවසායකයින් වශයෙන් රටේ ආර්ථිකයට සම්බන්ධ කරගත හැකි නම් රටක දියුණුවට එය ඉතාම නිවැරදි සහ විශිෂ්ඨ පියවරක් වනු ඇත. එන්ටර්ප්රයිස් ශ්රී ලංකා ව්යාපෘතිය හරහා රජය කිරීමට බලාපොරොත්තු වන්නේ එයයි.
පොහොට්ටුවේ අසහනය
එවන් අවස්ථාවක පොහොට්ටුවේ නායක ජී. එල්. පීරිස් මහතා මේ කරන්නේ එම ව්යාපෘතියට සම්බන්ධ වන රාජ්ය නිලධාරීන්ට තර්ජනය කරමින් ඔවුන්ව බිය වැද්දීමයි. සහන පොළී ණය සඳහා අයදුම් කරන ව්යවසායකයින්ට එම ණය ලබාදීම වැළැක්වීම සඳහා ඔහු රජයේ නිලධාරීන් අධෛර්යමත් කරමින් සිටී.
කෙසේ හෝ බලය ලබාගැනීම සඳහා වන ඒකාබද්ධ විපක්ෂය ප්රමුඛ රාජපක්ෂ කල්ලියේ නින්දිත වෑයම මේ හරහා ද රටට පැහැදිලි වේ. රටට අලුතින් ව්යාපාරිකයින්, නිෂ්පාදකයින් එකතු වී රට දියුණු කෙරෙනවාට ඔවුන් කැමති නැත. ඔවුන්ගේ අපේක්ෂාව රටේ ආර්ථිකය බංකොලොත් කිරීමය. ඒ තුළින් තමන්ට බලයට ඒමට මඟ කපා ගැනීමය. එන්ටර්ප්රයිස් ශ්රී ලංකා වැඩසටහනට ජී. එල්.ලා අකුල් හෙළන්නේ ඒ නිසාය.
රටේ සංවර්ධනය වෙනුවෙන් රජය ව්යාපෘතියක් දියත් කර ඇති මොහොතක, ඊට සහභාගී වන නිලධාරීන්ට කවදා හෝ එන තමන්ගේ රජයක් යටතේ නඩු පවරන බව පවසා තර්ජනය කිරීම කෙතරම් සදාචාරාත්මකද යන්න පළමුව මහාචාර්ය ජී. එල්. පීරිස්ගෙන් ප්රශ්න කළ යුතුව ඇත. එහෙත් ගැටලුව වන්නේ ඔහු නීතිය උගන්වන සමයේ හැර දේශපාලනයට පිවිසීමෙන් පසුව කවදා හෝ සදාචාරයක් පිළිබඳව දැන සිටියේද යන ප්රශ්නය අප ඉදිරියේ ම මතුවීමයි. ජී. එල්. ගේ දේශපාලන අතීතය දෙස බලන විට ඔහු සදාචාරය යන වචනයවත් නොදන්නා බව පැහැදිලි වේ.
අනෙත් අතට මෙසේ රාජ්ය නිලධාරීන්ට තර්ජනය කර බිය වැද්දීම යනු ජී. එල්. පීරිස්ට එරෙහිව නඩු පැවරිය හැකි ගණයේ වරදකි. මෙය විමල් වීරවංශ හෝ රෝහිත අබේගුණවර්ධන පන්නයේ දේශපාලකයකු විසින් කරන ලද්දේ නම් එය වෙනම කතාවකි. එහෙත් මේ තර්ජනය කරන්නේ මහාචාර්යවරයෙකි. වෙනෙකෙක් නොව නීතිය පිළිබඳව ම මහාචාර්යවරයෙකි. ඛේදවාචකය ඇත්තේ එතැනයි.
බලය නොලැබීමේ බය
ජී. එල්.ගේ තර්ජනය ක්රියාත්මක වන්නට නම් මුලින්ම ඔවුන්ට ආණ්ඩු බලයක් ලැබිය යුතුය. එහෙත් එවැන්නක් සිදුවන බවක සේයාවක් හෝ දකින්නට නැත. එසේම ආණ්ඩු බලයක් ලබා ගත්ත ද ජී. එල්.ලා කරන්නට උත්සාහ ගන්නේ මොනවාද යන්න ඉහත ප්රකාශය හරහා පැහැදිලි ය. දේශපාලන පළිගැනීම් වෙනුවෙන් රටේ ම සංවර්ධන ක්රියාදාමයන් ආපසු හැරවීම ඔවුන්ගේ උවමනාව වී තිබේ.
ආණ්ඩුව පසුගිය වසර තුනක කාලය තුළ ණය රාජපක්ෂලා අටවා ගිය ණය උගුලෙන් ගැළවීමේ ක්රමවේද සොයමින් සිටි නිසාම ජනතාව වෙත මුදල් ගලායන වැඩසටහන් සකස් කිරීමට හැකියාවක් තිබුණේ නැත. එහෙත් එන්ටර්ප්රයිස් ශ්රී ලංකා වැඩසටහන හරහා ග්රාමීය ජනතාව වෙත දැන් මුදල් ගලා යන්නට පටන් ගෙන තිබේ. ඉදිරියේදී එම ජනතාවගේ ආර්ථිකය ස්ථාවර වන ලකුණු පහළවී තිබේ. තවදුරටත් රාජපක්ෂලා රජ කරවීම වෙනුවෙන් ඒ ජනතාව රවටා ගත නොහැකි බව පොහොට්ටුවේ නායකයින්ට අවබෝධ වෙමින් පවතී. ඔවුන් ඊට දැඩි ලෙස බියපත් වී සිටී. මෙසේ නීතිය ද නොතකා ඊට මාරාන්තික ලෙස විරෝධය පාන්නේ එබැවිනි.
එන්ටර්ප්රයිස් ශ්රී ලංකා වැඩසටහන සංකල්පයක් ලෙස ඉතාම විශිෂ්ඨ වුවත් ක්රියාත්මක වීමේදී කොතෙක් දුරට සාර්ථක වේද යන්න අපට කිව නොහැක. එහෙත් පොහොට්ටුව එම වැඩසටහන කෙරෙහි දක්වන බියේ තරම අනුව නම් පැහැදිලිව ම පෙනෙන්නේ එන්ටර්ප්රයිස් ශ්රී ලංකා වැඩසටහන අති සාර්ථක බවයි.
RN
- https://lankanewsweb.net/sinhala/පු...ප්රයිස්-ශ්රීලංකා-සහන-ණය-සහ-පොහොට්ටුවේ-අසහනය
එන්ටර්ප්රයිස් ශ්රීලංකා සහන ණය සහ පොහොට්ටුවේ අසහනය !
එන්ටර්ප්රයිස් ශ්රී ලංකා වැඩසටහන යටතේ රජයේ මුදල් අවභාවිතා කරන සියලුම රජයේ නිලධාරීන්ට එරෙහිව ඉදිරියේදී පිහිටුවන මහින්ද රාජපක්ෂ ප්රමුඛ ආණ්ඩුවක් යටතේ නඩු පවරන බව ශ්රී ලංකා පොදුජන පෙරමුණේ සභාපති මහාචාර්ය ජී. එල්. පීරිස් මහතා ප්රකාශ කර තිබිණි.
ඒ මහතා මේ බව ප්රකාශ කර තිබුණේ පසුගිය 18 වනදා පැවති, ඒකාබද්ධ විපක්ෂයේ ආර්ථික පර්යේෂණ ඒකකය මෙහෙයවූ මාධ්ය හමුවක් අමතමිනි.
ජී. එල්.ගේ තර්ජනය
එන්ටර්ප්රයිස් ශ්රී ලංකා වැඩසටහන ආරම්භ කර ඇත්තේ ආණ්ඩුවේ ගජමිතුරු ව්යාපාරිකයින්ට අඩු පොළියක් යටතේ ණය දීමට බවට චෝදනා කළ මහාචාර්යවරයා රජයේ බැංකුවලට සහ මහා භාණ්ඩාගාරයට විශාල පාඩුවක් වන මේ වැඩසටහන සඳහා ඇමතිවරුන්ගේ නියෝග පිළිපදිමින් ක්රියාත්මක වන නිලධාරීන්ට එරෙහිව අනිවාර්යයෙන්ම තමන්ගේ රජයක් යටතේ නඩු පවරන බව ප්රකාශ කළේය.
ඇමතිවරුන්ගේ කීම මත ඒ දේවල් කළ බව පසුව අධිකරණයක් හමුවේ කීමට කිසිදු නිලධාරියකුට අයිතියක් හිමි නොවන බව ද කී මහාචාර්යවරයා නීතිය ක්රියාත්මක වීමෙන් පසුව ඔවුන්ට තමන්ගේ සාක්කුවෙන් මුදල් ගෙවීමට සිදුවනු ඇතැයිද පැවසීය. දැනට පිහිටුවා ඇති පොලිස් මූල්ය අපරාධ කොට්ඨාශය (FCID) සහ විශේෂ අධිකරණය හරහා ම එවන් නිලධාරීන්ට එරෙහිව නීතිය ක්රියාත්මක කිරීමට බලාපොරොත්තු වන බවයි මහාචාර්යවරයා වැඩිදුරටත් සඳහන් කළේ.
එන්ටර්ප්රයිස් ශ්රී ලංකා සහන ණය
එන්ටර්ප්රයිස් ශ්රී ලංකා වැඩසටහන වත්මන් රජය විසින් ආරම්භ කරන ලද්දේ නව ව්යවසායකයින් පිරිසක් බිහි කරගැනීම සඳහා සහ දැනට සිටින ව්යවසායකයින් දිරිගැන්වීම සඳහා ය. ඒ සඳහා සහන පොළී ණය යෝජනා ක්රමයක් ලෙස මෙම ව්යාපෘතිය දියත් කෙරිණි.
ගොවි ජනතාවට, ධීවරයින්ට, පශූ සම්පත් නිෂ්පාදකයින්ට, ගෙවතු වගාකරුවන්ට, අත්කම් ඇඟළුම් නිෂ්පාදකයින්ට සහ සංචාරක ව්යාපාරයේ යෙදී සිටින්නන්ට යනාදී වශයෙන් විවිධ ක්ෂේත්ර යටතේ ණය ලබාදෙන වැඩසටහන් 15ක් මේ හරහා ක්රියාත්මක වේ.
රටේ තරුණ පරපුර රජයේ රැකියාවලට හෝ සේවා අංශයේ රැකියාවලට පිරවීමෙන් රටක ආර්ථිකය දියුණු කිරීමට හැකිවන්නේ නැත. ඔවුන්ට අවශ්ය සහන ලබාදී ස්වාධීන ව්යවසායකයින් වශයෙන් රටේ ආර්ථිකයට සම්බන්ධ කරගත හැකි නම් රටක දියුණුවට එය ඉතාම නිවැරදි සහ විශිෂ්ඨ පියවරක් වනු ඇත. එන්ටර්ප්රයිස් ශ්රී ලංකා ව්යාපෘතිය හරහා රජය කිරීමට බලාපොරොත්තු වන්නේ එයයි.
පොහොට්ටුවේ අසහනය
එවන් අවස්ථාවක පොහොට්ටුවේ නායක ජී. එල්. පීරිස් මහතා මේ කරන්නේ එම ව්යාපෘතියට සම්බන්ධ වන රාජ්ය නිලධාරීන්ට තර්ජනය කරමින් ඔවුන්ව බිය වැද්දීමයි. සහන පොළී ණය සඳහා අයදුම් කරන ව්යවසායකයින්ට එම ණය ලබාදීම වැළැක්වීම සඳහා ඔහු රජයේ නිලධාරීන් අධෛර්යමත් කරමින් සිටී.
කෙසේ හෝ බලය ලබාගැනීම සඳහා වන ඒකාබද්ධ විපක්ෂය ප්රමුඛ රාජපක්ෂ කල්ලියේ නින්දිත වෑයම මේ හරහා ද රටට පැහැදිලි වේ. රටට අලුතින් ව්යාපාරිකයින්, නිෂ්පාදකයින් එකතු වී රට දියුණු කෙරෙනවාට ඔවුන් කැමති නැත. ඔවුන්ගේ අපේක්ෂාව රටේ ආර්ථිකය බංකොලොත් කිරීමය. ඒ තුළින් තමන්ට බලයට ඒමට මඟ කපා ගැනීමය. එන්ටර්ප්රයිස් ශ්රී ලංකා වැඩසටහනට ජී. එල්.ලා අකුල් හෙළන්නේ ඒ නිසාය.
රටේ සංවර්ධනය වෙනුවෙන් රජය ව්යාපෘතියක් දියත් කර ඇති මොහොතක, ඊට සහභාගී වන නිලධාරීන්ට කවදා හෝ එන තමන්ගේ රජයක් යටතේ නඩු පවරන බව පවසා තර්ජනය කිරීම කෙතරම් සදාචාරාත්මකද යන්න පළමුව මහාචාර්ය ජී. එල්. පීරිස්ගෙන් ප්රශ්න කළ යුතුව ඇත. එහෙත් ගැටලුව වන්නේ ඔහු නීතිය උගන්වන සමයේ හැර දේශපාලනයට පිවිසීමෙන් පසුව කවදා හෝ සදාචාරයක් පිළිබඳව දැන සිටියේද යන ප්රශ්නය අප ඉදිරියේ ම මතුවීමයි. ජී. එල්. ගේ දේශපාලන අතීතය දෙස බලන විට ඔහු සදාචාරය යන වචනයවත් නොදන්නා බව පැහැදිලි වේ.
අනෙත් අතට මෙසේ රාජ්ය නිලධාරීන්ට තර්ජනය කර බිය වැද්දීම යනු ජී. එල්. පීරිස්ට එරෙහිව නඩු පැවරිය හැකි ගණයේ වරදකි. මෙය විමල් වීරවංශ හෝ රෝහිත අබේගුණවර්ධන පන්නයේ දේශපාලකයකු විසින් කරන ලද්දේ නම් එය වෙනම කතාවකි. එහෙත් මේ තර්ජනය කරන්නේ මහාචාර්යවරයෙකි. වෙනෙකෙක් නොව නීතිය පිළිබඳව ම මහාචාර්යවරයෙකි. ඛේදවාචකය ඇත්තේ එතැනයි.
බලය නොලැබීමේ බය
ජී. එල්.ගේ තර්ජනය ක්රියාත්මක වන්නට නම් මුලින්ම ඔවුන්ට ආණ්ඩු බලයක් ලැබිය යුතුය. එහෙත් එවැන්නක් සිදුවන බවක සේයාවක් හෝ දකින්නට නැත. එසේම ආණ්ඩු බලයක් ලබා ගත්ත ද ජී. එල්.ලා කරන්නට උත්සාහ ගන්නේ මොනවාද යන්න ඉහත ප්රකාශය හරහා පැහැදිලි ය. දේශපාලන පළිගැනීම් වෙනුවෙන් රටේ ම සංවර්ධන ක්රියාදාමයන් ආපසු හැරවීම ඔවුන්ගේ උවමනාව වී තිබේ.
ආණ්ඩුව පසුගිය වසර තුනක කාලය තුළ ණය රාජපක්ෂලා අටවා ගිය ණය උගුලෙන් ගැළවීමේ ක්රමවේද සොයමින් සිටි නිසාම ජනතාව වෙත මුදල් ගලායන වැඩසටහන් සකස් කිරීමට හැකියාවක් තිබුණේ නැත. එහෙත් එන්ටර්ප්රයිස් ශ්රී ලංකා වැඩසටහන හරහා ග්රාමීය ජනතාව වෙත දැන් මුදල් ගලා යන්නට පටන් ගෙන තිබේ. ඉදිරියේදී එම ජනතාවගේ ආර්ථිකය ස්ථාවර වන ලකුණු පහළවී තිබේ. තවදුරටත් රාජපක්ෂලා රජ කරවීම වෙනුවෙන් ඒ ජනතාව රවටා ගත නොහැකි බව පොහොට්ටුවේ නායකයින්ට අවබෝධ වෙමින් පවතී. ඔවුන් ඊට දැඩි ලෙස බියපත් වී සිටී. මෙසේ නීතිය ද නොතකා ඊට මාරාන්තික ලෙස විරෝධය පාන්නේ එබැවිනි.
එන්ටර්ප්රයිස් ශ්රී ලංකා වැඩසටහන සංකල්පයක් ලෙස ඉතාම විශිෂ්ඨ වුවත් ක්රියාත්මක වීමේදී කොතෙක් දුරට සාර්ථක වේද යන්න අපට කිව නොහැක. එහෙත් පොහොට්ටුව එම වැඩසටහන කෙරෙහි දක්වන බියේ තරම අනුව නම් පැහැදිලිව ම පෙනෙන්නේ එන්ටර්ප්රයිස් ශ්රී ලංකා වැඩසටහන අති සාර්ථක බවයි.
RN
- https://lankanewsweb.net/sinhala/පු...ප්රයිස්-ශ්රීලංකා-සහන-ණය-සහ-පොහොට්ටුවේ-අසහනය
