<p>කරාපිටිය ශික්ෂණ රෝහලේ හදිසි තත්ත්වයක් ප්රකාශයට පත්කරමින් වැඩබලන අධ්යක්ෂ වෛද්ය ෂෙල්ටන් පෙරේරා විසින් සියලු වෛද්යවරුන් සහ අංශ ප්රධානීන් වෙත අද (04) ලිපියක් නිකුත් කර තිබෙනවා.
| කොවිඩ් රෝගීන්ගේ ක්ෂණික වර්ධනයක් පෙන්නුම් කරන බැවින් සහ රෝහලේ විවිධ ඒකක තුළින් රෝගීන් වාර්තා වී රෝහල් කාර්ය මණ්ඩලය ද ආසාදනය වීමේ වර්ධනයක් ඇති බැවින් හදිසි තත්වයක් ප්රකාශයට පත්කරන බවයි එහි දැක්වෙන්නේ.</p> |
| කොවිඩ් ආසාදිත සංකූලතාවන්ට ලක්වන රෝගීන් වෙත වැඩි ප්රමුඛතාවක් ලබාදීම සඳහා කොවිඩ් ආසාදිත ශ්වසනාබාධ හෝ වෙනත් සංකූලතාවක් නොමැති රෝගීන් අදාල ප්රදේශය භාර සෞඛ්ය වෛද්ය නිලධාරී වෙත සහ ප්රාදෙශීය වසංගත රෝග අංශය වෙත දන්වා අතරමැදි ප්රතිකාර මධ්යස්ථානවලින් ඉඩ පහසුකම් ලැබෙන තුරු නිවෙසේ වෙත ප්රතිකාර ලබා දීමට යොමු කරන ලෙසත් එමගින් උපදෙස් දී තිබෙනවා.එමෙන් ම සංකූලතා ඇති රෝගීන්ට අවශ්ය ඉඩ පහසුකම් කොවිඩ් රෝගීන්ට වෙන්කර ඇති ඒකකවලින් ලැබෙනතුරු තමන්ගේ ඒකකවල වෙන්කර තබාගන්නා ලෙස ද අධ්යක්ෂවරයා සියලු අංශ ප්රධානීන් සහ විශේෂඥ වෛද්යවරු වෙත දැනුම් දී තිබෙනවා. <strong>(colombotimes.lk) |
