කොලෙස්ටරෝල් | cholesterol |ගැන යමක්...

sirajstc

Well-known member
  • Apr 2, 2008
    59,211
    1,621
    113
    ~*~CeYLoN..~*~
    කොලෙස්ටරෝල් | cholesterol |ගැන යමක්...

    කොලෙස්ටරෝල් Cholesterol යනු අපගේ ශරීරයේ ස්වභාවිකව නිපදවෙන, කාබන්, හයිඩ්‍රජන්, ඔක්සිජන් යන මූලද්‍රව්‍යවලින් රසායනිකව සංයුක්ත වන සංයෝගයකි. කොලෙස්ටරෝල් යන නම ඇසූ පමණින් වත්මන් සමාජයේ බොහෝ දෙනා තුළ යම් බියක් ජනිත කරයි. යමෙකුගේ රුධිරය තුළ නියමිත මට්ටමට වඩා වැඩි වූ විට දහසකුත් හානිකර තත්ත්ව ළඟා කර දෙන කොලෙස්ටරොල්, රුධිරය තුළ ප්‍ර‍්‍රශස්ත මට්ටමින් තිබීම ශරීරයේ යහ පැවැත්මට ඉතාමත් වැදගත් ය.


    මිනිසාගේ අක්මාව (Liver) මගින් ප්‍රධානව නිෂ්පාදනය වන කොලෙස්ටරෝල්, අපගේ ශරීරයට ලැබෙන ප්‍රධානතම මාර්ගය වන්නේ අපේ ආහාරයි. මස් වර්ගවල සත්ත්ව අක්මාවේ කොලෙස්ටරෝල් බහුලව ඇත. සොයගෙන ඇති දත්තවලට අනුව, ශාක සම්භවයෙන් ලැබෙන ආහාරවල කොලෙස්ටරෝල් අංශු මාත්‍රයක්වත් නැති බව සඳහන් වේ. අප ගන්නා ආහාරවල ඇති කොලෙස්ටරෝල්, ආහාර මාර්ගයේ අන්තුවලදී රුධිරයට අවශෝෂණය කරගෙන, අපගේ අක්මාවට පරිවහනය කර එහි ගබඩා කරයි. අවශ්‍ය විටදී යම් පාලනයක් සහිතව අක්මාව මගින් රුධිරයට කොලෙස්ටරෝල් ලබා දෙයි.




    හොඳ කොලෙස්ටරෝල් යනු HDL කොලෙස්ටරෝල් ය. (High density lipoprotein) එනම් අධි ඝනත්ව ලිප්‍රෝටින් ය. මේවා ශරීරයට හිතකර කොලෙස්ටරෝල් ලෙස හඳුන්වන්නේ HDL මගින් ධමනි බිත්ති මත ඇති LDL කොලෙස්ටරෝල් වැනි හානිකර සංඝටක ඉවත්කර, ඒවා අක්මාවට පරිවහනය කර එහි දී ඒවා විනාශ කර දමන නිසාය. LDL මට්ටම වැඩි වීමත්, HDL මට්ටම අඩු වීමත් නිසා පුද්ගලයෙකු හෘදයාබාධ වැනි තත්ත්වවලට නැඹුරුවීමේ දැඩි අවදානමක් පවතී.




    LDL හෙවත් නරක කොලෙස්ටරෝල් නිෂ්පාදනය කරන්නේද අක්මාව මගින්මයි. එම LDL කොලෙස්ටරෝල් රුධිරය තුළ තිබිය යුතු මට්ටමට වඩා වැඩි වූ විටදී ඒවා විනාශ කරන්නේ ද අක්මාවේ ඇති LDL ප්‍රතිග්‍රාහක මගින් ය. කෙසේ වුව ද සංතෘප්ත මේද අම්ල හා කොලෙස්ටරෝල් බහුල ආහාර ගැනීම මගින් ද, ශරීරයේ LDLමට්ටම වර්ධනය වේ. නොයෙකුත් එළවළු තෙල්, පොල් තෙල්, ෆාම් තෙල්, වර්ගවලත්, කොකෝවාවලත් සංතෘප්ත මේද අම්ල බහුලව පවතී.




    කෙසේ වුවද W- 3 (ඔමේගා 3), W - 6 (ඔමේගා 6) වැනි අසංතෘප්ත මේද අම්ල සහිත ආහාර, බටර් වර්ග භාවිත කිරීම මගින් , LDL මට්ටම අඩුකරගත හැකි බවත්, හෘදයාබාධ වැනි තත්ත්වවලින් මිදිය හැකි බවත් අනාවරණය කරගෙන ඇත. කොලෙස්ටරෝල් යනු ශරීරයේ රසායනික ක්‍රියාවලියට අත්‍යවශ්‍ය සංඝටකයකි. අපගේ ශරීරයම සෑදී ඇති සෛලවල සෛල පටලය සෑදීමටත්, නියුරෝනවල පිටත ආවරණය වන මයලින් කොපුව (Myeline sheath සෑදීමටත්, නොයෙකුත් ලිහෙප්‍රෝටින් වර්ග සෑදිමටත්, කොලෙස්ටරෝල් වැදගත් වේ. එමෙන් ම නොයෙකුත් විටමින් වර්ග සංස්ලේෂණයටත්, ස්ටෙරොයිඩ් (Steeroids) හෝර්මෝන වන ලිංගික හෝමෝන, ඇල්ඩොස්ටෙරෝන්, කෝටි සෝල් වැනි හෝර්මෝන සංස්ලේෂණයටත් කොලෙස්ටරෝල් නැතුවම බැරි සංඝටකයකි.




    වර්තමාන ව්‍යවහාරයේ හොඳ හා නරක කොලෙස්ටරෝල් කියන කොලෙස්ටරෝල් වර්ග 2ක් භාවිතා වේ. අප නරක කොලෙස්ටරෝල් කියා හඳුන් වන්නේ LDL කොලෙස්ටරෝල් ය. ( 10 W density lipoprotein) මේ වර්ගය රුධිරයේ ප්‍රශස්ත මට්ටම් අගයට වඩා වැඩිපුර තියෙන අවස්ථාවලදී ඒවා රුධිර ධමනි බිත්ති මත තැන්පත් වී, තද ද්‍රව්‍යයක් බවට පත් වීම නිසා ධමනි බිත්ති සිහින් වේ. එම නිසා මේ ධමනි බිත්ති තුළින් රුධිරය හරිහැටි ගලා නොයයි. රුධිර ගමනා ගමනයට බාධා ඇති වේ.





    මෙය ඇතරොස්ක්ලෙරෝසිස් (atherosclerosls) තත්ත්වය ලෙස හඳුන්වයි. බොහෝ දුරට මේ තත්ත්වය මඟින් හානි සිදු වන්නේ හෘදය වස්තුව ආශ්‍රිත කිරීටක ධමනිවලටයි. එම නිසා හෘදය වස්තුව ආශ්‍රිතව ගැටලු වන Myocardial infarction වැනි තත්ත්ව බහුලව හට ගැනීමේ අවදානමක් පවතී.
    ක්‍රමානුකූලව ව්‍යායාම්වල යෙදෙන, තරබාරුකමින් තොර වූ මත්පැන් භාවිත නොකරන, දුම් පානය නොකරන, සැහැල්ලු දිවි පෙවතක් ගත කරන පුද්ගලයන්ගේ ශරීරයේ රුධිරයේ HDL මට්ටම හෙවත් හොඳ කොලෙස්ටරෝල් මට්ටම ඉහළ අගයක පවතී. එමෙන්ම සොයාගෙන ඇති තොරතුරුවලට අනුව, ඊස්ට්‍රජන් (Oetrogen) හෝර්මෝනය මගින් රුධිරයේ HDL් නිෂ්පාදනය වැඩි කරන බව වාර්තා වේ.





    කාන්තාවන්ගේ රුධිරයේ වැඩිපුර ඊස්ට්‍රජන් ඇති නිසා ඔවුන්ගේ HDLමට්ටම සාමාන්‍යයෙන් වැඩි අගයක පවතී. එම නිසා ඔවුන්ට හෘදයාබාධ ඇති වීමේ අවදානම පිරිමින්ට වඩා ඉතා අඩු අගයක් බව වාර්තා වේ.




    තා යහපත් ශාරීරික යෝග්‍යතාවක් සහිතව, තෙල් අධික ආහාර අනුභව කිරීමෙන් වැළකී සිටීම මගින් හා මත්ද්‍රව්‍ය හා දුම්වැටිවලින් තොර නිරෝගීමත් ජීවිකාවක් ගෙන යන්නට ඔබටත් හැකියාවක් ඇත්නම්, ඔබටත් කොලෙස්ටරෝල් නම් ජීවිත බිලි ගන්නා රකුසාට කවරදාකවත් යටත් නොවී සිටීමට හැකි වනු ඇත.
     

    sirajstc

    Well-known member
  • Apr 2, 2008
    59,211
    1,621
    113
    ~*~CeYLoN..~*~
    කොලෙස්ටරෝල් - cholesterol අද දවස වෙනකොට අම්මා- තාත්තා ගානට අපේ කටට දිවට හුරු පුරුදු වචන ගොන්නෙන් එකක්. Blood test එකක් ECG එකක් නොකරපු කෙනෙක් බෙහෙතකටවත් හොයාගන්න බැරි, එහෙම එකකට භාජනය නොවිච්ච කෙනෙක් වදෙන් පොරෙන් බලෙන් හරි පරීක්ෂණාගාරෙකට යවන සමාජයක ඉංග්‍රීසි නමක් තියෙන ලෙඩක් හැදෙන එකත් වාසනාවක් කියල හිතන්න ගොඩක් දෙනා පුරුදු වෙලා.ලෙඩෙක් වුණොත් රජකම ලැබුණත් වැඩක් නෑ කියල හිතපු සමාජයක අපි අරුමෝසම් ලෙඩරෝග පොදිබැදගෙන චැනල් සෙන්ටර් ගානේ නෑගම් යන්නෙ දහසින් බැදි පියලි තෑගිත් අරගෙන.වසරකට ලෝකය පුරා ලක්ෂ 171 ක් බෝ නොවන රෝග වලින් මියැදෙද්දි අපේ රටෙනුත් සැලකිය යුතු පිරිසක් එයට ඇතුළත් වෙනවා.කොලෙස්ටරෝල් වලින් මිය යන පිරිසත් අයත් වෙන්නේ ඒ ගොඩට.


    ආයුර්වේද ක්‍රමයට පැහැදිලි කරනවානම් මේක ''මේධෝවෘද්ධි'' නමින් හදුන්වන අතීතයේදිත් පැවති රෝගයක්.''මේධෝවෘද්ධි'' යන්නෙහි අර්ථය නම් අනවශ්‍ය මේද කොටස් රුධිර නාල වල තැන්පත් වීමක් යන්නයි. මෙයම විවිධ පොත් වල පිත්තාශ්ම, පිත්තස්ථෝල ලෙසත් දක්වලා තියෙනවා. ශරීරයේ පැවැත්මට අවශ්‍ය මූලික සංඝටක වලින් එකක් තමයි මේද. හැම දේහ සෛලයකටම තම තමන්ගේ ක්‍රියාකාරීත්වය පවත්වාගෙන යන්න මේද අවශය වෙනවා. අපි පොඩ්ඩක්වත් මේද අඩංගු නැති ආහාර විතරක්ම අනුභව කළත් අපේ ශරීරයට අවශ්‍ය මේද ප්‍රමාණයෙන් 65% දක්වා නිපදවා ගන්න අපේ අක්මාවට හැකියාව තියෙනවා. මේද අවශ්‍යතාවයෙන් ඉතිරි 35% පුර්ණය කරගන්න තමයි අපි මේද සහිත ආහාර ගත යුත්තේ.

    ඒත් අපේ වැඩි දෙනා උදේ ඉදන් රෑ වෙනකම් කන මේදය අධික ආහාර පාන කන්දරාව දිහා බැලුවාම ශරීරයට දෛනිකව අවශ්‍ය මේද ප්‍රමාණයට වඩා හතරපස්ගුණයක්වත් ආහාරයට ගන්නා බව සත්‍යයක්. මෙහෙම අතිරික්තව ලැබෙන මේද කොටස් කෙලින්ම මුදාහැරෙන්නේ රුධිරයට.ඒත් රුධිරයේ දී මේ මේද කොටස් දියවෙන්නේ නෑ.ඒවා රුධිර නාල වල තැන්පත්වෙනවා.එසේ තැන්පත් වල මේද කොටස් තුනකට බෙදෙනවා. ඒ සංතෘප්ත මේද(LDL) ,අසංතෘප්ත මේද(HDL)හා VLDL ලෙස.මෙයින් අසංතෘප්ත මේද තැන්පත් වීමෙන් අපිට හානියක් වෙන්නේ නෑ.හානියක් වෙන්නේ අනෙකුත් දෙවර්ගයේ මේද වැඩිපුර තැන්පත් වීම මත.එමගින් රුධිර නාල අවහිර වී රුධිර සංසරණය අඩාල වීම මත කෙනෙක් "මේධෝවෘද්ධි" රෝගියෙක් බවට පත්වෙනවා.හැබැයි බඩේ ඉඩට දිවේ රසට අවනත නොවී හිතල මතල කෑම ගත්තොත් මේ රෝගයෙන් මිදෙන්න අපි කාටත් පුළුවන්. (මතක තියාගන්න- හොදට මහන්සි වෙලා වැඩ කරන හොදින් දහඩිය පිටකරන කෙනෙක් මේද සහිත ආහාර ගත්තට "මේධෝවෘද්ධි" රෝගියෙක් වන්නට ඇති ඉඩකඩ අවම බව.)වැඩි විස්තර බලාගන්න වෙදහාමිනේගේ මේ ලිපියත් කියවන්න.

    මෙම කොලෙස්ටරෝල් අවදානම ට ලක්වෙච්ච බොහෝදෙනා රෝග තත්වය උච්ච ස්ථානයට එනකම් තමා රෝගියෙකු බව දැනගෙන ඉදල නැතිවීම වෛද්‍යවරු විදියට අපි හොදට දැකල තියෙනවා.අනෙත් බොහෝ භයානක රෝගවලට සාපේක්ෂව "මේධෝවෘද්ධි" වලදි පිටතට දැනෙන ලක්ෂණ එතරම් ප්‍රබල නෑ. ඒ නිසා ඒවා නොතකා හරින අවස්ථා වැඩියි. වැලමිට , පිටි අල්ල, දණහිස, ඇස් යට කහ පැහැ ලප කැලැල් මතුවෙනවානම්- වරින් වර ඇගේ තැනින් තැන හිරිවැටෙනවා නම්- සාමන්‍ය ප්‍රමාණයට වඩා දහදිදිය ගලනවානම් - ඇසේ කළු ඉංගිරියාව වටා සුදු පැහැ රවුමක් ඇති වෙනවානම් ඇගේ තැනින් තැන මේද ‍ගැටිති එනවා නම් ඒ "මේධවෘද්ධි" ලක්ෂණ විය යුතුයි. එසේම හෘදයේ සිට වම් අත දෙසට ගමන්කරන වේදනාව ද "මේධවෘද්ධි" ලක්ෂණයක්. මේ බාහිර ලක්ෂණ වලට අමතරව

    අක්මාව හා ප්ලීහාව විශාල වීමද සිදුවෙනවා. ඊට අමතරව කොලෙස්ටරෝල් නිසා හෘදයාබාධ, අධිරුධිර පීඩනය, ආඝාත තත්වයන් ඇතිවිය හැකියි. දැනටමත් දියවැඩියාවට හෝ වකුගඩු ආසාදනයකට ලක්වූ අයෙකුට කොලෙස්ටරෝල් අවධානම ඉතා වැඩියි.

    රෝගයේ මුල් මට්ටම් වලදි වගේම අවධානම් මට්ටමකදි වුණත් ආයුර්වේද ක්‍රමය ගැන විශ්වාසයෙන් ආයුර්වේද වෛද්‍යවරයෙකු ගාවට එන රෝගියෙකු සුවපත් කිරීමේ හැකියාවක් ඇති ප්‍රතිකාර විධි වලින් ආයුර්වේදය පොහොසත්. හැබැයි ආයුර්වේද ප්‍රතිකාර වලට යොමුවෙන රෝගියෙකු තමන්ගේ අවදානම් තත්වයෙන් ගැලවිලා නිට්ටාවට සුව වෙන තෙක් එක හිතින් ප්‍රතිකාර සමග බද්ධ වී සිටිය යුතුයි. ඒ ගැන වැඩි විස්තර දැන ගන්න වෙදහාමිනේගේ ලිපිය බලන්න.ආයුර්වේදයේ දී ප්‍රතිකාර කරන්නේ රෝග නිධානයට මිසෙක රෝග ලක්ෂණ වලට නෙවෙයි. රෝග නිධානය ඉවත් කරල නැවැත රෝගය මතුවීම අත්හිටුවීම වැලැක්වීම තමයි වෛද්‍යවරයාගේ වගකීම. කොලෙස්ටරෝල් වලදි පළමු බෙහෙත් වඩියෙන්ම රෝග පාලනය ආරම්භ කරල එතැන් ඉදල මාස දෙකක් තුළ රෝගියාව සාමාන්‍ය මට්ටමට ගේන්න ආයුර්වේද ක්‍රමයේ ප්‍රතිකාර වලින් පුළුවන්. ප්‍රතිකාර ගන්න බොහෝ දෙනා කරන වරදක් තමයි මෙන්න මේ අවස්ථාවෙදි ප්‍රතිකාර ගන්න එක නවත්තලා 'දැන් මට හොදයි' කියල ආයෙත් පරණ පුරුදු විදියට පාලනයකින් තොරව ආහාර අරන් - නිසි විහරණ පවත්වා නොගනිමින් අන්තනෝමතිකව කටයුතු කිරීම.ඒ නිසා වෙන්නේ නැවත වරක් සතියක් දෙකක් තුළ ප්‍රතිකාර ආරම්භ කරපු අවස්ථාවේ මට්ටමට රෝගය උත්සන්න වීම.අද නිදහස් වුණු ඔබ හෙට දවසෙ ආයෙත් ඒ අගාධයට වැටෙන්න සූදානම් නෑ නේද?

    එතැනදි ආයුර්වේදයටවත් වෛද්‍යවරයාටවත් දොස් කියල වැඩක් නෑ.තමන්ට ජීවිත කාලය පුරාවටම විදවන්න වෙන රෝගයකින් මිදිල සාමාන්‍ය මට්ටමට පත්වෙලා ජීවිතය විදින්න ලැබෙන අවස්ථාව අපතේ නොහැර
    තමන්ගේ ආහාර පාලනය කිරීම සහ නිසි විහරණ පිළිපැදීම තවත් මාස හය හතක් වත් කර ගත්තොත් කොලෙස්ටරෝල් තත්වය නිසා වෙහෙසට පත්ව අඩපණ වුණු අක්මාව ප්ලීහාව වගේ ඉන්ද්‍රියයන් නැවත යථා තත්වයට පත්වෙලා නිසි කියාකාරී මට්ටමට ගේන්න පුළුවන්. ඊළගට එම ආහාර පාලනය කිරීම සහ නිසි විහරණ පිළිපැදීම තවත් මාස හය හතක් කරගෙන යනකොට රෝගියාගේ වෛද්‍යවරයා සමග සාකච්ඡා කරල තරමක් ලිහිල් ඇවතුම් පැවතුම් රටාවකට ගියාට වරදක් වෙන එකක් නෑ.කොහොම වුණත් ප්‍රතිකාර නවත්වා වසර දෙකක් තුනක් යනකම් මාස දෙකකට වතාවක් වත් වෛද්‍ය පරීක්ෂණයකින් කොලෙස්ටරෝල් තත්වය මැනගෙන ඔබේ ආයුර්වේද වෛද්‍යවරයාවත් තත්වය පිළිබද දැනුවත් කරන්න.ඔබ ක්‍රමයෙන් නිරෝගී බවට පත්වෙන ක්‍රමාංකයන් දැන හදුනාගන්නා ඔහුත් ප්‍රතිකාර ලබාගන්නා විට ඔබගෙන් ලද මුදලින් ලැබුවාට වඩා සුන්දර නිරාමිස සතුටකින් සංතෘප්ත වේවි.

    කොලෙස්ටරෝල් වලදි භාවිතයට හිතකර හා අහිතකර ආහාර ගැන කතා කලොත් එහෙම මෙන්න මෙහෙමයි. මේ අහිතකර ආහාර භාවිතයට නොගැනීම හෝ අවමව භාවිතයට ගැනීම කොලෙස්ටරෝල් අවධානම නැති කෙනෙකුට එයින් මිදීමේ අවස්ථා ඇති කරාවි. අධිකව තෙල්,සීනි,පිටි වෙන වෙනම හෝ මිශ්‍රව සැකසූ ආහාර, ක්ෂණික ආහාර, එළුමස් , ඌරැ මස් හා හරක්මස්, මීකිරි හා යෝගට්, පොල්, රටකජු හා කජු, පීකුදු හා බිත්තර, චීස්, බටර් හා මාගරින්, බිත්තර එළගි තෙල් හා සෝස්, සොසේජස්, එළවළු තෙල් ආහාර අපත්‍ය ආහාර විදියට දක්වන්න පුළුවන්.

    පොල් හා පිරිසිදු පොල්තෙල් රෝගය වැළදුනු කෙනෙකුට අහිතකර වුණත් නොවැළදුනු කෙනෙකුට වැළදීමේ අවදානමක් ඇති කරන්නේ නෑ. පත්‍ය හෙවත් සුදුසු ආහාර විදියට ගන්න පුළුවන් දේවල් අතර නිවුඩු හිත තැම්බූ හාලේ බත්,අළුත් එළවළු හා පළතුරු, පලා වර්ග,කුඩා මාළු හා මේද රහිත කිරි,කුරහන් පිටි සහිත ආහාර, සූරියකාන්ත තෙල් හා පරළු පාන් ඉදිරියෙන්ම තියෙනවා.

    ඒවගේම ආහාර පිසීමේදි තිබුණොත් යොදන එහෙමත් නැත්නම් නොදාම ඉන්න කරපිංච නැට්ටට, ගොරොක් අණ්ඩට රුධිර නාලගත මේදය දියකර හැරීමේ අරුම පුදුම බලයක් තිබෙන බව අමතක කරන්න එපා. ඒ නිසාම ආහාර පිසීමේදි යොදාගන්නා කරපිංචා, සුදුලූණු, රතුළූනු , කුරුදුපොතු, උළුහාල් , කොත්තමල්ලි, ගොරකා වැඩිවැඩියෙන් යොදාගැනීමත් හොදයි. දිනකට සුදුලූණු, රතුළූනු ගෙඩි දෙක තුනක් අනිවාර්යයෙන් කෑමත්, කරපිංචා-ගොරකා-සුදුළූණු-ගම්මිරිස්-ලුණු කැටයක් පමණක් දැල අඹරපු ලුණු මිරිස් , කරපිංචා දළු සම්බෝලය,දෙහි ඇඹුල් දාපු තෙඹු කොළ සම්බෝලයක් දවස ගානේ මාරුවෙන් මාරුවට කෑමත් කොලෙස්ටරෝල් පලවාහැරීමට කියාපු අත්බේත්. වෙල් තම්පලා. මෑ කොළ, දඹල කොළ, ජපන් බටු කොළ(සමහර පැතිවල ආඩිබටු) මැල්ලුමට එකතු කිරීමත් හැදුනු නොහැදුනු දෙගොල්ලටම හොදයි.

    ඒ අතරම ශරීරයේ කොලෙස්ටරෝල් මට්ටම ක්ෂණිකව අඩු කරගන්න ඕන නම් කලින් සකසා ගත් වියළූ නැටි සහිත කරපිංචා කොල කුඩුකර කෝපි මෙන් බීමත්, බත් සමග ගිරිතිල්ල කොල සම්බෝලය කෑමත් අත්දුටුවයි සත්‍යයයි. පාවට්ටා කොල වියලා කුඩුකර කෝපි මෙන් බීමත්, සතියකට වරක් වෙනිවැල්ගැට තම්බා බීමත් ඔබව අවධානමෙන් ගලවා තබා ගැනීමට අත්බේත් කරගන්න පුළුවන්. දිනපතා පැය දෙකක් වත් දහදිය දමන කය වෙහෙසෙන වැඩක යෙදීමත් , සක්‍රීය හා අක්‍රීය දුම්පානයෙන් මිදීමත් ,මත්පැනින් ඈත්වීමත් කොලෙස්ටරෝල් අවදානම ඔබෙන් පලවාහැරීමට මහත් සේ උපකාරී වේවි.ඊට අමතරව කොලෙස්ටරෝල් නිසා හෘදයාබාධ, අධිරුධිර පීඩනය, ආඝාත තත්වයන් ඇතිවිය හැකියි. දැනටමත් දියවැඩියාවට හෝ වකුගඩු ආසාදනයකට ලක්වූ අයෙකුට කොලෙස්ටරෝල් අවධානම ඉතා වැඩියි.කාන්තා පාර්ශවයට වයස 40න් පමණ සිදුවන ඔසප් නැවතීමෙන් පසු කොලෙස්ටරෝල් මට්ටම ඉහල යාමේ අවධානමක් පවතින බව දැනුවත් වීමත් හොදයි.

    කරුණු කාරණා ගොඩක් වගේ වුණාට මේවා බොහොම සරල, සම්ප්‍රදායික, දෛනික ක්‍රමවේදයන්ට පහසුවෙන් අන්තර්ගත කළ හැකි ප්‍රායෝගික ක්‍රියාකාරකම් එකතුවක්. ඔබට කොලෙස්ටරෝල් වලින් මිදීමට ආයුර්වේද ප්‍රතිකාර අවශ්‍ය නම් සුදුසුකම් ලත් ආයුර්වේද වෛද්‍යවරයෙකු වෙත යොමුවෙන්න.ඒ සදහා මගපෙන්විමක් අවශ්‍ය නම් වෙදහාමිනේට ඊ ලිපියක් එවන්න.නිරෝගි වන්න. මොහොතින් මොහොත අළුත්වෙන ලෝකය දකින්න තව එක දවසක් හරි වැඩිපුර ජීවත් වෙන්න උත්සහ කරන්න. සම්ප්‍රදාය රැකීම මිසෙක සම්ප්‍රදාය බිදීම ජීවිතයට පාර නොකියන බව තෙරුම් ගන්න. ජීවිතය විදින්න. සොබාදහම සමග මිස එය අභිබවා නොයන්න.
    Email - [email protected]
     

    sirajstc

    Well-known member
  • Apr 2, 2008
    59,211
    1,621
    113
    ~*~CeYLoN..~*~
    කොලෙස්‌ටරෝල්... අද සමාජය තුළ බහුලව අසන්න ලැබෙන සහ කතා කරන මාතෘකාවක්‌. ඇත්තටම මොකක්‌ද මේ කොලෙස්‌ටරෝල් කියන්නේ. බොහෝ අය පවසන්නේ ඔවුන්ට කොලෙස්‌ටරෝල් වැඩියි කියාය. නමුත් බොහෝ දෙනා නොදන්නා කාරණය වන්නේ කොලෙස්‌ටරෝල්වලින් සිදුවන හානිය සහ එය අවම කරගැනීමට ගත යුතු ක්‍රියාමාර්ග පිළිබඳවයි.

    කොලෙස්‌ටරෝල් යනු අපගේ ශරීරයේ දෛනික ක්‍රියාවලියට අත්‍යවශ්‍ය මේද වර්ගයකි. කොලෙස්‌ටරෝල් වර්ග දෙකක්‌ තිබේ. එනම්, LDL හෙවත් Low- density lipids සහ HDL හෙවත් High- density lipids වේ. මෙයට අමතරව මිනිස්‌ ශරීරයේ රුධිරය තුළ ට්‍රයිග්ලිසරයිඩ් ලෙස හඳුන්වන සාමාන්‍ය මේද කොටස්‌ ද වේ. මෙයින් වඩාත් හානිකර වන්නේ LDL ලෙස හඳුන්වන කොලෙස්‌ටරෝල් වර්ගයයි. ශරීරයට පිටතින් කොලෙස්‌ටරෝල් ලැබෙන්නේ ආහාරවලින් වන අතර කොලෙස්‌ටරෝල් ශරීරයේ ඇතුළත ද නිෂ්පාදනය වේ. කොලෙස්‌ටරෝල්වලට සම්බන්ධ ජානයක්‌ මිනිස්‌ සිරුරේ ඇත. කොලෙස්‌ටරෝල් වැඩිවීම බොහෝ විට සිදුවන්නේ පරම්පරාවෙනි.

    මීළඟට අපි කොලෙස්‌ටරෝල්වලින් හානිවන්නේ කෙසේ ද කියා කතා කරමු. අපේ ශරීරයේ රුධිර නාල පද්ධතියේ ඇතුළත මුහුණත ඉතා සියුම් ය. රුධිර නාල ඇතුළත බිත්තියේ කොලෙස්‌ටරෝල් තැන්පත් වීම නිසා කුහරය සිහින් වීමකට ලක්‌ වේ. රුධිරයේ කොලෙස්‌ටරෝල් වැඩි වූ පමණින්ම මෙසේ කොලෙස්‌ටරෝල් රුධිර නාලවල තැන්පත්වීමක්‌ සිදුනොවේ. ඒ සඳහා බලපාන වෙනත් සාධක වෛද්‍ය විද්‍යාව තුළ හඳුනාගෙන ඇත.

    1. දියවැඩියාව

    2. දුම්බීම

    3. අධික රුධිර පීඩනය

    4. උදාසීන වූ ජීවන රටාව

    මේ අතරින් ප්‍රධාන තැනක්‌ ගනී. විශේෂයෙන් දුම්බීම නිසා රුධිරනාලවල ඇතුළත බිත්තියේ පළුඳුවීම් සහ තුවාලවීම් සිදුවේ. දියවැඩියාව නිසා රුධිරනාලවල බිත්තියේ සංයුතිය වෙනස්‌වීම ඇන්ජියෝපැති (Angiopathy) ලෙස හඳුන්වන තත්ත්වය ඇතිවේ. අධික රුධිර පීඩනය නිසාද රුධිරනාලවල ඇතුළත ස්‌ථරය පිපිරීමකට ලක්‌වේ. මෙවැනි අවස්‌ථාවල රුධිරයේ කොලෙස්‌ටරෝල් මට්‌ටම ඉහළ නම් ඉතා ඉක්‌මනින් එම කොලෙස්‌ටරෝල් මෙම රුධිරවාහිනී බිත්ති තුළ තැන්පත් වී රුධිරවාහිනී කුහරය කුඩා කරන අතරම රුධිරවාහිනී බිත්තියේ ඇදෙන සුළු ගතිය (ඉලාස්‌ටික්‌ ගතිය) අඩු කරයි. මේ නිසා වාහිනී තුළ රුධිර පීඩනය (අධික රුධිර පීඩනය) වැඩිවේ. මෙසේ කුහර සිහින් වූ වාහිනී තුළින් රුධිරය සෙමින් ගමන් කිරීමේදී රුධිර කැටියක්‌ සිරවීම නිසා එම රුධිරය ගමන් කරන අදාල අවයවයේ කොටසකට රුධිර සැපයීම නැතිවීම හේතුවෙන් විවිධ හදිසි තත්ත්වයන්ට ගොදුරු වේ. හෘද වස්‌තුවේ නම් පපුවේ අමාරුව, මොළයට නම් අංශභාගය (ආඝාතය), ඇස්‌පෙනීම අඩුවීම, වකුගඩු නරක්‌වීම, කකුල්වල ඇඟිලි කළුවී මැරීයාම වැනි තත්ත්වයන් ඇතිවීම බහුල වේ.

    දැන් ඔබට වැටහෙනවා ඇති රුධිරයේ කොලෙස්‌ටරෝල් පාලනය, දියවැඩියාව පාලනය, අධික රුධිර පීඩන තත්aත්වය වැනි බෝ නොවන රෝග තත්ත්වයන් සඳහා නොවරදවාම ඖෂධ පාවිච්චි කිරීම කොතෙක්‌ දුරට වැදගත් ද කියා. එසේම දුම්බීමෙන් වැළකීම, දෛනිකව ව්‍යායාම කිරීම ඉතා වැදගත් වේ. මෙම සියලු කාරණා ඔබ සම්පූර්ණ කළ ද වයස අවුරුදු 35 න් පසුව වසරකට දෙවතාවක්‌ හෝ රුධිරයේ කොලෙස්‌ටරෝල් මට්‌ටම පරික්‍ෂා කර බැලීම ඉතා වැදගත් වේ.

    විශේෂයෙන්ම තම පවුලේ මවට හෝ පියාට රුධිරයේ කොලෙස්‌ටරෝල් මට්‌ටම ඉහළ අගයක තිබුණේ නම් ඔබ ඔබගේ සෞඛ්‍ය තත්තවය පිළිබඳව වඩාත් අවධානය යොමුකළ යුතුය. කොලෙස්‌ටරෝල් පාලනය ආහාර පාලනය මගින් පමණක්‌ සිදුකළ නොහැකි අතර අනිවාර්යෙන්ම වෛද්‍යවරයෙකු වෙත ගොස්‌ රුධිරයේ කොලෙස්‌ටරෝල් මට්‌ටම පරික්‍ෂා කර බලා ඒ අනුව කටයුතු කිරීම සහ ඖෂධ ලබාගැනීම වැදගත් වේ.

    කොලෙස්‌ටරෝල් පරීක්‍ෂා කරන වාර්තාව (Lipid Profile) වෙත අවධානය යොමුකර ඒ අනුව ඖෂධ පාවිච්චියට යොමුවීම, ආහාර මගින් කොලෙස්‌ටරෝල් පාලනය කළ යුතු අන්දම අපි ලබන සතියේ කතා කරමු.


    ජ්‍යෙෂ්ඨ නේවාසික වෛද්‍ය
    එන්.එස්‌.ඒ. සේනාරත්න
    විකලාංග අංශය - ජාතික රෝහල

    හරින්දී ලියනගේ
     

    sirajstc

    Well-known member
  • Apr 2, 2008
    59,211
    1,621
    113
    ~*~CeYLoN..~*~
    යහපත් කොලෙස්‌ටරෝල් මට්‌ටම වැඩි කර ගන්නේ &#3482

    යහපත් කොලෙස්‌ටරෝල් මට්‌ටම වැඩි කර ගන්නේ කෙසේද?

    1. ජීවන රටාව වෙනස්‌ කිරීම

    ව්‍යායාම -

    කඩිසර ගමනින් ඇවිදීම, බයිසිකල් පැදීම, පිහිනීම, වැනි ව්‍යායාමයන්හි නිරතවීමෙන්, ව්‍යායාමයෙන් තොර නිරෝගී පුද්ගලයන්ගේ යහපත් කොලෙස්‌ටරෝල් මට්‌ටම වැඩි කර ගත හැකිය. මෙම වර්ධනය, අඩු හිතකර කොලෙස්‌ටරෝල් මට්‌ටම් හා වැඩි ටි්‍රග්ලිසෙරයිඩ් ප්‍රමාණයන්ගෙන් සහ තරබාරු පුද්ගලයන් සම්බන්ධයෙන් වැඩිය. යහපත් කොලෙස්‌ටරෝල් මට්‌ටම වැඩිවීම සඳහා බර අඩු කර ගැනීම ඉතා වැදගත්ය. මේ සඳහා සතියකට දින පහක්‌වත් දිනකට විනාඩි 30 සිට 45 දක්‌වා වන කාලයක්‌ මෙම ව්‍යායාමයන්හි නිරත විය යුතුය.

    දුම් පානය නතර කිරීම -

    දුම්පානය කරන්නන් අඩු හිතකර කොලෙස්‌ටරෝල් මට්‌ටම්වලින් යුත් අය වන අතර, මෙය ඔවුන් වැඩි දෙනෙක්‌a හෘදයාබාධයන්ට ගොදුරුවීමට මං සලසන එක්‌ හේතුවක්‌ ලෙස සැලකේ. දුම්පානය නතර කළ විට හිතකර කොලෙස්‌ටරෝල් මට්‌ටම සැලකිය යුතු අන්දමින් වැඩි වේ.

    බර පාලනය කිරීම

    අඩු යහපත් කොලෙස්‌ටරෝල් මට්‌ටම් හා වැඩි ටි්‍රග්ලිසෙරයිඩ් ප්‍රමාණයන් සහ තරබාරුව අතර සම්බන්ධතාවක්‌ පවතී. බරෙන් වැඩි හෝ තරබාරු පුද්ගලයන් සඳහා සාධාරණ බර අඩු කරගැනීමේ ඉලක්‌කයක්‌ නම්, සතියකට රාත්තලකින් (0.45 කි. ග්‍රෑම්) බර අඩු කර ගැනීමට හා 25 ට අඩු ශරීර ස්‌කන්ද දර්ශකයක්‌ ඊගඵගෂග පවත්වා ගැනීමය.

    මද්‍යසාර භාවිතය

    වර්ගය කුමක්‌ වුවත් මධ්‍යස්‌ථ වශයෙන් මත්පැන් පානයෙන් (දිනකට ග්‍රෑම් 3 ක්‌ හෝ අවුන්සයක්‌) යහපත් කොලෙස්‌ටරෝල් මට්‌ටම ඩෙසි ලීටරයකට මිලි ග්‍රෑම් 4 කින් පමණ වැඩිවේ. රතු වයින් අනෙකුත් මත්පැන් වර්ග වලට වඩා උසස්‌ යෑයි සනාථ කිරීමට ප්‍රමාණවත් විද්‍යාත්මක සාක්‍ෂි ලැබී නැත. යහපත් කොලෙස්‌ටරෝල් මට්‌ටම අඩු තැනැත්තන් සුළු මත්පැන් ප්‍රමාණයක්‌ පානය කිරීමේ වරදක්‌ දැකිය නොහැකිය.

    අප රටේ හදවත් රෝගීන්ට මත්පැන් ස්‌වල්පයක්‌ ගන්නා ලෙස උපදෙස්‌ දීමේදී වෛද්‍යවරු බෙහෙවින් පරීක්‍ෂාකාරී විය යුතුය. ඒ මන්ද යත් මේ රෝගීන් සැලකිය යුතු සංඛ්‍යාවක්‌, මත්පැන්වලට ඇබ්බැහිවීමට හා සිරෝසීස්‌ වැනි රෝගාබාධයන්ට ගොදුරුවීමට බොහෝදුරට ඉඩ ඇති හෙයිනි.

    මේදමය ආහාර ගැනීම

    ගන්නා මේදමය ආහාර ප්‍රමාණය අඩු කිරීමෙන් හිතකර මෙන්ම අහිතකර කොලෙස්‌ටරෝල් මට්‌ටම අඩු වේ. ඔමෙගා 3 මේද අම්ලයන් හා ඒක අසංතෘප්ත මේද monounsaturated rats අඩංගු ඔලිව් තෙල්, කැනොලා තෙල්, සෝයා තෙල්, කජු, රටකජු, රට කොට්‌ටන් ආදී ගෙඩි වර්ග හා සැමන්, කුම්බලාවන් ආදී මසුන්ද, ඉස්‌සන්, කකුළුවන්, පොකිරිස්‌සන් ආදී කබලු මත්ස්‍යයන් ද ආහාරයට ගැනීමෙන්, හිතකර කොලෙස්‌ටරෝල් මට්‌ටම වැඩිවී, අහිතකර කොලෙස්‌ටරෝල් මට්‌ටම අඩු වේ. කොලෙස්‌ටරෝල් මට්‌ටම වැඩි රෝගීන්ට කබලු මත්ස්‍යයන් ආහාරයට නොගන්නා ලෙස අතීතයේදී උපදෙස්‌ දුන්නද, හිතකර කොලෙස්‌ටරෝල් මට්‌ටම අඩු රෝගීන් ඉස්‌සන්, කකුළුවන් හා පොකිරිස්‌සන් ආදිය මධ්‍යස්‌ථ වශයෙන් ආහාරයට ගැනීම හිතකර බව අලුත්ම පර්යේෂණයන්ගෙන් පෙන්වාදී තිබේ.

    ඖෂධ භාවිතය

    යහපත් කොලෙස්‌ටරෝල් මට්‌ටම වැඩි කරන ඖෂධ ගණනාවක්‌ම තිබේ. මේවාට නියසින් Niacin µයිබ්‍රේට්‌ස්‌ Fibrates සහ ස්‌ටැටින්ස්‌ Statins ආදිය අයත් වේ. මේ ඖෂධ මගින් මස්‌තු ටි්‍රග්ලිසෙරයිඩ් මට්‌ටම් ද අඩු කරයි.

    හිතකර කොලෙස්‌ටරෝල් මට්‌ටම වැඩි කිරීම සඳහා වඩාත් ඵලදායී ඖෂධය නියසින් ලෙස සැලකේ.

    ෆයිබ්‍රේට්‌ස්‌ Fibrates

    ජෙම්ෆිබ්‍රොසිල් gemfibrozil සහ ෆොනොµsබේට්‌ fenofibrate වැනි ෆයිබ්‍රේට්‌ස්‌ මගින් හිතකර කොලෙස්‌ටරෝල් මට්‌ටම් වැඩි කර ටි්‍රග්ලිසෙරයිඩ් මට්‌ටම අඩු කරයි. ටි්‍රග්ලිසෙරයිඩ් මට්‌ටම වැඩිවීමද හදවත් රෝග හට ගැනීමට තුඩු දෙන එක්‌ හේතුවකි. ෆයිබ්‍රේට්‌ස්‌ මගින් හෘදයාබාධ, ආඝාත හා අනෙකුත් හදවත් රෝග හට ගැනීම වළක්‌වාලයි.

    ස්‌ටැටින්

    අහිතකර කොලෙස්‌ටරෝල් මට්‌ටම අඩු කිරීම සඳහා වෛද්‍යවරු නිර්දේශ කරන ලොවැස්‌ටටින් Lovastatin, සිම්වැස්‌ටටින් Simvastatin, ඇටොර්වැස්‌ටටින් atorvastatin සහ රොසුවැස්‌ටටින් rosuvastatin ආදී ඖෂධ මගින් හිතකර කොලෙස්‌ටරෝල් මට්‌ටමද මද වශයෙන් වැඩි කරයි. හිතකර කොලෙස්‌ටරෝල් මට්‌ටමද මද වශයෙන් වැඩි කරයි. හිතකර කොලෙස්‌ටරෝල් මට්‌ටම බෙහෙවින් අඩු රෝගීන්ට සමහර වෛද්‍යවරු විසින් සිම්වැස්‌ටටින් ඖෂධය නියසින් හෝ µයිබ්‍රේට්‌ස්‌ සමග එක්‌ව ගැනීමට නිර්දේශ කරති.

    හිතකර කොලෙස්‌ටරෝල් මට්‌ටම අඩුවීම, හෘදයාබාධ, ඇන්ජයිනා හා ආඝාත වැනි හෘත්සනාළ ආබාධ cardiovascular හට ගැනීමට තුඩු දෙන වැදගත් සාධකයකි. ප්‍රථමයෙන් ජීවන රටාවේ වෙනස්‌කම් කර බලා, ඉන්පසුව ඖෂධ ප්‍රතිකාර කළ යුත්තේ වැඩි අවදානම් තත්ත්වයේ පසුවෙන රෝගීන් සම්බන්ධයෙන් පමණි. අධික ලිපිඩ මට්‌ටම්වලින් යුත් රෝගීන්ට ප්‍රතිකාර කිරීමේදී ප්‍රථමයෙන් අහිතකර කොලෙස්‌ටරෝල් මට්‌ටම් අඩු කිරීමට උත්සාහ ගෙන, හිතකර කොලෙස්‌ටරෝල් මට්‌ටමේ වැඩිවීමක්‌ සිදු නොවුන හොත්, µයිබ්‍රේට්‌ස්‌ සහ ස්‌ටැටින් ඖෂධ දීම කෙරේ අවධානය යොමු කළ යුතුය. මේ ඖෂධවල අතුරු ප්‍රතිඵල වශයෙන් පේශීSන්ට හා අක්‌මාවට හානි සිදුවිය හැකිය.

    හිතකර කොලෙස්‌ටරෝල් මට්‌ටම අඩු රෝගීන්ට, ඔලිව්, සෝයා හා කැනෝලා ආදී තෙල් වර්ග, කජු හා රටකජු, අලි ගැට පේර, සැමන් හා කුම්බලාවා වැනි මසුන් ආහාරයට ගන්නා ලෙස නිර්දේශ කෙරේ.

    මත්පැන්වලට ඇබ්බැහිවීමේ ජාන ශ්‍රී ලාංකිකයන් තුළ වැඩි හෙයින්, රෝගීන්ට මත්පැන් ස්‌වල්පයක්‌ ගන්නා ලෙස නිර්දේශ කිරීමේදී, වෛද්‍යවරු බෙහෙවින් සැලකිලිමත් විය යුතුය. මෙම රෝගීන් වැඩිදෙනෙක්‌ තමන් ගන්නා මත්පැන් ප්‍රමාණය ක්‍රමයෙන් වැඩි කරන හෙයින්, ඔවුන් ඒවාට ඇබ්බැහිවීමට හෝ අක්‌මා සිරෝසියාව hepatic cirrhosis වැනි රෝගයන්ට ගොදුරුවීමට හෝ බොහෝදුරට ඉඩ තිබේ.

    හෘද රෝග විශේෂඥ
    වෛද්‍ය ඩී. පී. අතුකෝරළ
     

    RaZor_911

    Well-known member
  • Jul 14, 2011
    13,367
    1
    2,947
    113
    Unknown
    කාලී පෝස්ට් එකක්:yes:,සැහෙන්න වැදගත්:rolleyes:,රෙප් දෙන්න බැලු:(,දෙන්න පුළුවන් වුන ගමන් දෙන්නම්.
    11.gif