වවුනියාවේ කාන්තා සංවිධාන කීපයක් එක්ව කාන්තාවන්ගේ නිරුවත හා අඩ නිරුවත ප්රදර්ශනය වීම් වළක්වන ලෙස ඉල්ලමින් විරෝධතා පා ගමනක නිරත වූහ.
තරුණියන් සිය අඩ නිරුවත ප්රදර්ශනය වන අයුරින් කොට ගවුම් ආදී ඇඳුම් අඳිනා බවත් එය වහාම වැළැක්විය යුතු බව කියමින් මෙම කාන්තා සංවිධාන උද්ඝෝෂණයේ නිරතව තිබේ.
වවුනියාව නගර සභා ක්රීඩාංගණය ඉදිරිපිටින් ආරම්භ වූ මේ විරෝධතා පෙළපාලිය වවුනියාව නියෝජ්ය පොලිස්පති කාර්යාලය දක්වා ගමන්කොට එහිදී නියෝජ්ය පොලිස්පති අනුර අබේවික්රම මහතාට කාන්තා සංවිධාන විසින් විශේෂ සන්දේශයක් පිළිගන්වන ලදී.
මේ සංදේශයේ සඳහන්ව ඇත්තේ මහමඟ ගමන් කරන කාන්තාවන් හා තරුණියන් ඔවුන්ගේ නිරුවත ප්රදර්ශනය වන ආකාරයට ඇඳුම් ඇඳීම නවතාලීමටත් රූපවාහිනිය හා සමාජ මාධ්ය ජාලා ඔස්සේ සිදුවන එවැනි ප්රදර්ශනය කිරීම් නවතාලීමටත් පොලිසිය පියවර ගත යුතුව ඇති බවයි.
උතුරේ තරුණියන් උපකාරක පන්තිවලට යැමේදී පමණක් නොව කෝවිල් ඇතුළු සිද්ධස්ථානවලට යාමේදීත් අඩ නිරුවත් ඇඳුම් ඇඳීම විලාසිතාවක් කරගෙන ඇති බව පෙන්වා දෙන වවුනියාවේ කාන්තා සංවිධාන මේ තත්ත්වය නිසා කාන්තාවන් ලිංගික හිංසනයන්ට ගොදුරු වීම වැඩි වී ඇතැයිද නියෝජ්ය පොලිස්පතිවරයාට බාර දුන් ලිපියේ සඳහන් කොට තිබේ.
ලිපිය භාරගත් නියෝජ්ය පොලිස්පතිවරයා මේ සම්බන්ධයෙන් ඉතා කඩිනමින් පියවර ගන්නා බවට කාන්තා සංවිධානවලට පොරොන්දු වී තිබේ.
