ලංකාවේ ප්රධාන මුද්රිත සහ විද්යුත් මාධ්ය මෙන්ම සමාජ මාධ්ය ජාලා ඔස්සේ තමන් සහ තම ව්යාපාර පිළිබඳව විවිධ කෝණවලින් අදහස් ප්රකාශකරමින් සාකච්ඡා කළ බවත්, සමහර අවස්ථාවලදී කරුණු අතිශයෝක්තියෙන් වාර්තා කළත් ඔන්ලයින් පනත වැනි ජනතාවගේ නිදහස සීමාකරන අනපනත් ගෙන ඒම පිළිබඳව
තමාට කිසිදු සතුටක් නොමැති බවත් තිකෝ සමූහ ව්යාපාරයේ හිමිකාරිනිය තිලිනි ප්රියමාලී මහත්මිය පැවසුවාය.
ඇය මෙම අදහස් පළ කළේ අපරාධ පරීක්ෂණ දෙපාර්තමේන්තුව මගින් රුපියල් ලක්ෂ 141ක මුදල් ගනුදෙනුවක් සම්බන්ධයෙන් මීගමුව මහේස්ත්රාත් අධිකරණයෙහි පැවති නඩුවකට පෙනී සිටීමෙන් අනතුරුව මාධ්ය වෙත අදහස් පළකරමිනි.
මෙම නඩුව පිළිබඳව අපරාධ පරීක්ෂණ දෙපාර්තමේන්තුව නීතිපති දෙපාර්තමේන්තුවෙන් උපදෙස් පතා තිබූ අතර නීතිපති දෙපාර්තමේන්තුව ප්රමාණවත් සාක්ෂි නොමැති නිසා මෙම නඩුව පවරා පවත්වාගෙන යාමේ හැකියාවක් නොමැති බව ගරු අධිකරණය වෙත දැනුම් දී තිබූ බවත්, ඒ අනුව මීගමුව ප්රධාන මහේස්ත්රාත්වරයා විසින් තම සේවාදායිකාව නිදොස්කර නිදහස් කළ බවත් නීතිඥ උමේෂා සේනාධීර මහත්මිය පැවසුවාය.
