දේශබන්දු ගුටිකෑ කතාව
5/10/2022 08:01:00 PM
ඊයේ ගෝඨාගෝගම විරෝධතාකරුවන්ට ප්රහාර සදහා පිරිස් පැමිණීමේදී ඔවුන්ට රිසිසේ එන්නට ඉඩහැර ප්රචණ්ඩත්වයට ඉඩ සැලසූ බවට චෝදනා එල්ලවන
නියෝජ්ය පොලිස්පති දේශබන්දු තෙන්නකෝන් මහතාට අද සවස කොළඹ පෙරහර මාවතේදී අතින් පයින් පහරදීමක් හා ගල් ප්රහාරයක් එල්ල වී තුවාල ලබා ඇතැයි පොලිසිය කියයි.
යුද හමුදාව වහාම ක්රියාත්මක වී අහසට වෙඩි තබා නියෝජ්ය පොලිස්පතිවරයා බේරාගෙන පොලිස් රෝහලට ඇතුළත් කළ බවද දැක්වේ. මේ සම්බන්ධ වීඩියෝවක්ද සමාජ මාධය තුළ හුවමාරුවේ.
කොළඹ ගංගාරාම විහාරස්ථානය අසල දී පෙරහැර මාවතේ මෙම පහරදීම සිදුවී ඇත.
පහර දෙන පිරිසගෙන් බේරීම සඳහා ජ්යේෂ්ඨ නියෝජ්ය පොලිස්පතිවරයා දිව යන අයුරක් හා ඉන් පසුව තත්ත්වය පාලනය කිරීම සඳහා පොලිසිය අහසට වෙඩි තබා ඇති බව වීඩියෝවේ දැක්වේ.
නියෝජ්ය පොලිස්පතිවරයා ඊයේ දිනයේදී ගෝල් ෆෙස් වෙත එල්ල වූ ප්රහාරයේදී ඒ සඳහා පැමිණි හිටපු රාජ්ය අමාත්ය සනත් නිශාන්ත මහතා සමග සිටින ඡායාරූපයක් ද ප්රසිද්ධවූ අතර ඔහු වක්රාකාරයෙන් අරගල විරෝධීන්ට සහය පළ කළ බවට චෝදනා එල්ල විය.
සවස වාර්තාවූයේ මෙම සිදුවීම සම්බන්ධයෙන් පුද්ගලයින් දෙන්නෙකු අත්අඩංගුවට ගත් බවයි.
මෙම සිදුවීම සිදුවන්නේ රටපුරා ඇදිරි නීතිය පනවා ඇති වේලාවකය. එවන් අවස්ථාවක නියෝජ්ය පොලිස්පතිවරයා තනිව සිවිල් ඇදුමින් ගමන් කිරීමද විරල සිදුවීමකි. පහරදීම ඉතා පැහැදිලිව වීඩියෝගතවීමත් ඒ සමගම පිටුපසින් එන පොලිස් නිලධාරීන් අහසට වෙඩි තබන අයුරු වීඩියෝගතවීමත් එක්තරා නාටකීය ස්වරූපයක් දිස්වේ.
