වෛද්යවරයෙකුට පහරදීමේ චෝදනාව මත COVID19 ප්රතිකාර කිරීම සඳහා දේශීය පැණියක් නිෂ්පාදනය කළ ධම්මික බණ්ඩාර අත්අඩංගුවට ගැනීම සඳහා පොලීසිය පරීක්ෂණයක් ආරම්භ කර තිබෙනවා. කෑගල්ලේ පිහිටි සිය නිවසට ගිය අවස්ථාවේදී ධම්මික බණ්ඩාර තමාට පහර දුන් බවට වෛද්යවරයෙක් පේරාදෙණිය පොලිසියට පැමිණිලි කර තිබෙනවා. පේරාදෙණිය රෝහලේ සේවය කරන වෛද්යවරයා සතියකට පමණ පෙර ධම්මික බණ්ඩාර මුණගැසීමට ඔහුගේ නිවසට ගොස් තිබෙනවා. බහින් බස්වීමක් දුරදිග යාමෙන් පසු වෛද්යවරයා සහ ඔහු සමඟ ගිය අනෙක් අයට ධම්මික බණ්ඩාර සහ ඔහුගේ සහායකයින් විසින් පහර දුන් බවයි චෝදනා එල්ල වී ඇත්තේ.
