අපි බුද්ධ දේශනා අහල අහලා, කරුණු ඉගෙන අරන්, බුදුහාමුදුරුවොන්ව හිස්මුදුනින්ම පිළිඅරන්, බුදු උපදෙස් අනුවම කටයුතු කරලා, සැහෙන කාලයක් ඒ වෙනුවෙන්ම කැපවෙලා, වීර්ය කරලා කරලා දැන් ඉතින් කරන්න තියන සේරම කරලා ඉවරකරගෙන බොහොම නිදහසේ, සැනසිල්ලේ ඉන්නවා! කාට උනත් ගොඩ යනවනම් ගොඩයන්න තියෙන්නේ ඔය පාරෙන් විතරමයි!!! දැනගත්තු කාලේ ඉඳලම හැමෝටම මේවා කියන එක කරගෙන ආව! දැන් දැන් අනාගතයත් ලොකු ප්රශ්නාර්ථයක් වේගන එන බව තේරුණු හන්ද තව තවත් බරපතල කරලම 'සත්ය' කියන්න ගත්ත... හොම්බට ඇන ඇනමත් කියන්න ගත්ත... ඒත් හුඟක්ම ඉන්නේ බකපණ්ඩිත, මොට්ට පොරවල්! උන්ට කොච්චර කිව්වත් තේරෙන්නේ නැහැ!! හැබැයි අහිංසක, නිහතමානී උදවිය එක්කෙනා දෙන්නත් ඉඳල හිටලා මුණගැහෙනවා... (මෙහෙම net එකට බැහැපු එකෙනුත් තව එක්කෙනෙක් දෙන්නෙක් හරි ප්රයෝජනයක් ගනීවි කියලත් විශ්වාස කරනවා!) අන්න එහෙම නිහතමානී, අහිංසක, කියනදේ අහන, පිළිගන්න, කල්පණා කරන්න හැකියාව තියන උදවිය මුණගැහුනම, උන්ව නම් 'හදන්න' පුළුවන් ආයේ කවදාවත් ආපස්සට නොවැටෙන්න!! හීනෙකින්වත් හිතුව, හිතාගෙන හිටිය දෙයක් නෙවෙයි... ඒත් අන්තිමේ මාත් මේ මතෘකාවේදී, battery charger එකක් වගේ උනා! battery එක හොඳ නම්, attach කරලා තියන්න තියන්න tip top එකට charge වෙනවා!! දැනටත් ගොඩදෙනෙක් වෙනුවෙන් සැහෙන උපකාරයක් වෙන්න ලැබුණ... ඒ ගැන සතුටුයි!!
ඒත් කොච්චර කලත් හිතට හරි නැහැ... මේ ජීවිත කාලයේදී ආශ්රය කරන්න ලැබුණු, උපකාර උන අයගෙනුත් කීයෙන් කී දෙනාටද මේ ධර්මය හරියටම දැනගන්න අවස්ථාව ලැබිල තියෙන්නේ... ළඟ ඉන්න, ආශ්රය කරන්න ලැබෙන හැමෝටම වගේ නම් අපිම කියල, පොත් පත්, CDs ගිහින් දීල සැහෙන දේවල් කරලා තියෙන්නේ. එච්චර කරලත් පලක් ප්රයෝජනයක් නොගත්ත උදවිය ගැන නම් කතාකරන්න දෙයක් නැහැ!! ඒත් මෙහෙම internet, computers පහසුකම් නැති උදවියට නම් පව්! අපිට whole sale එකේ බුද්ධ දේශනා අහන්න, කියවන්න, මේ වගේ දේවල් වලින් අනික් අයට අදහස් ප්රකාශ කරන්න, සේරටම ඉඩකඩ ලැබුණේ ඒවා තිබිච්ච හන්දමයි. ඒ පහසුකම් මොකුත්ම නැති අය අතරෙත් අහිංසක, නිහතමානී, ධර්මය අවබෝධකරන්න පුළුවන් කම තියන අය ඉඳල අවස්ථාවක් නොලැබී ගියොත් පව්!! ඒ හන්ද ඔයාලත් දන්න දන්න හැමෝටම විස්තර කියන්න. සංසාර ගමනේ භයානක කම හැමෝටම එකම විදියට බලපාන එකක් නේ... අපිට කවුරුහරි කෙනෙක් වෙනුවෙන් කරන්න පුළුවන් වටිනාම, වඩාත් ප්රයෝජනවත්ම උපකාරය ඒ කෙනාට ධර්මය දකින්න, ධර්මය අවබෝධ කරන්න උපකාර කරන එකම තමයි!!
