මම ගිය අවුරුද්දෙ ලංකාවට ගියාම, අඳුනන කට්ටියක් එක්ක ලංකාවේ ප්රසිද්ධ දේවාලෙකට(දේවාලෙ නම කියන එක හරි නෑනෙ.)යන්න උනා.
දේවාලෙ ඇතුලට ගියාම හැමතැනම බෝඩ් ගහල තියනව "ආරූඪ වී නැටීම සපුරා තහනම්" කියල. මම ඒ ඇතුලෙ හිටපු දේවාලෙ කෙනෙක්ගෙන් ඇහුව ඇයි එහෙම ගහල තියෙන්නෙ කියල.
මොකද පොතේ හැටියට දේවාලෙට එන ඕන බැතිමතෙකුට දෙවියෝ ආරූඪ වෙන්න පුලුවන්නෙ?
මනුස්සය කිව්ව " ඔය මේ ගෑනු මිනිස්සු ඇවිත් බොරුවට රෙදි කඩන් දඟලවනේ, එකයි", කියල.
මමත් ඉතින් " ආ, එහෙමද?" කියල වැඩිය මොනවත් කියන්නෙ නැතුව, හිනාවත් තද කරගෙන, එලියට ගියා මාත් එක්ක ගිය කට්ටියට කරගන්න ඕන දේවල් කරගෙන එන්න කියල. මොකද පන්සල එහා පැත්තෙ තියෙද්දී, කපුවට දෙකට නැමී නැමී වැඳ වැඳ, දහස් ගණන් වටිනා පලතුරු වට්ටි වලට දාහේ දෙදාහේ කොල ඔබ ඔබ දෙන කොට අඬන්නද, හිනාවෙන්නද කියල හිතාගන්න බැරි නිසා.
මට හිතුන එතන ඉන්න මිනිස්සුන්ට පොඩ්ඩක් ඇස් ඇරල අවදියෙන් බලනවානම්, අර "ආරූඪ වී නැටීම සපුරා තහනම්" බෝඩ් එකම ඇති කියල මිත්යදෘෂ්ටියෙන් මිදෙන්න. මොකද කපුවම කියනවනම් දේවාලෙ ඇතුලෙදි කෙනෙක් ආරූඪ උනොත් ඒ බොරුවක් කියල, කපුවම පිලිගන්නවා එයා කරන්නෙත් බොරුවක් කියල.
ඔවා සමාජෙන් තුරන් වෙන්න කාලයක් යනවා, දැන් ඉන්න වැඩිහිටි පරම් පරාවෙන් පස්සෙ බොහෝ දුරට ඕවා තුරන් වෙයි.. 
