පුටුවක ඉදගෙන හරි එරමිණිය හරි ගොතාගනින්.
මුලින්ම ඇස් දෙක පියාගෙන හොද හුස්ම දෙක තුනක් ගනින්.
ඊට පස්සේ උඹ ඕන කමින් හුස්ම ගන්න එපා. ඔටෝ හුස්ම වදින්න දියන්.
මචන් නාසය යට තියෙන මේ ඊතලෙන් ලකුණු කරපු කොටස ගැන අවධානෙන් හිටපන්. උඹට තේරෙයි හුස්ම පාර ලාවට වැදීගෙන එතනින් යනවා කියලා. ඒ වගේම හුස්ම ආයිත් යද්දී ලාවට ඔතනට වැදීගෙන එලියට යනවා කියලා තේරෙයි. ප්රධානම කරුණ උඹ ඕනා කමින් හුස්ම පාලනය කරන්න යන්න එපා. ඔටෝ වදින්න දියන්.
දැන් හුස්ම ගන්න එකෙත් ආකාර 2ක් තියෙනවා. හුස්ම ගැනීම හා පිට කිරීම.
ඔය දෙකින් එකක් තෝරාගනින්. පෞද්ගලිකව මම ගන්නේ හුස්ම ගැනීම. දැන් නහයේ අර කොටසේ හුස්ම ගෑවී ගෙන යද්දී එකායි කියලා හිතින් ගණන් කරපන්. උඹ හුස්ම ඇතුලට ගනිද්දි ගනන් කරන්න ගත්තනම් පිටවෙද්දි ගණන් කරන්න ඕන නෑ. ඒවගේම හුස්ම පිට වෙද්දී ගණන් කරන්න ගත්තනම් ඇතුලට යද්දී ගණන් කරන්න ඕන නෑ.
දැන් උදාහරණයක් විදිහට උඹ හුස්ම ඇතුලට යනවා ගණන් කරන්න ගත්තා කියමු. හරි. දැන් උඹ එකායි කියලා ගණන් කරනවා. මචන් හුස්ම නහයට යටින් අර කොටසේ වදිනකොට පුලුන් කෑල්ලක් අතුල්ලනවා වගේ. ඒ ගැන ඉවර වෙනකන් අවධානෙන් හිටපන්. දැන් ආයි හුස්ම පිටවෙනකොට ගණන් කරන්න එපා. දැන් ආයිත් හුස්ම ඇතුලට ගන්න කොට දෙකායි කියලා කරපන්. ඊට පස්සේ පිටවෙනකොට ගණන් කරන්න එපා. ආයිත් හුස්ම ඇතුලට ගන්න කොට තුනායි කියලා හිතපන්.
ඔහොම 5 වෙනකන් කරපන්.
ඊට පස්සේ ආයි එකේ ඉදන් පටන් ගනින්. ඊට පස්සේ 6 වෙනකන් කරපන්. 6ට ආවට පස්සේ ආයිත් 1ට පලයන්. ඊට පස්සේ 7 වෙනකන් කරපන්. ඔහොම 10 වෙනකන් කරන්න ඕන.
මේක කියවන උඹට හිතෙයි මේක ලේසියි කියලා. මේක පළවෙනි පාරට කරන කෙනෙක්ට ගොඩක් අමාරුයි. හොදට concentrate කරන්න ඕන මේ යන්නේ කීවෙනි රැල්ලද කියලා.
හදිසියේ උඹේ අතින් හිත වෙනතැනකට ගියොත් උඹට මේ යන්නේ කීවෙනි රැල්ලද කියලා ෂුවර් නැතිවෙනවා. නැත්නම් අමතක වෙනවා. එහෙම වුණොත් ආයිත් මුල ඉදලා මේක පටන්ගන්න අවංක වෙයන්. මේක එකදිගට 10 වෙනකන් කරපන්. ඊට පස්සේ තව 10 සෙට් එකක් කරපන්. ඔහොම එක දිගට 10 සෙට් දෙකක් කරොත් උඹේ ප්රතිඵල මේ ත්රෙඩ් එකේ දාපන්.
