අවුරුදු 20 කට පස්සේ අද නිකමට Hi5 එක පැත්තේ ගියා. දැකපු දෙයින් ඇත්තටම මම ෂොක් වුණා. ඒ තිබුණේ මගේ පරණ ෆොටෝස් විතරක් නෙවෙයි, මගේ මුළු යොවුන් වියම එතන හිරවෙලා තිබුණා.
ඒ අතර මගේ පරණ කෙල්ලගෙ පින්තූරයක් දැක්කම හිත එක පාරටම ගැස්සුණා. ඒ රූපේ දකිද්දි මම මොහොතකට ඒ කාලෙට ගියා වගේ දැණුනා. ඇත්තටම ඒ කාලේ හරිම සුන්දරයි. ඒත් ඒ සුන්දර අතීතය ආයෙ කවදාවත් එන්නේ නෑ කියල මතක් වෙද්දි හිතට ලොකු දුකක් දැනෙනවා. කාලය කොච්චර ඉක්මනට ගිහින්ද... අපරාදේ අපි වයසට ගියේ....
Hi5 ගැන නොදන්නා අයට දැනගැනීම පිණිසයි.
1. ෆේස්බුක් එන්නට පෙර යුගය: "ෆේස්බුක් රැල්ල එන්න කලින් අපේ මුළු ලෝකයම වෙලා තිබුණේ Hi5. ස්මාර්ට් ෆෝන් නැති ඒ කාලේ, ඉන්ටර්නෙට් කැෆේ (Cyber Cafe) වල පැය ගණන් රස්තියාදු වෙමින් අපි හැදුවේ අපේම හීන ලෝකයක්."
2. Profile එකේ හැඩ: "Profile Skin එක දවස ගානේ මාරු කරපු, කැමතිම සිංදුව Profile එකට එන ඕන කෙනෙක්ට ඇහෙන්න දාපු, දිලිසෙන Glitter Graphics වලින් පිටුවම සරසපු ඒ කාලේ කලාව අද දකින ෆේස්බුක් එකට වඩා ගොඩක් වෙනස්."
3. සැබෑ මිතුදම්: "අද වගේ දහස් ගණන් යාලුවෝ ලිස්ට් එකේ හිටියේ නැති උනාට, Hi5 එකේ හිටපු යාලුවෝ ටිකත් එක්ක තිබුණේ පුදුම බැඳීමක්. ඒක Social Media වලට වඩා එහා ගියපු අපේම තැනක් වගේ."
4. ඩිජිටල් මතක පොත: "Hi5 කියන්නේ නිකම්ම වෙබ් සයිට් එකක් නෙවෙයි, 2000 දශකයේ අපේ යොවුන් වියේ හැම රහසක්ම, පිස්සු වැඩක්ම, ආදර කතාවක්ම ලියවුණු අපේ ඩිජිටල් ඩයරිය."
අද ඉන්න අලුත් පරම්පරාවට Hi5 ගැන ලොකු වැටහීමක් නැති උනාට, 2000 දශකයේ මුල් භාගයේ අපිට Hi5 කියන්නේ වෙනම ලෝකයක්.."
Last edited:
