මීගමුව අවට පළාත්වල කාලාන්තරයක් තිස්සේ මහා පරිමාණයෙන් සිදුවූ කසිප්පු ජාවාම් සියයට අසූවක් පමණ ප්රමාණයකින් අඩුවී ඇතැයි පොලිස් වාර්තාවලින් අනාවරණය වී ඇත.
මීගමුව ජ්යෙෂ්ඨ පොලිස් අධිකාරිවරයාගේ මෙහෙයවීම යටතේ මීගමුව, වෙන්නප්පුව, දංකොටුව, බෝලවලාන ඇතුළු පළාත් රැසක සිදු කළ පොලිස් මෙහෙයුම් නිසා මෙම ජාවාරම් මෙසේ බිඳවැටී ඇතැයි පොලිස් ප්රකාශකයෙක් ‘දිවයින’ට පැවසීය.
මෙම කසිප්පු ජාවාරම් අඩුවීමට තවත් හේතුවක් වී ඇත්තේ මීට සති කීපයකට පමණ උඩදී විෂ සහිත කසිප්පු පානය කිරීමෙන් පුද්ගලයන් තිදෙනකු මියයෑම බවද කියති.
මෙම තත්ත්වය මත සමහරු කසිප්පු පානය කිරීම අත්හැර ඇති බවද පොලිසිය කියයි.
ජාඇළ, දඬුගම ඔය අද්දර සහ මුතුරාජවෙල අද්දර කාලයක් තිස්සේ පවත්වාගෙන ගිය කසිප්පු ස්කාගාරවලට අවශ්ය රැස්කර තිබූ ගෝඩා බැරල් ඇතුළු කසිප්පු පෙරීමේ උපකරණ විශාල ප්රමාණයක් විනාශයට පත්කර ඇති බව පොලිසිය කියයි.
