මෛත්‍රී භාවනාව

[asliyanage]

මෛත්‍රී භාවනාව

මේත්‍රී භාවනාව කිරිමේදී අප්පමාන චේත විමුක්තිය වෑඩීමට වේරය නෑති විය ‍යුතුද?
එසේ නම් අප්පමාන චේත විමුක්තිය නිවරදිව වෑඩීමට හෑක්කේ රහත් ,පසෙ බුදු හෝ බුදු කෙනෙක්ට පමනි, අනෙක් කිසිම කෙනෙක්ට එය නිවරදි ආකරයට කල නොහෑකි නේද?

 

[Skylark]

මේත්‍රී භාවනාව කිරිමේදී අප්පමාන චේත විමුක්තිය වෑඩීමට වේරය නෑති විය ‍යුතුද?
එසේ නම් අප්පමාන චේත විමුක්තිය නිවරදිව වෑඩීමට හෑක්කේ රහත් ,පසෙ බුදු හෝ බුදු කෙනෙක්ට පමනි, අනෙක් කිසිම කෙනෙක්ට එය නිවරදි ආකරයට කල නොහෑකි නේද?

පින්වත් asliyanage,

> මේත්‍රී භාවනාව කිරිමේදී අප්පමාන චේත විමුක්තිය වෑඩීමට වේරය නෑති විය ‍යුතුද?

පුද්ගලයෙකුට එක වර මෛත්‍රී සහ වෛරී ස්චරූප දෙකම ඇති සිත් උපදින්නේ නැහැ. එක් විටෙක මෛත්‍රී සිතක් ඇති වෙනවා. වෙනත් විටෙක වෛරී සිතක් ඇති වෙනවා. මේ නිසා මෛත්‍රී භාවනාව වැඩීමේදී තාවකාලිකව හෝ වෛරී සිත් වලින් මිදී තමයි මෛත්‍රී භාවනාව වඩන්නේ.

යමෙක් තාවකාලිකව හෝ යටපත් නොකරන ලද වෛරී සිත් ඇතිවම මෛත්‍රී භාවනාවට යොමු වෙනවානම් ඒ පුද්ගලයාගේ වෑයම වන්නේ ඒ වෛරී සිත් යටපත් කොට මෛත්‍රී සිත් ඇති කර ගැනීමමයි. එවන් විටෙකත් දිගින් දිගටම වෛරී සිත් නම් ඇති වන්නේ එතැන මෛත්‍රී භාවනාවක් නැහැ.

මේ නිසා ඔබේ පළමු ප්‍රශ්ණය මෙසේ විමසුවානම් වඩාත් සුදුසුයි:

"මෛත්‍රී භාවනාව කිරිමේදී අප්‍රමාණ (පාලි: අප්පමාණ) චෙතොවිමුක්තිය වෑඩීමට කෙලෙස් පූර්ණ ලෙස ප්‍රහාණය කර (රහත් බව ලබා) තිබිය යුතුද?"

මෙම ප්‍රශ්ණයට උත්තරය නම් එය එසේ නොවන බවයි. යම් මහද්ගත (පාලි: මහග්ගත) මෛත්‍රී භාවනාවක් වේද, යම් අප්‍රමාණ මෛත්‍රී භාවනාවක් වේද, මේ දෙකම රහත් බව නොලබාත් නිවැරදිව වැඩිය හැකියී.


> එසේ නම් අප්පමාන චේත විමුක්තිය නිවරදිව වෑඩීමට හෑක්කේ රහත්, පසෙ බුදු හෝ බුදු කෙනෙක්ට පමනි, අනෙක් කිසිම කෙනෙක්ට එය නිවරදි ආකරයට කල නොහෑකි නේද?

රහත් බව ලැබූ අයටත්, නොලැබූ අයටත් යන දෙපිරිසටම නිවැරදිව අප්‍රමාණ මෛත්‍රී චෙතොවිමුක්ති භාවනාව වැඩිය හැකියී. නමුත් යම් අකොප්‍ය (රහත් ඵල) චෙතොවිමුක්තියක් ඇත්නම් එය අප්‍රමාණ චෙතොවිමුක්තීන් අතරින් අග්‍ර ලෙස සලකන්න. එසේ සලකන්නේ වෙන යම් කරුණක් නිසා. මේ නිසා රහත් බව නොලැබූ අයෙකුගේ අප්‍රමාණ චෙතොවිමුක්තියට වඩා රහත් ඵල ලැබූ අයෙකුගේ චෙතොවිමුක්තිය උතුම්.

Skylark

 

[Mohowk]

Bmp