අපි එක්සත් ජනතා නිදහස් සංධාන පාක්ෂකයන් හැටියට හැමදාම මහින්ද රාජපක්ෂට ආදරේ කලා. ඔහු අප බලාපොරොත්තු වෙච්ච නායකය විදියට 30 වසරක් පැවති යුද්ධය නිමා කරන්න අවශ්ය දේශපාලන නායකත්වයක් දුන්නා, ජාතීන් අතර සබඳතා තර කරන්න කටයුතු කලා. එදා අපි යුද්ධෙ දිනපුවහම සතුටු වුනේ සිංහල ජාතිකයො විතරක් නොවේ, මුස්ලිම් ජාතිකයොත් අපිත් එක්ක සතුටු වුනා, බර්ගර් ජාතිකයො දමිල ජාතිකයො අපිත් එක්ක කිරිබත් කෑවා රතිඤ්ඤා පත්තු කලා.
හැබැයි දැන්?
අපි ඔක්කොම බේද භින්න වෙලා සිංහල මිනිහා මුස්ලිම් මිනිහව විශ්වාස කරන්නෙ නෑ, මුස්ලිම් මිනිහ සිංහල මිනිහව විශ්වාස කරන්නෙ නෑ. අපි එකිනෙකා කුලල් කන තත්වයකට පත්වෙලා. හැබැයි අපි අමතක කරනවා අපි කුලල් කන අතරෙ චීන සමාගම් අපේ රට ආක්රමණය කරල, අපි හැමෝම ණය බරින් මිරිකිල, එල්.ටී.ටී.ඊ. සංවිධානයේ කොටස් ආපහු හිස ඔසවනවා.
මේ ඔක්කොම වෙනස් වුනේ 2010 මහින්ද රාජපක්ෂ දෙවැනි වරට ජනාධපති විදිහට පත්වුනායින් පස්සෙ. එදා අපි ආදරය කරපු මහින්ද රාජපක්ෂ ජනාධිපති තුමා ඝාතනය කලා ඒ වෙනුවට මරා කියල ඒකාධිපතියෙක් තමුන්ගෙ පවුලත් එක්ක එකතුවෙලා අපේ රට පැහැර ගත්තා, අපි අතරෙ අවිශ්වාසය පැතිරෙව්වා, අපේ රට චීන සමාගම් වලට විකිනුවා. එල්.ටී.ටී.ඊ. සංවිධානයට ආපසු හිස ඔසවන්න අවශ්ය පසුබිම සකස්කර දුන්නා, දූෂණය, අවනීතිය, මර්ධණයට අනුබල දුන්නා. අපි එදා ආදරය කල අපේ නායකයා ඝාතනය කරල දැන අවුරුදු 4ක්. මේ වෙලාවෙ අපිට ආපහු අවස්ථාවක් ලැබිල තියෙනව අපේ රටේ ඉරණම තීරණය කරන්න. ඒක අපිට ලැබෙන අවසාන අවස්ථාව වෙන්නත් පුළුවන්. ඒක නිසා ඔබ ඔබේ තීරණය ඔබගේ හෘද ශාක්ෂියට එකඟව ගන්න.
.
