මෝඩ වඳුරාගේ කතාව
මෝඩ වඳුරාගේ කතාව
“මෝඩ වඳුරෙක් සිටියේය. දවසක් මේ වඳුරා ගසින් බිමට පැන කොටයක් උඩ ඉඳගත්තේය. ඉඳගන්නා විට වැරදීමෙකින් පශ්චාත් ප්රදේශයට උගේම වලිගය යටවිය. ටික වේලාවකින් එය වේදනා දෙන්නට පටන් ගත්තේය. වඳුරා කෙඳිරිගාන්නට වීය.
හාවෙක් එතැනින් යන්නට පැමිණියේය. වඳුරාගේ වේදනාත්මක කෙඳිරිය ඇසී ඔහු මොහොතකට නැවතුණේය.
”මොකද මේ කෙඳිරිගාන්නෙ?”
”ඉඳගන්නකොට වලිගෙ අහුවුණා”
”ඉතින් ඕකට කෙඳිරි ගාන්ඩ දෙයක්යැ. නැගිටල වලිගෙ අහක්කරගෙන ඉඳගන්ඩකො”
”නැගිටින්ඩ මගෙ වැරැද්ද නෙමෙයිනෙ.. කොටේ වැරැද්ද”
වඳුරාගේ අපූරු උත්තරයට මහ හඬින් සිනාසුණු හාවා උගේ කැරට් ගොවිපොළට යන්නට ගියේය.
වඳුරා කෙදිරි ගාමින් වලිගය මත ම ඉඳගෙන සිටියේය. එතැනින් මුවෙක් යන්නට පැමිණියේය. වඳුරාගේ කෙඳිරිගෑම මුවාට ද ඇසිණි.
”ඇයි මේ?”
”වලිගෙ අහුවුණා”
”ඉතින් නැගිටල ඉඳගන්ඩකො”
”නැගිටින්ඩ මගෙ වැරැද්ද නෙමෙයිනෙ.. කොටේ වැරැද්ද”
මුවා ද සිනාසිසී තමාගේ තණකොළ ගොවිපොළට යන්නට ගියේය.
හවස් යාමයේ හාවා කැරට් අල කිහිපයක් ද කරතබාගෙන ආපසු යන්නට පැමිණියේය. ඒ වනවිටත් මෝඩ වඳුරා කෙඳිරිගාමින් වල්ගය මතම ඉඳගෙන සිටියේය. හාවා සිනාසිසී යන්නට ගියේය. තවත් ටික වේලාවකින් තණකොළ මිටියක් කර තබාගත් මුවා ද ආපසු යන්නට පැමිණියේය.
”තාමත් වල්ගෙ උඩද?”
”නැගිටින්ඩ මගෙ වැරැද්ද නෙමෙයිනෙ”
”එහෙනං හෙට උදේ වෙනකල් කෙඳිරි ගගා ඉවසගෙන ඉන්ඩ”
මුවා එසේ කියා යන්නට ගියේය.
එළිවෙන විට කුමක් සිදුවීදැයි ඒ කතාවේ තිබුණේ නැත.
”අමු මිරිස් මාර ගණං”
එක් පුද්ගලයෙක් එතැනින් යන්නට පැමිණි කෙනෙකුට කීවේය.
”ඇත්තද? මිරිස් ගහක් හිටෝගන්නවකො”
”ඉඩමක් නෑ.. වෙලාවක් නෑ.. අපට එච්චරට වැඩ. අනිත් එක ආණ්ඩුව වග කියන්ඩ ඕනෑ”
”ඇත්තද? එහෙනං ඔහොමම ඉන්ඩ”
අනෙක් මිනිසා තම ගොවිපොළට ගියේය.
”අමු මිරිස් මාර ගණං”
මුලින් පුද්ගලයා තවත් කෙනකුට කීවේය.
”ඉතින් ගහක් දෙකක් හිටෝගන්නවකො”
”ඉඩක් නෑ.. වෙලාවක් නෑ.. අනිත් එක ආණ්ඩුව ඒව ලාබෙට දෙන්ඩ එපායැ”
”ඇත්තද ... එහෙනම් ඔහොමම ඉන්නව“
මෝඩ වඳුරාගේ කතාව
“මෝඩ වඳුරෙක් සිටියේය. දවසක් මේ වඳුරා ගසින් බිමට පැන කොටයක් උඩ ඉඳගත්තේය. ඉඳගන්නා විට වැරදීමෙකින් පශ්චාත් ප්රදේශයට උගේම වලිගය යටවිය. ටික වේලාවකින් එය වේදනා දෙන්නට පටන් ගත්තේය. වඳුරා කෙඳිරිගාන්නට වීය.
හාවෙක් එතැනින් යන්නට පැමිණියේය. වඳුරාගේ වේදනාත්මක කෙඳිරිය ඇසී ඔහු මොහොතකට නැවතුණේය.
”මොකද මේ කෙඳිරිගාන්නෙ?”
”ඉඳගන්නකොට වලිගෙ අහුවුණා”
”ඉතින් ඕකට කෙඳිරි ගාන්ඩ දෙයක්යැ. නැගිටල වලිගෙ අහක්කරගෙන ඉඳගන්ඩකො”
”නැගිටින්ඩ මගෙ වැරැද්ද නෙමෙයිනෙ.. කොටේ වැරැද්ද”
වඳුරාගේ අපූරු උත්තරයට මහ හඬින් සිනාසුණු හාවා උගේ කැරට් ගොවිපොළට යන්නට ගියේය.
වඳුරා කෙදිරි ගාමින් වලිගය මත ම ඉඳගෙන සිටියේය. එතැනින් මුවෙක් යන්නට පැමිණියේය. වඳුරාගේ කෙඳිරිගෑම මුවාට ද ඇසිණි.
”ඇයි මේ?”
”වලිගෙ අහුවුණා”
”ඉතින් නැගිටල ඉඳගන්ඩකො”
”නැගිටින්ඩ මගෙ වැරැද්ද නෙමෙයිනෙ.. කොටේ වැරැද්ද”
මුවා ද සිනාසිසී තමාගේ තණකොළ ගොවිපොළට යන්නට ගියේය.
හවස් යාමයේ හාවා කැරට් අල කිහිපයක් ද කරතබාගෙන ආපසු යන්නට පැමිණියේය. ඒ වනවිටත් මෝඩ වඳුරා කෙඳිරිගාමින් වල්ගය මතම ඉඳගෙන සිටියේය. හාවා සිනාසිසී යන්නට ගියේය. තවත් ටික වේලාවකින් තණකොළ මිටියක් කර තබාගත් මුවා ද ආපසු යන්නට පැමිණියේය.
”තාමත් වල්ගෙ උඩද?”
”නැගිටින්ඩ මගෙ වැරැද්ද නෙමෙයිනෙ”
”එහෙනං හෙට උදේ වෙනකල් කෙඳිරි ගගා ඉවසගෙන ඉන්ඩ”
මුවා එසේ කියා යන්නට ගියේය.
එළිවෙන විට කුමක් සිදුවීදැයි ඒ කතාවේ තිබුණේ නැත.
”අමු මිරිස් මාර ගණං”
එක් පුද්ගලයෙක් එතැනින් යන්නට පැමිණි කෙනෙකුට කීවේය.
”ඇත්තද? මිරිස් ගහක් හිටෝගන්නවකො”
”ඉඩමක් නෑ.. වෙලාවක් නෑ.. අපට එච්චරට වැඩ. අනිත් එක ආණ්ඩුව වග කියන්ඩ ඕනෑ”
”ඇත්තද? එහෙනං ඔහොමම ඉන්ඩ”
අනෙක් මිනිසා තම ගොවිපොළට ගියේය.
”අමු මිරිස් මාර ගණං”
මුලින් පුද්ගලයා තවත් කෙනකුට කීවේය.
”ඉතින් ගහක් දෙකක් හිටෝගන්නවකො”
”ඉඩක් නෑ.. වෙලාවක් නෑ.. අනිත් එක ආණ්ඩුව ඒව ලාබෙට දෙන්ඩ එපායැ”
”ඇත්තද ... එහෙනම් ඔහොමම ඉන්නව“
