යාපනයේ යක්ෂ බියක්යාපනයේ පළාත් කීපයක වැසියෝ යළිත් වරක් අමනුෂ්ය බියකින් පෙළෙන්නට පටන් ගෙන තිබේ.
මෙවර යාපනයේ වැසියෝ මුහුණදී සිටින්නේ මීට පෙර පැවැති භූත උවදුරකට නොව යක්ෂ උවදුරකටය.යාපනයේ වැසියෝ කියා සිටින්නේ මේ අද්භූත යක්ෂයාගේ එක අතක පණ පිටින් ලේ වැගිරෙන කුකුළකු සිටින බවයි. අනෙක් අතේද ලේ තැවරී ඇති බවත් මේ යක්ෂයා යාපනයේ බොහෝ අය දැක ඇතැයි පැවසේ.
මුලදී යක්ෂයා දුටු පිරිස යාපනයේ සෙසු අයට මේ යකා ගැන පවසන ලද අවස්ථාවේදී ඔවුන්ව අවඥාවට ලක් කළ නමුත් යක්ෂයා දුටුවේ යැයි පවසන අයකු යාපනයේ ජනමාධ්ය වෙත යක්ෂයාගේ ඡායාරූප කීපයක් ඉදිරිපත් කිරීමෙන් පසුව එය දුටු සමහරෙක් පවසා ඇත්තේ තමන් දුටුවේද මේ යක්ෂයාම බවයි.
මුහුණ යාන්තමට දැකිය හැකි නමුත් එය ඉතා පැහැදිලිව හඳුනාගත නොහැකි මේ යක්ෂයා සුදු වස්ත්රයක් මුළු ඇඟ පුරාම දවටා ගෙන සිටින උස ශරීරයකින් යුතු බවද යාපනයේ වැසියෝ කියා සිටිති.මේ යක්ෂයා දර්ශනය වී ඇත්තේ අලුයම 1.00න් පසු කාලයේදී යැයිද පැවැසේ.
කෙසේ වෙතත් මේ යක්ෂ කතාව නිසා මුලදී බියට පත් නොවූ යාපනයේ ජනතාව යක්ෂයාගේ යැයි කියන ඡායාරූප දැකගැනීමට ලැබීමෙන් පසුව බොහෝ සෙයින් බියට පත්ව තිබේ.
යළිත් පෙර භූත උවදුර පැවැති සමයේදී මෙන් රාත්රි කාලයට කවුරුන් කතා කළත් ෙදාරවල් නොඅරින තත්ත්වයටත් රාත්රි කාලයට ගමන් බිමන් නොයෑමටත් දැන් යාපනයේ ජනතාව පුරුදු වී සිටිති.
--------------------
Source
