ඔයාලා හැමෝම වගේ කවදා හරි රුධිර පරීක්ෂණයක් කරලා ඇති නේ?
මේ පරීක්ෂණයෙන් පසු ලැබුණු වාර්තාව කියවා තිබෙනවාද?
ඕනෑම රසායනාගාර වාර්ථාවක් ගත්තහම එහි පළමුව කර ඇති පරීක්ෂණයේ නම ද (Test),
ඉන්පසු එම පරීක්ෂණයේ ප්රතිඵලයද (Result),
එම ප්රතිඵලයට අදාළ ඒකකය (Units)
හා එම රසායනාගාරයේ එම පරීක්ෂාව සඳහා දෙන සාමාන්ය අගයයන්ගේ පරාසය (Normal Range) සඳහන් කෙරෙනවා.
මෙම සාමාන්යය අගයයන්ගේ පරාසය රටින් රටට වෙනස් වීමට පුළුවන. අපි දැන් රුධිර පරීක්ෂණ වාර්තාවක ඇති විවිධ කරුණු පිලිබඳ කතා කරමු.
රුධිරයේ ඇති හිමොග්ලොබින් (Hemoglobin) ප්රමාණය මෙයින් දැක්වේ. පිරිමි අය තුල සාමාන්යයෙන් ඉහල හිමොග්ලොබින් ප්රමාණයක් ඇති නිසා මෙය පුරුෂ හා ස්ත්රී යන අගයයන් දෙකකින් සඳහන් කරනු ලබයි.
මෙහි අගය ඩෙසිලීටරයකට ඇති ග්රෑම් ප්රමාණය (g/dL) ලෙස ගණනය කෙරේ. සාමාන්ය වැඩිහිටි පුරුෂයකු සඳහා අගය 13 – 16 g/dL වන අතර වැඩිහිටි ස්ත්රියක අගය 12 – 15 g/dL වේ. මෙම පරාසයට වඩා අඩු ප්රමාණයක් හිමොග්ලොබින් ඇත්නම් එය රක්තහීනතාවය (Anemia) නිසා වීමට පුළුවන.
ලේ වල ඇති මුළු සුදු රුධිරාණු ප්රමාණය (White Blood Count) මෙයින් දැක්වේ. මෙය මයික්රෝලීටරයට ඇති සෛල ප්රමාණය ලෙස දක්වනු ලබයි. සාමාන්යය අගයය 4000 – 11000 වේ. බොහොමයක් බැක්ටීරීය ආසාදන වලදී මෙය ඉහල අගයයක් ගනු ලබයි.
ලේ වල මයික්රෝලීටරයට ඇති රුධිර පට්ටිකා අගයය මෙයින් දෙනු ලැබේ. එහි සාමාන්යය අගයය මයික්රෝලීටරයට 150000 – 450000 පමණඅ වේ. ඩෙංගු රෝගීන් ගේ රෝග තත්වය නිර්ණය කිරීම සඳහා නිතරම කරනු ලබන පරීක්ෂාව මෙයයි.
මෙයින් විශේෂක සුදු රුධිරාණු ප්රමාණය (Differential Leukocyte Count) යන්න අදහස් කෙරේ. කලින් ලිපියක සඳහන් කල විවිධ සුදු රුධිරානු වර්ග වල අගයයන් මෙයින් මනිණු ලබයි. එම අගයයන් ආශ්රයෙන් වෛද්යවරුන් හට ඇතිවී ඇති රෝග තත්වය පිලිබඳ අනුමානයන් කිරීමටත්, දැනට තීරණය කර ඇති රෝග විනිශ්චය තහවුරු කර ගැනීමටත් ඉඩ ලැබේ. උදාහරණයක් ලෙස බැක්ටීරීය ආසාදනයකදී සාමාන්යයෙන් නියුට්රොෆිල ප්රමාණය ඉහල යන අතර, වෛරස ආසාදනයකදී වසා සෛල ප්රමාණය ඉහල අගයයක් ගනී. මෙහි ප්රතිඵලය එම සෛල වර්ගය මුළු සුදු රුධිරානු ප්රමාණයේ ප්රතිශතයක් ලෙස සඳහන් කෙරේ. පහත දැක්වෙන්නේ එහි සාමාන්යය අගයයන් වේ.
බෑන්ඩ්ස් ලෙස හැඳින්වෙනුයේ නොමේරු සුදු රුධිරානුය. යම් මූලික ආසාදන (Acute Infection) අවස්ථා වලදී මෙය ඉහල අගයයක් ගනී. මන්ද යත් ආසාදනයක් ගැන දැනගත් විට ඇටමිදුළු සුදු රුධිරානු වැඩියෙන් නිෂ්පාදනය කිරීමත්, ඉක්මනින් ඇටමිදුළු තුලින් නිකුත් කිරීමත් කරන බැවිනි.
MCV: මෙමගින් රතු රුධිරාණුවක සාමාන්යය පරිමාව (Mean Corpuscular Volume) මනිනු ලැබේ. එහි අගයය ෆෙම්ටෝලීටර (fL) වලින් මනින අතර සාමාන්යය පරාසය 79 – 93 fL වේ. යකඩ අඩුවීම නිසා ඇතිවන රක්තහීනතාවයෙදී මෙම අගය අඩු වන අතර, විටමින් බී හා ෆොලේට් වැනි විටමින් ඌනතා වලදී මෙය ඉහල අගයයක් ගනී.
ඉස්සර නම් මෙම පරීක්ෂණ හැම එකක්ම වගේ අන්වීක්ෂ, කේන්ද්රාපසාරක (Centrifuges) වැනි මෙවලම් යොදාගෙන රසායනාගාර සේවකයන් විසින් විශාල කාලයක් මිඩංගු කර ගණනය කලද අද කාලයේ මේ සඳහා ස්වයංක්රීය සෛල ගණක (Automated Cell Counter) යන්ත්ර යොදා ගෙන මිනිත්තු ගණනාවක් ඇතුලත ගණනය කරනු ලබයි. මුල් කවරයේ දක්වා ඇත්තේ මෙවන් ස්වයංක්රීය සෛල ගණක (Automated Cell Counter) යන්ත්රයක් භාවිතා කරන රූපයකි.
සැලකිය යුතුයි
රුධිර වාර්තාවක් කියවා තේරුම් ගැනීම ඉතා හොඳ කරුණක් වන අතර එමගින් තම රෝගී තත්වය පිළිබඳ වැටහීම වැඩි කර ගැනීමට ඔබට හැකි වේ.
