ලිංගික වහල් කඳවුර
ගෝඨාභය රාජපක්ෂට එරෙහිව ඇමෙරිකා එක්සත් ජනපදයේ අධිකරණය හමුවේ ගොනු කර ඇති නඩුවලට අදාළ චෝදනා ඉතා බරපතළ ඒවා බව අනාවරණය වේ.
මේ අතුරින් වඩාත් බරපතළ ම චෝදනාවක් වන්නේ ලිංගික වධහිංසා කිරීමට ගෝඨාභය රාජපක්ෂ සෘජුවම මැදිහත් වූ බවට එල්ල වී ඇති චෝදනාවයි. ආරක්ෂක අමාත්යාංශ හිටපු ලේකම් ගෝඨාභය රාජපක්ෂගේ අණ යටතේ රාජකාරි කරමින්, උසස් හමුදා සහ පොලිස් නිලධාරීහු කිහිප දෙනෙක් ද මිනිසුන් සහ ගැහැනුන් පැහැරගෙන ගොස් ලිංගික හිංසන ඇතුළු කෘෘර වධයට ලක් කිරීම සම්බන්ධයෙන් චෝදනාවට ලක් වී සිටිති. විශේෂත්වය වන්නේ එම නිලධාරීන්ගෙන් ඇතැමෙකු තවමත් සක්රීය හමුදා රාජකාරියේ නියුතුව සිටීමයි.
ශ්රී ලංකාවේ යුද හමුදා කඳවුරු වලදී සමූහ දූෂණයට ලක් කිරීම, ලිංගික අඩම්තේට්ටම් කිරීම, අපරාධ විමර්ෂණ ඒකකයේ හතර වන තට්ටුවේදී කාන්තාවන් දූෂණයට ලක් කිරීම ඇතුලු චෝදනා රැසක් මෙම පැමිණිල්ලේ දක්වා තිබේ. ඉහළ හමුදා නිලධාරීන් මෙන්ම කාන්තා නිලධාරිණියන් ද මෙම වධහිංසා කිරීම්වලට සම්බන්ධ වී ඇති බවත් 2009 වසරේ සිට 2014 දක්වා කාලය තුළ සිදු වූ සිදුවීම් සියයකට අධික සංඛ්යාවක තොරතුරු ද පැමිණිල්ල මගින් හෙළි කර තිබේ.
ගෝඨාභය රාජපක්ෂට විරුද්ධව මෙලෙස නඩුව පවරා ඇති දහදෙනා අතරින් කාන්තාවන් තිදෙනකු ඇතුලු අටදෙනෙක් දෙමළ පුරවැසියෝ වෙති. අනික් දෙදෙනා සිංහල ජාතිකයන්ය. ඔවුන් විසින් ජූනි 26 දා මධ්යම කැලිෆෝර්නියාවේ දිසා අධිකරණයේ මෙම නඩුව ගොනුකරන ලද්දේ කැනඩාවේ පුරවැසිභාවය ලද දෙමළ ජාතිකයෙකුවූ රෝයි සමාදානම් විසින් හිටපු ආරක්ෂක ලේකම්ට එරෙහිව අප්රේල් 5 වැනිදා පවරන ලද නඩුවකට තව දුරටත් හවුල් වෙමිනි.
හවුස්ෆෙල්ඩ් ජාත්යන්තර නීතිඥ සමාගම හා එක්ව නඩුව පවරන ලද්දේ චෝදනා ගොනු කිරීම වෙනුවෙන් යස්මින් සූකාගේ මූලිකත්වයෙන් හය අවුරුද්දක ගවේෂණයක යෙදුනු, දකුණු අප්රිකාවේ ජොහැන්නස්බර්ග් නුවර මූලස්ථාන කොටගත් සත්යය හා යුක්තිය සඳහා වන ජාත්යන්තර ව්යාපෘතිය (ITJP) විසිනි.
උපුටා ගැනීමක්
ලිංගික වහල් කඳවුරු ගැන ගෝඨාට චෝදනා
ගෝඨාභය රාජපක්ෂට එරෙහිව ඇමෙරිකා එක්සත් ජනපදයේ අධිකරණය හමුවේ ගොනු කර ඇති නඩුවලට අදාළ චෝදනා ඉතා බරපතළ ඒවා බව අනාවරණය වේ.
මේ අතුරින් වඩාත් බරපතළ ම චෝදනාවක් වන්නේ ලිංගික වධහිංසා කිරීමට ගෝඨාභය රාජපක්ෂ සෘජුවම මැදිහත් වූ බවට එල්ල වී ඇති චෝදනාවයි. ආරක්ෂක අමාත්යාංශ හිටපු ලේකම් ගෝඨාභය රාජපක්ෂගේ අණ යටතේ රාජකාරි කරමින්, උසස් හමුදා සහ පොලිස් නිලධාරීහු කිහිප දෙනෙක් ද මිනිසුන් සහ ගැහැනුන් පැහැරගෙන ගොස් ලිංගික හිංසන ඇතුළු කෘෘර වධයට ලක් කිරීම සම්බන්ධයෙන් චෝදනාවට ලක් වී සිටිති. විශේෂත්වය වන්නේ එම නිලධාරීන්ගෙන් ඇතැමෙකු තවමත් සක්රීය හමුදා රාජකාරියේ නියුතුව සිටීමයි.
ශ්රී ලංකාවේ යුද හමුදා කඳවුරු වලදී සමූහ දූෂණයට ලක් කිරීම, ලිංගික අඩම්තේට්ටම් කිරීම, අපරාධ විමර්ෂණ ඒකකයේ හතර වන තට්ටුවේදී කාන්තාවන් දූෂණයට ලක් කිරීම ඇතුලු චෝදනා රැසක් මෙම පැමිණිල්ලේ දක්වා තිබේ. ඉහළ හමුදා නිලධාරීන් මෙන්ම කාන්තා නිලධාරිණියන් ද මෙම වධහිංසා කිරීම්වලට සම්බන්ධ වී ඇති බවත් 2009 වසරේ සිට 2014 දක්වා කාලය තුළ සිදු වූ සිදුවීම් සියයකට අධික සංඛ්යාවක තොරතුරු ද පැමිණිල්ල මගින් හෙළි කර තිබේ.
ගෝඨාභය රාජපක්ෂට විරුද්ධව මෙලෙස නඩුව පවරා ඇති දහදෙනා අතරින් කාන්තාවන් තිදෙනකු ඇතුලු අටදෙනෙක් දෙමළ පුරවැසියෝ වෙති. අනික් දෙදෙනා සිංහල ජාතිකයන්ය. ඔවුන් විසින් ජූනි 26 දා මධ්යම කැලිෆෝර්නියාවේ දිසා අධිකරණයේ මෙම නඩුව ගොනුකරන ලද්දේ කැනඩාවේ පුරවැසිභාවය ලද දෙමළ ජාතිකයෙකුවූ රෝයි සමාදානම් විසින් හිටපු ආරක්ෂක ලේකම්ට එරෙහිව අප්රේල් 5 වැනිදා පවරන ලද නඩුවකට තව දුරටත් හවුල් වෙමිනි.
හවුස්ෆෙල්ඩ් ජාත්යන්තර නීතිඥ සමාගම හා එක්ව නඩුව පවරන ලද්දේ චෝදනා ගොනු කිරීම වෙනුවෙන් යස්මින් සූකාගේ මූලිකත්වයෙන් හය අවුරුද්දක ගවේෂණයක යෙදුනු, දකුණු අප්රිකාවේ ජොහැන්නස්බර්ග් නුවර මූලස්ථාන කොටගත් සත්යය හා යුක්තිය සඳහා වන ජාත්යන්තර ව්යාපෘතිය (ITJP) විසිනි.
උපුටා ගැනීමක්
