ඔක්ස්ෆර්ඩ් ඉංග්රීසි ශබ්දකෝෂය (OED) 2025 ජුනි මාසයේ යාවත්කාලීන කිරීම සඳහා ශ්රී ලාංකික වචන කිහිපයක් එකතු කර තිබෙනවා.
ඒ, ශ්රී ලාංකීය භාෂාමය සහ සංස්කෘතික අනන්යතාවයට සැලකිය යුතු ලෙස පිළිගැනීමක් සනිටුහන් කරමින්.
නව ඇතුළත් කිරීම් අතරට “asweddumize” (අස්වැසුම) යන වචනය ඇතුළත් වෙනවා.
එය සිංහල භාෂාවේ නිරන්තරයෙන් භාවිත වන වචනයක් වන අතර කෘෂිකර්මාන්තයේ සහ ඉඩම් ප්රතිසංස්කරණ යන ක්ෂේත්රයන්හි භාවිත වෙනවා.
ප්රථම වරට 1857 දී ලේඛනගත කරන ලද එය නැවත ඇගයීමට ලක් කරන ලද අතර අවසානයේ දේශීය විද්වතුන් විසින් දශක ගණනාවක බලපෑම් කිරීමෙන් පසුව සිංහල එකතු කර තිබෙනවා.
එමෙන්ම “කොත්තු රොටි” (kottu roti), යන වචනයද මෙසේ ඔක්ස්ෆර්ඩ් ඉංග්රීසි ශබ්දකෝෂයට එක් කර තිබෙනවා.
එය කැඩුණු රොටි, මස්, එළවළු සහ කුළුබඩුවලින් සාදන ලද වීදි ආහාර කෑමක් වන අතර එය වඩාත් ජනප්රිය වන්නේ ආහාරය සැකසීමේදී එන රිද්මයානුකූල හඬ නිසායි.
ඔක්ස්ෆර්ඩ් ඉංග්රීසි ශබ්දකෝෂය විසින් සිංහල සම්භවයක් ඇති “මැල්ලුං” (mallung) යන වචනයද මේ සඳහා ඇතුළත් කර තිබෙනවා. එය පොල් සහ කුළුබඩු සමඟ මිශ්ර කර සැහැල්ලුවෙන් පිසින ලද ආහාරයක්.
“කිරිබත්” (kiribath) යන වචනයද මෙම ශබ්ධකෝෂයට ඇතුළත් කර ඇති අතර එය සිංහල සහ හින්දු අලුත් අවුරුද්දේ සාම්ප්රදායිකව අනුභව කරන පොල් කිරි සහ සහල් යොදා සකසන ආහාරයක් වෙනවා.
ශ්රී ලංකාවේ සංස්කෘතික සැමරුම් අගයමින්, ශබ්දකෝෂයේ සඳහා “අවුරුදු” (Avurudu) යන වචනයද ඇතුළත් කර තිබීම විශේෂයක්.
අප්රේල් මාසයේ සමරනු ලබන සිංහල සහ දෙමළ අලුත් අවුරුද්ද, සාම්ප්රදායික ආහාර, චාරිත්ර වාරිත්ර සහ ක්රීඩාවලින් සමන්විතයි.
පොල් කිරි, හකුරු සහ කුළුබඩුවලින් සාදන ලද මුස්ලිම් උත්සව අතුරුපසක් වන “වටලප්පම්” watalappam යන වචනයද මෙයට ඇතුළත් වෙනවා.
එමෙන්ම පෘතුගීසි ආභාෂය සහිත සංගීත ප්රභේදයක් වන “බයිලා” (baila) සහ ක්රිකට් තරඟවලදී බොහෝ විට ඇසෙන සංගීත ශෛලියක් වන “පපරේ” (papare) යන වචනයද අලුතින් එකතු වුණු වචනවලට අයත්.
“වලව්ව” (Walawwa) යන වචනයද මීට ඇතුළත් වන අතර එහිදී ශ්රී ලංකාවේ වතුයායක ප්රධාන නිවස, මන්දිරය යන අදහස ගෙනෙනවා.
මේ අතර, “ඔසරිය” (Osari) යන්නද මීට අන්තර්ගත කර ඇති අතර සිංහල කාන්තාවන් පැළදින සාම්ප්රදායික සාරි වර්ගයක් ඉන් විස්තර වෙනවා.
