ඔබගේ නිවෙසටත් වාසනාව, සැපත සම්පත කැන්දන වාස්තු ශිල්පීය ක්රම යොදා ගැනීමටත් ඒ තුළින් නිවෙස බලවත් කිරීමටත් ඔබ උනන්දු විය යුතුය. ඔබගේ නිවෙස සිරියාවන්ත සැපවත් නිවෙසක් කිරීමට හෝ පාළු මූසල පීඩිත තැනක් කරගැනීමත් ඔබගේම ක්රියා පිළිවෙත නිසා සිදුවන බව මතක තබා ගත යුතුය. ඇත්තටම එය සිදුවන්නේ ඔබ හට නිසි වාස්තු දැනුමක් නොමැති නිසාමයි. කිසිම කෙනෙක් තමන්ගේ නිවෙසට අවාසනාව ගෙන ඒමට කැමැති නොවනවා සේම නිවෙසට වාසනාව රැගෙන එන ශි්රයා කාන්තාව කැන්දා ගැනීමට සෑම කෙනෙක්ම කැමැති බව නොරහසකි. එසේ නම් වාස්තු ශිල්පීය පිළිවෙත් යොදාගෙන ඔබේ නිවෙසටත් ශි්රයා කාන්තාව කැන්දා ගන්න ඔබත් උත්සාහ කරන්න.
ඊසාන බලවත් කරන්න
ඔබගේ නිවෙසට සෞභාග්ය ළඟා කරගැනීමට නම් නිවෙසේ ඊසාන දිශාව නිසි ආකාරයට බලවත් කරගත යුතු වෙනවා. ඊසාන දිශාව අයත් වන්නේ දෙවියන්ට සහ දරුවන්ටයි. මේ නිසා ඔබේ ආගමික කටයුතු නිවෙසේ ඊසාන දිශාව තුළ ඉටු කිරීමෙන් දෙවියන්ගේ ඇල්ම බැල්ම ඇතිවී නිවෙසේ භව බෝග සම්පත් වැඩි වෙනවා.
ඔබ නිවෙසේ ඊසාන දිශාව නිවැරැදිව සොයා ගැනීම කළ යුතු වෙනවා. ඒ සඳහා ඔබ කළ යුත්තේ නිවෙසේ මධ්යයට ගොස් මාලිමාවක් භාවිත කොට නිවෙසේ ඊසාන දිශාව සහ අනෙකුත් දිශාවන් නිවැරැදිව තීරණය කිරීමයි. එසේම මතක තබාගත යුතු විශේෂ කාරණයක් තිබෙනවා. ඔබගේ ජංගම දුරකතනය සමඟ මාලිමාව භාවිත නොකිරීමට වගබලා ගත යුතුයි. එවිට මාලිමාවේ දිශාව නිවැරැදි නොවනු ඇත.
නිවැරැදිව ඊසාන දිශාව තීරණය කරගත් පසු එම දිසාව දෙවියන්ට කැපකිරීම සඳහා ඔබ බදාදා/සෙනසුරාදා දිනයකදී නිවෙස නිසි ලෙස පිරිසුදු කොට කහ දියර ඉස සුවඳ දුම් අල්ලා පිරිසුදු මැටි මුට්ටියකට ජලය ගෙන එය නිවෙසේ මධ්යයට ගෙන ගොස් හත් වතාවක් පෙරා එම ජලයට සඳුන්, කිරිපැණි සහ සමන්පිච්ච මල් බහා ඊසාන දිශාවේ ආගමික වතාවත් සිදුකරනු ලබන ස්ථානයේ තබා ජය පිරිත ඇතුළු තුන් සූත්රය සජ්ජායනා කොට තෙරුවන් නමැද ඊසාන දෙවියන්ට ඇතුළුව විෂ්ණු, කතරගම, විශ්වකර්ම, මය, විශ්වජිත් යන දෙවියන්ටද පින් අනුමෝදන් කොට නිවෙසට සෙත් පැතිය යුතුයි. ඉන්පසු කරණීය මෙත්ත සූත්රය සජ්ජායනා කරමින් එම පැන් බඳුනේ ජලය දෙහි අත්තකින් හෝ පොල් මල් කිනිත්තකින් දක්ෂිණාවෘත්තව නිවෙසේ සෑමතැනම ඉසිය යුතුයි. මෙය නොකඩවා සත් දිනක් කෙම්මුර දිනවල කිරීමෙන් ඔබේ නිවෙසේ ඊසාන දිශාව වඩාත් බලවත් වී නිවෙසට ඊසාන දෙවියන් ඇතුළු සියලු දෙවියන්ගේ ඇල්ම බැල්ම ඇති වී ශි්රයාකාන්තාව නිවෙසට වඩිනු ඇත. එසේම නිවෙසින් පිට ඊසාන දිශාවේ දේව වෘක්ෂ කොහොඹ ශාකය සිටුවීමෙන් ඊසාන දිශාව වඩාත් බලවත් කළ හැකිය. කොහොඹ ශාකය යනු දෙවියන් සඳහා වන ඇන්ටනාවක් ලෙස පෙන්වා දිය හැකිය.
බ්රහ්ම පාදය හා නිරිත
ඊසාන දිශාව බලවත් කිරීමට සමගාමීව ඔබගේ නිවෙසේ මධ්ය ලක්ෂ්යය හෙවත් බ්රහ්ම පාදය නිසි ලෙස බලගන්වා ගැනීම කළ යුතු වෙනවා. මේ සඳහා ගෘහ මූලිකයාගේ ජන්ම නැකැතට සරිලන ලෙස බ්රහ්ම පාදය සක්රිය කිරීමේ ක්රම ශිල්පයන් අනුගමනය කළ හැකි අතර පොදුවේ බ්රහ්ම පාදය මත කොහොඹ ලීයෙන් සාදන ලද කනප්පුවක් තබා පූජනීය පාත්රය ඒ මත වඩා හිඳුවීම තුළින් බ්රහ්ම පාදය සක්රිය කර ගත හැකිවේ. එසේම ඔබගේ ගෘහයේ නිරිත දිශාවද පිරිසුදුව සහ ක්රමවත්ව පවත්වා ගැනීම යහපත් වන අතර නිවෙස තුළ ආරෝග්ය සම්පත ආරක්ෂා වීමටද එය කදිම විසඳුමකි. නිවෙසින් පිටතට පරිශ්රයේ බෙලි හෝ දිවුල් පැළයක් සිටුවීම තුළින් නිරිත දිශාව වඩාත් බලවත් කළ හැකිය.
මේ ආකාරයට ඔබගේ ගෘහයේ ඉතා සංවේදී කලාප තුන වන ඊසාන දිශාව, බ්රහ්ම පාදය සහ නිරිත දිශාව නිසි ලෙස බලගන්වා ගැනීම තුළින් නිවෙසට ශි්රයා කාන්තාව කැන්දාගත හැකි අතර ධනය සහ සෞභාග්යය නිවෙසට නොඅඩුව ලැබෙනු ඇතැයි සෘෂි උතුමන් පෙන්වා දී ඇත
නෙට් එකෙන් උස්සලා දැම්මේ.. මේවා ගැන නම් දන්නේ නැත
