පසුවදනක්..
Accident 1st පේජ් එකේ අවුරුදු ගානක් කටයුතු කරන නිසාම මම උදේ හවා ලංකාවේ පාරවල් ගානේ කොච්චර මිනිස්සු මැරෙනවද කියන එක දකිනවා..ඇත්තටම වසංගත රෝග,යුද්ධ නිසා මැරුනට වඩා මිනිස්සු ප්රමානයක් උදේ හවා පාරවල් ගානේ අවසන් හුස්ම හෙලනවා... මේක ඇත්තෙන්ම ලොකු ඛේදවාචකයක්..
මේ සිද්ධ වෙන අනතුරු දිහා බැලුවාම මෙයින් බහුතර මාරක අනතුරු වලට වගකියන්න ඕනේ බස්/ත්රීරෝද රථ/මෝටර් බයික්/ලොරි සහ ටිපර්
ඔතනින් බස් සහ ත්රීරෝද රථ කියන්නේ මේ රටේ වෙනමම වසංගතයක්,පෙරකී වර්ග දෙකේ වාහන
පදවන රියදුරන් බහුතරයක් කුමන හෝ මත්ද්රව්යක් භාවිතා කරනවා... ඒක බුලත් විටෙන් පටං අරන් බාබුල් මාවා තූල් කංසා අරක්කු හෙරොයින් අයිස් දක්වාම පරාසයක විහිදෙනවා...
ඇත්තටම මේ තත්වයට සෘජුවම Sri Lanka Police රථවාහන නිළධාරීන් වගකිව යුතුයි...
අපි හැමෝම දන්නා ප්රසිද්ධ රහසක් තමා බොහෝ රථවාහන රාජකාරි වල නිරත නිලධාරීන් බස් සහ ලොරි රථ වලින් අල්ලස් ගෙන නීතිය ක්රියාත්මක නොකර සිටීම,අනෙක් කාරණය තමා වරද පෙනි පෙනී නොදැක්කා සේ සිටීම.. උදේ හවස කොළඹ පුරා කරක් ගහන මගේ ඩෑෂ්කැම් එකේ රෙකෝඩ් වෙන රථවාහන වැරදි වලට පොලීසිය දඩ පත්රිකා නිකුත් කරා නම් බහුතරයකට වෙන්නේ වාහනේ විකුණලා දඩ මුදල් ගෙවන්න..
අනෙක් කාරණය මොඩිෆිකේෂන් කියන එක... මනුස්සයෙක් තමන්ගේ පෞද්ගලික වාහනයක ගමනක් නොයා පොදු ප්රවාහන සේවයේ යන්න තීරණය කරන්නේ හේතු කාරණා කීපයක් මත.. විශේෂයෙන්ම ලාභදායී වීම සහ සුවපහසුව යන කාරණා දෙක මූලික වෙනවා...නමුත් අද වනවිට සුවපහසුව කෙසේවෙතත් කන් අඩි පැලෙන ගෝරනාඩු මියුසික් එක්ක තොටලඟ තොරණ පරයන ලයිට් සිස්ටම් මදිවට කෝවිලක් සිහිගන්වන තරම් සුදු යකඩ කෑලි හතරවටේ එල්ලපු පොදු ප්රවාහන සේවයක් තමා ලංකාවේ අපිට තියෙන්නේ ..
ඔය ඇක්සිඩන්ට් වෙලා තියෙන බස් එකෙත් සුදු යකඩ සන්වයිසර් එක සීට් පේලි දෙකකටත් වඩා ඇතුලට ඇවිත් තියෙනවා පේනවා ඇති..එතනින් එහාට මේ සම්බන්ධව ලියන්න අවශ්ය නෑ ඔයාලට තේරෙනවා ඇති..
පින්තූරයේ තියෙන්නේ අද ඇක්සිඩන්ට් උන බස් එක...මේ බස් එකම මීට පෙර පස්යාලෙදි ඇක්සිඩන්ට් උනා..එදත් මිනිස්සු දෙන්නෙක් හෝ ආසන්න ගානක් අවසන් සුසුම් හෙලුවා...
අදත් ජීවිත කීපයක්ම නැති වෙලා..අපි හැමදාම නිවන් සුව පතලා ඇස් කන් පියන් ඉන්නවා..
අද මම ඔවැනි අනතුරකින් මැරුනොත් මොකද වෙන්නේ? මගේ දරුවා? මගේ බිරිද? මගේ සුරතල් බල්ලා? මම නැති අඩුව එයාලා කොහොමද මකාගන්නේ? ගෙදර සම්පූර්ණ වියදම දරන්නේ මම...මම නැතුව කොහොමද එයාලා ගෙදර වියදම් ටික පියවගන්නේ...
නොහික්මුණ අශිෂ්ට අශීලාචාර රියදුරෙක් නිසා අද නැතිවුන ජීවිත වල තත්වයත් ඕක නෙමෙයි කියලා කාටහරි කියන්න පුලුවන්ද?
මනුස්සයෙක් මැරෙන එක වෙනයි/මරන එක වෙනයි... මේවා හුදෙක් රිය අනතුරු නෙමෙයි සාවද්ය මනුෂ්ය ඝාතන... දැන්වත් නීතිය ක්රියාත්මක කරන්න...මේ හොඳටම ඇති
ගීත් උදාර
