ෆොට්ටුවේ භුධ්ධි මතා ගොඩ

vee_kurulla

Well-known member
  • Dec 14, 2009
    1,258
    821
    113
    බටහිර ඖෂධයක් ලෙස 'සුදර්ශන' නමැති පැණිය ලබාදීම සඳහා කිසිදු නිර්දේශයක් තමා සිදු කර නොමැති බවත්, නමුත් ආයුර්වේදයේ තිබෙන සුදර්ශන චූර්ණය ආයුර්වේද ඖෂධයක් ලෙස යොදාගැනීමේ හැකියාවක් තිබෙන බවත් ඖෂධ නිෂ්පාදනය, සැපයීම හා නියාමන රාජ්‍ය අමාත්‍ය මහාචාර්ය චන්න ජයසුමන මහතා පැවසීය. සමගි ජන බලවේගයේ පාර්ලිමේන්තු මන්ත්‍රී හර්ෂ ද සිල්වා මහතා ඊයේ (03දා) පාර්ලිමේන්තුවේදී යොමු කළ ප්‍රශ්නයකට පිළිතුරු ලබාදෙමින් රාජ්‍ය අමාත්‍යවරයා මේ බව සඳහන් කළේය.

    එමෙන්ම 'සුදර්ශන’ නමැති පැණිය මෙම අවස්ථාවේ රජයේ රෝහල්වල රෝගීන් සඳහා ලබාදීමට හැකියාවක් නොමැති බවත්, ඒ සඳහා තවත් අදියර කිහිපයක් ඉදිරියට ගමන් කිරිමට තිබෙන බවත් එහිදී චන්න ජයසුමන මහතා පැවසීය.



    සමගි ජන බලවේගයේ පාර්ලිමේන්තු මන්ත්‍රී හර්ෂ ද සිල්වා -

    "පුවත්පතක මුල් පිටුවේ තියෙනවා ඔබ කිවා කියලා මේ සුදර්ශන කියලා ආයුර්වේද පැණියක් රජයේ රෝහල්වල භාවිත කරන්න කියලා. ඒක කිසිසේත්ම නුසුදුසුයි කියලා පරීක්‍ෂණ කණ්ඩායමක් ඉදිරිපත් කරලා කියනවා ඒක මිනිසුන්ගේ අත්හදා බලලා නෑ. සත්තුන්ගෙන් විතරයි අත්හදා බලලා තියෙන්නේ කියලා.”

    රාජ්‍ය අමාත්‍ය චන ජයසුමන -

    “අපේ සිසිර ජයකොඩි ඇමතිවරයා හරහා තමයි ඒ කණ්ඩායම පරීක්‍ෂණ වාර්තා සමග මා වෙත පැමිණියේ. මේක ආයුර්වේදයේ තිබුණ ඖෂධයක් ඇසුරින් බටහිර ක්‍රමවේදයකට අනුව පරීක්‍ෂණ පවත්වලා නිෂ්පාදනය කරලා තියෙන්නේ. මේක මේ මොහොතේ රජයේ රෝහලක රෝගීන්ට ලබාදීමේ හැකියාවක් නෑ. ඒ සඳහා තවත් අදියර කිහිපයක් ඉදිරියට ගමන් කරන්න ඕන. බටහිර ඖෂධයක් ලෙස ලබා දෙන්න. මම පැවසුවේ මේක පරීක්‍ෂණ මට්ටමින් යොදාගැනීම සඳහා අවශ්‍ය සායනික පහසුකම් රෝහල්වලට ලබාදීමේ හැකියාවක් තිබෙනවා. ඒ සඳහා අමාත්‍යවරයා ලෙස මැදිහත් වීමක් කරලා උදව් කරන්න පුළුවන් කියලා. ඒ නැතිව මේ රෝගීන්ට ලබාදීමට කිසිසේත්ම කතාවක් වුණේ නෑ.”


    පාර්ලිමේන්තු මන්ත්‍රී හර්ෂ ද සිල්වා -

    “එසේ නම් ඔබතුමා කියන්න රටටම ඔබ එවැනි නිර්දේශයක් කරලා නැහැ කියලා."


    රාජ්‍ය අමාත්‍ය චන්න පියසුමන -

    "ඔව්. පැහැදිලිවම බටහිර ඖෂධයක් ලෙස සුදර්ශන පැණිය ලබාදීම සඳහා කිසිදු නිර්දේශයක් කරලා නෑ. ඒත් ආයුර්වේදයේ තියෙනවා සුදර්ශන චූර්ණය කියන එක අවුරුදු දහස් ගාණක් යොදා ගත්ත දෙයක්. එය ආයුර්වේද ඖෂධයක් ලෙස යොදා ගැනීමේ හැකියාවක් තිබෙනවා."


    -දිනේෂ් සමරකෝන්-



    කොරෝනා සදහා දේශීය ඖෂධයක් අනුමත කෙරේ.. ‘සුදර්ශණ පැණිය’ රජයේ රෝහල්වල ආසාදිතයන්ට..

    October 27, 2020 at 12:02 am | lanka C news
    කොරෝනා සදහා දේශීය ඖෂධයක් අනුමත කෙරේ.. ‘සුදර්ශණ පැණිය’ රජයේ රෝහල්වල ආසාදිතයන්ට..

    කොරෝනා මර්දනය සඳහා දේශීය හා ආයුර්වේද ඖෂධද යොදා ගැනීමට රජය තීරණය කර තිබේ.

    ඒ අනුව එම ඖෂධ රජයේ රෝහල්වල කොරෝනා ආසාදිත රෝගීන් සඳහා ලබාදීමට මූලික එකගතාවකට පැමිණ තිබේ.

    ඒ අනුව දේශීය වෙදකම සහ ආයුර්වේද වෙදකමේ දීර්ඝ කාලයක් භාවිතා කරන ලද ‘සුදර්ශණ පැණිය’ කොරෝනා ආසාදිතයන්ට ලබා දීමට බලාපොරොත්තු වන බව රාජ්‍ය ඇමති මහාචාර්ය චන්න ජයසුමන මහතා සඳහන් කළේය.

    සුදර්ශන පැණිය ප්‍රතිශක්තිකරණය ඉහළ නැංවීමට සුදුසු බව සඳහා බටහිර වෛද්‍ය විද්‍යානුකූලව සිදුකරන ලද පරීක්ෂණවලින් තහවුරු වූ බව ඒ මහතා පැවසීය.


    එමෙන්ම ආයුර්වේද රෝහල් වලට කොරෝනා ආසාදිතයන් ඇතුලත් කර ඔවුනට ප්‍රතිකාර කිරීමේ මූලික එකඟතාවයකට පැමිණි බවද ඔහු පැවසීය.

    කොළඹ පැවති මාධ්‍ය හමුවකදී ඒ මහතා මේ බව කියා සිටියේය.