දිනය: 2023 මැයි 18
"Wolf-Rayet star" ගණයට අයත් "Ring Nebula"හි මධ්යයයේ පිහිටා තිබෙන "WR 134" නම් තාරකාව මගින් නිකුත් කරන තාරකාමය ද්රව්යයන්, "WR 134" තාරකාවෙහි හටගන්නා තාරකා සුළං මගින් විසිරුවා හැරීමේදී මෙම කලාපයෙහි වූ අනතරීක්ෂීය වළාකුළුවල අඩංගු වන වායු හා දූවිලි සමග ගැටීමේදී නිර්මාණය වූ දීප්ත්මත් චාපාකාර සීමාවන්ගෙන් යුක්ත වූ දැවැන්ත කවචයක් නැතහොත් බුබුළක ආකාරයක් ගත් ව්යුහය මගින් "Ring Nebula" ව උපත ලබා තිබේ."Wolf Rayet (WR)" තාරකාවන් ඉතා උණුසුම්, දැවැන්ත, දීප්තිමත් මෙන්ම ඉතාමත් කැළඹිලි සහගත වූ සුළං (තාරකා සුළං - Stellar winds) සහිත හා අයනීකෘත හීලියම්, නයිට්රජන් හෝ කාබන් විමෝචන තීරයන්ගෙන් යුක්ත වූ අසාමාන්ය ආකාරයේ ප්රභාමණ්ඩලයන්ගෙන් සමන්විත වූ තාරකා විශේෂයක් ලෙස සලකනු ලබයි.
දැවැන්ත තාරකාවක ආයු කාලය අවසාන වීමත් සමග සිදුවන දැවැන්ත සුපර්නෝවා (supernova) පිපිරීමක් මගින් එම තාරකාව කළු කුහරයක් හෝ ඝනත්වයෙන් ඉතා අධික නියුට්රෝන තාරකාවක් බවට පත්වීම සිදුවන අතර එවැනි සුපර්නෝවාවක් ඇති වීමට පෙර තාරකාවක් ගත කරන සීමිත වූ අවධිය ලෙස "Wolf-Rayet' තාරකාවක් ලෙසින් ද හැදින්විය හැකිය. පෘථිවියේ සිට ආලෝක වර්ෂ 6000 ක් ඈතින් පිහිටා ඇති, ආලෝක වර්ෂ 50 ක පමණ වූ වපසරියකට අයත් කලාපයක් පිහිටා ඇති මෙම "WR 134" නම් තාරකාව මගින් නිකුත් වෙමින් පවතින බර මූලද්රව්යයන් ඇතුළු අනෙකුත් අන්තරීක්ෂීය ද්රව්යයන්, අනාගතයේ බිහිවන තාරකාවන්ගේ නිර්මාණය සදහා ද මූලික ලෙස දායක වේ.
Image Credit & Copyright: Craig Stocks
WR 134 (Wolf-Rayet star)
Wolf–Rayet star
තාරකා බුබුළක ආකාරයෙන් නිර්මාණය වූ, ඩොල්ෆින් මත්ස්යයෙකුගේ හිසට සමාන ස්වරූපයක් ගත් අපූරු නිහාරිකාව: "Dolphin-Head Nebula" (Sh2-308) 
අනාගත මනුෂ්ය වර්ගයා අභ්යවකාශය ජයගනු ඇත්තේ කෙසේදැ'යි යන්න පුරෝකථනය කෙරෙන අපූරු ප්රබන්ධ කෙටි චිත්රපටය: 'Wanderers' 
