ලිපිය සැකසුම: ඕස්ට්‍රේලියා ජාතික විශ්වවිද්‍යාලය මගින් සිදුකරපු ගවේෂණයකදි තමයි මේ නවතම සොයාගැනීම කරලා තියෙන්නෙ. පෘථිවිය ස්ථර 4 කින් සමන්විත වන බව තමයි අපි මේ වන තෙක් දැනගෙන හිටියෙ. ඒවා තමයි,
- කබොල (Crust)
- ප්‍රාවරණය (Mantle) - ඉහළ හා පහළ ප්‍රාවරණය
- පිටත හරය (Outer Core)
- අභ්‍යන්තර හරය (Inner Core), විදිහටයි.
නමුත් මේ නවතම සොයාගැනීමත් සමගම පෘථිවිය ස්ථර 5 කින් සමන්විත වෙන බව දැන් ප්‍රකාශ කරන්න පුළුවන්. අභ්‍යන්තරම අභ්‍යන්තර හරය (Innermost Inner Core) ලෙසින් මේ නවතම ස්ථරය හදුන්වනවා. පෘථිවි හරය (Earth's core / Inner core) වගේම, යකඩ - නිකල් මිශ්‍ර ලෝහ සං‍යුතියකින් සැකසුණු මේ නව ගෝලාකාර ලෝහමය සථරය සැතපුම් 400 ක් පමණ ඝනකමකිනුත් යුක්ත වෙනවා කියලා මෙහිදී හොයාගෙන තියෙනවා. නමුත් පෘථිවි හරයට සාපේක්ෂව මේ නව ගෝලාකාර ස්ථරය ස්ඵටිකමය ස්වරූපයක් ගන්න බවත් එවැනි ස්වරූපයක් ගන්න, මෙම නව ස්ථරය හරහා පෘථිවි අභ්‍යන්තරයෙ (පෘථිවි කබොල හෝ ඉහළ මැන්ටලය/ප්‍රාවරණය යන ස්ථරයන්වල බොහෝ විට භූ කම්පන හට ගැනීම සිදුවෙනවා) ඇතිවන භූ කම්පනවලින් හටගන්න භූ කම්පන තරංග පෘථිවි හරයට සාපේක්ෂව එකිනෙක්ට වෙනස් වේගයන්ගෙන් ප්‍රතිරාවය වීම හේතුවෙලා තිබෙන බවත් මෙහිදී සොයාගෙන තිබෙනවා.
ඇලස්කාවේ හටගන්නා භූමිකම්පාවක් නිසා ඇතිවුණු භූ කම්පන තරංගයන්, පෘථිවියේ අභ්‍යන්තර හරය හරහා විනිවිද යන අයුරු නිරූපණය කෙරෙන රූප සටහනක්
Credit: Drew Whitehouse, Son Phạm and Hrvoje Tkalčic.
වැඩිදුර තොරතුරු
Earth’s Structure Has a Fifth Layer: Bouncing Seismic Waves Reveal Secrets of the Planet’s Inner Core
Last edited:
පෘථිවියට සාපේක්ෂව සූර්ය ගිනිදැල්ලක (Solar Prominence) විශාලත්වය 
