ලබන වසර වන විට මෙරට වාහන මිල තවත් පහත ගොස් ස්ථාවර මට්ටමකට පත්වනු ඇති බවට මහ බැංකු අධිපති ආචාර්ය නන්දලාල් වීරසිංහ මහතා විශ්වාසය පළකරයි.
මහ බැංකුවේදී පැවති මාධ්ය හමුවක් අමතමින් ඒ මහතා පැවසුවේ ජූලි මාසයේ සිට වාහන ආනයනය සඳහා විවෘත කරන ලද ණයවර ලිපි ලේඛන හේතුවෙන් ආනයනය යම් ආකාරයකින් වැඩි වුවද වර්තමාන දත්ත අනුව එම ක්රමයෙන් පහත වැටෙමින් ඇති බවයි.
ජූලි අගෝස්තු සහ සැප්තැම්බර් මාසවලට සාපේක්ෂව මෙම පහත වැටීම කැපී පෙනෙන බව අධිපතිවරයා පෙන්වා දෙයි.
ඒ සමඟම වාහන ආනයන මිල ද නොවැම්බර් සහ දෙසැම්බර් මාසවලදී අඩු වීගෙන යන බව ඔහු සඳහන් කළේය.
මේ හේතුවෙන් වෙළඳපොළ යම්කිසි ස්ථාවරත්වයක් කරා ගමන් කරන බව ද අධිපතිවරයා ප්රකාශ කළේය.
මහ බැංකුව වසර මුලදී සමස්ත වාහන ආනයන සඳහා ඩොලර් බිලියන 1.2ක ඇස්තමේන්තුවක් සකස් කර තිබුණි.
අධිපතිවරයාගේ පුරෝකතනය වන්නේ මේ වන විට පෙන්නුම් කළ ඉල්ලුම සම්පූර්ණ වී අවසන් බැවින් මෙම ඉල්ලුම අඩු වීගෙන යන බවයි.
