"supernova remnant" එකක් යනු, තාරකාවක ආයුකාලය අවසන්වීමත් සමග සිදුවන සුපර්නෝවා පිපිරීමකට පසුව ඉතිරි වන දැවැන්ත අවශේෂයන් ව්යුහය ලෙස හැදින්විය හැකියි. ඇමරිකාවේ නාසා ආයතනයට හා යුරෝපානු අභ්යවකාශ ඒජන්සියට (European Space Agency - ESA) අයත් "ජේම්ස් වෙබ්" අභ්යාකාශ දුරේක්ෂයෙහි (James Webb Space Telescope) පවතින අධෝරක්ත කිරණ මාධ්ය උපකරණයක් වන "Mid-Infrared Instrument (MIRI)" නම් කැමරාව මගින් ලබාගත් දත්තයන් ඇසුරෙන් සකස් කළ පහත දැක්වෙන අධෝරක්ත කිරණ ඡායාරූපය (Infrared image) මගින් ද නිරූපණය කෙරෙනුයේ මෙවැනි සුපර්නෝවා අවශේෂයකි. "Cassiopeia A" (Cas A) ලෙස හදුන්වන, "type IIb supernova" ගණයට අයත් මෙම "සුපර්නෝවා අවශේෂය" (supernova remnant) පෘථිවියේ සිට ආලෝක වර්ෂ 11000 ක් පමණ ඈතින්, 'Cassiopeia' නම් තාරකා රාශියට අයත්ව පිහිටා ඇති අතර මෙම සුපර්නෝවා අවශේෂයට අයත් ප්රදේශයෙහි විෂ්කම්භය ආලෝක වර්ෂ 10 ක පමණ අගයක් ගනී.
මෙම සුපර්නෝවා අවශේෂයට අයත් බාහිර ව්යුහයෙහි ඉහළ හා වම්පසින් වූ ප්රදේශවල දිස්වන තැඹිලි හා රතු පැහැය, සුපර්නෝවා අවශේෂයෙහි පවතින උණුසුම් දූවිලි මගින් සිදුවන විමෝචනය හේතුවෙන් හටගෙන ඇත. මෙමගින් මෙම සුපර්නෝවා අවශේෂය නිර්මාණය වීමට හේතු වූ දැවැන්ත තාරකාවෙහි හටගත් සුපර්නෝවා පිපිරීමෙන් නිකුත් වූ ද්රව්යයන්, ඒ වටා වූ පරිස්ථිතික ද්රව්යයන් (circumstellar material) ආකාරයෙන් එක් රැස් වී ඇති අයුරු පිළිබිඹු කරයි. මෙම "Cassiopeia A" හි බාහිර ව්යුහයේ සිට අභ්යන්තරය තෙක් පැතිර පවතින දීප්තිමත් රෝස පැහැයක් ගත් පැල්ලම් ආකාරයේ දූවිලි හා වායු සූත්රිකාවන් රාශියක් ද මෙහිදී නිරීක්ශනය කළ හැකි අතර ඒවා පොකුරු ආකාරයෙන් තැනින් තැන විසිරී පවතී.
මෙම සූතිකාවන් මගින්, තාරකාවෙහි සිදු වූ සුපර්නෝවා පිපිරීමත් සමග නිකුත් වූ ද්රව්යයන් නියෝජනය කරන අතර ඒවායේ පවතින දිදුළන ස්වභාවය සදහා ඒවායේ අඩංගු වී පවතින බර මූලද්රව්යයන්ගේ සිදුවන සම්මිශ්රනයන් හා දූවිලි වල ඇතිවන විමෝචන ක්රියාවලියත් හේතු වී ඇති බව තාරකා විද්යාඥයන්ගේ මතය වී තිබේ. මීට අමතරව සුපර්නෝවා පිපිරීමත් සමග නිකුත් වූ තාරකාමය ද්රව්යයයන් (stellar material), "Cassiopeia A" හි වූ මධ්ය කුහරය/කවචය (Central cavity) අසලින් වන්නටව ඇති ප්රභාහීන (fainter) අයුරෙන් දිස්වන කුඩා ප්රදේශයන් මගින් නිරූපණය කරයි. මේ අතර කොළ වර්ණයෙන් නිරූපණය වන ලූපයක් (Loop) "Cassiopeia A" (Cas A)'හි මධ්ය කුහරයේ දකුණු පැත්ත හරහා විහිදී ගොස් ඇති අයුරු නිරීක්ශනය කළ හැකි අතර එහි හැඩය හා සංකීර්ණත්වය පිළිබදව වූ කරුණු තාරකා විද්යාඥයන් අතර මතභේදයට තුඩු දී ඇත.
Credits: NASA, ESA, CSA, D. D. Milisavljevic (Purdue), T. Temim (Princeton), I. De Looze (Ghent University). Image Processing: J. DePasquale (STScI).
ක්ෂීරපථය මන්දාකිණිය මධ්යයයේ පවතින "Sagittarius A" කළු කුහරයට ආසන්නයෙන් පිහිටි, බිහිවෙමින් පවතින තාරකාව 
'Methalox' නම් ශීතකාරක රොකට් ඉන්ධනයන් දවාලන, ත්රිමාන පිටපත් තාක්ෂණය යොදාගනිමින් නිර්මාණය කළ ලොව ප්රථම රොකට්ටුව: "Terran 1" 
