හලාල් මෙරටින් තුරන් කිරීමේ අරමුණ ඇතිව බොදු බල සේනා සංවිධානය විසින් පසුගියදා නුවර බලා පිටත්වීමට රථවාහන පෙළපාලියක් ආරම්භ කෙරිණි. එහිදී දළදා වහන්සේ වන්දනාමාන කොට හලාල් ඉවත් කිරීමට මෙරට පාලකයින්ට බුද්ධිය පහලවීමට පිං පැතීම තම සංවිධානයේ අරමුණ වී ඇති බවට ගලගොඩ අත්තේ ඥාණසාර හිමියන් මාධ්ය වෙත අදහස් දක්වා තිබිණි.
කෙසේ වෙතත් අනාවරණය වන අන්දමට මෙය හදිසියේම බොදු බල සේනා සංවිධානයට ලැබුණු කොන්ත්රාත්තුවකි. මේ වනවිට රට තුළ කැසිනෝ ව්යාපාර ආරම්භ කිරීම පිළිබඳ විශාල විරෝධයක් මතුවී තිබීමත් විපක්ෂයේ දේශපාලන පක්ෂ සහ ආගමික නායකයින් ආණ්ඩුවේ මෙම තීරණයට එරෙහිව මත දැක්වීමත් හමුවේ එය යටපත් කරලිය යුතු බවට ආණ්ඩුවේ අවධානය යොමුවී තිබේ.
ඒ අනුව යටපත් වී තිබූ හලාල් මාතෘකාව නැවතත් සමාජගත කරමින් රථවාහන පෙළපාලියක් සංවිධානය කිරීමට බොදුබල සේනා සංවිධානය කටයුතු කර ඇති බව වාර්තා වේ. කැසිනෝ විරෝධය තව තවත් උත්සන්න වීමට පෙර සමාජ අවධානය වෙනතකට යොමු කරවීමට තවත් ක්රියාමාර්ග ගන්නා ලෙසට අන්තවාදි බොදුබල සේනා සංවිධානයට උපදෙස් ලැබී ඇති බවද සඳහන්ය..
