කතරගම කිරිවෙහෙර විහාරාධිපති කොබවක ධම්මින්ද හිමියන්ට වෙඩි තැබීමේ සිද්ධියේ ප්රධාන සැකකරු කිරිවෙහෙර මහසෙන් දේවාලයේ
ප්රධාන කපු ධුරය දැරූ අසේල බණ්ඩාර නමැති පුද්ගලයා වන බවට පොලිස් පරීක්ෂණ වලදී අනාවරණය කරගෙන තිබෙනවා.
මෙයට හේතුව මහසෙන් දේවාලයේ අයිතිය සම්බන්ධයෙන් ඇතිවූ ගැටළුවක් බව පොලිසිය පවසයි. මේ අතර පොලිස් විශේෂ කාර්ය බලකාය
එක්ව සැකකරුගේ නිවස විශේෂ පරික්ෂාවට ලක්කර ඇති අතර එහිදී කඩුවක්, කිනිසි 2ක් සහ ජීව පතොරම් 10ක් සොයාගෙන තිබෙනවා.
මේ වන විට සැකකරු ප්රදේශයෙන් පලාගොස් ඇති අතර ඔහුව අත්අඩංගුවට ගැනීම සඳහා පොලිස් කණ්ඩායම් 8ක් විමර්ශන සිදු කරනවා.
වෙඩි තැබීම සඳහා පුද්ගලයින් තිදෙනෙක් පැමිණ තිබු අතර ඔවුන් පැමිණි ජීප් රථය කතරගම පුදබිම ආසන්නයේ දමා ගොස් තිබියදී සොයාගනු ලැබුවා.
නාහිමියන් හට මෙම වෙඩි ප්රහාරය එල්ලවී තිබුනේ පෙරේදා (12) රාත්රියේ ආගමික වතාවත් වලින් පසු උඩ මළුවේ සිට වැඩම කරමින් සිටියදීය.
වෙඩි ප්රහාරයට ලක්වීමෙන් පසු උන්වහන්සේ දෙබරවැව මුලික රෝහලට ඇතුලත් කෙරුණු අතර පසුව වැඩිදුර ප්රතිකාර සඳහා හම්බන්තොට
මහරෝහලට මාරු කර යවා තිබෙනවා. එහිදී නාහිමියන්ට පැය 5ක ශල්යකර්මයක් සිදුකර ඇති අතර ඊයේ (13) පස්වරුවේ උන්වහන්සේ කොළඹ
ජාතික රෝහල වෙත රැගෙන එනු ලැබුවා. සිරුර තුල උණ්ඩ කැබලි කිහිපයක් තිබීම හේතුවෙන් ඊයේ රාත්රියේ ද උන්වහසේ සැත්කමකට ලක්කර තිබෙනවා.
