What A Voice
මිනිස් ලෝකයේ පැවැත්ම රඳා පවතින්නේ ගැහැනු පිරිමි සංවාසය මත බව අපි හොඳින් දනිමු. මෙය නියතයක් ය. මෙම ක්රියාව සභ්ය ආකාරයෙන් පවත්වාගෙන යාමට අප අතර ඇති එකම ආකාරය විවාහය යි.
කෙසේ වෙතත් විවාහය යනු එකිනෙකට වෙනස් වූ ශරීරයක වෙනස් වූ මනසක් සහ වෙනස් වූ පරිසරයක වෙනස් වූ ජීවිතයක් ගත කළ දෙදෙනෙක් එකට වාසය කිරීමට තීරණය කරමින් එකිනෙකා අතිනත ගැනීම බව සිහි තබාගැනීම නුවණට හුරු වේ.
හැකි සෑම ආකාරයෙන් ම සිපවැළඳ ගෙන ආදරයෙන් ජීවත් වීමට උත්සහ දැරුවත් එකිනෙකා සමග අමනාප වන අවස්ථා එමට ය. ඇතමෙක් කුඩා ප්රශ්නයක පැටලී එය විවාහය දෙකඩ වන තැනට ම පවත්වාගෙන යන අවස්ථා අප සමාජයේ බහුලව ඇත. එහිදී තවත් ගැටලුම මිස සුවයක් නම් ගෙනෙන්නේ නැත.
*අප ජීවත් වන්නේ පුරුෂ මූලික සමාජයක් තුළයි. එය යහපතකි. නමුත් මෙහිදී පුරුෂ මූලික සමාජයක් තුළ පිරිමියා හැසිරෙන ආකාරය නිවැරදි ද? එය සොයා බැලිය යුතුයි. කෙනෙක් යම් තැනක මූලික වනවා නම් එම තැනැත්තා ශක්තිමත් විය යුතුය. අවබෝධයෙන් සිටිය යුතුය. නිවැරදි දැක්මක් තිබිය යුතුමය. ආදරය කරුණාව තිබිය යුතුමය. සමාව දීමට, සමාව ගැනීමට ධෛර්යය තිබිය යුතුමය. විශේෂයෙන් විවාහය තුළ දී දැඩිවම මෙම කාරණා අවබෝධයෙන් පවත්වා ගත යුතුය.
අප සමාජයේ බහුලව ඇත්තේ ප්රශ්න සහ ගැටලු මය. හේතුව පිරිමියාගේ නොමනා හැසිරීම් ය ; ඉවසීමක් නොමැති, තනි තීරණ තුළ ජීවත් වන, නිවැරදි දැකීමෙන් තොරව ජීවිතය ගත කිරීමය. මෙහිදී එක් කාරණාවක් කිව යුතුය. එනම්, යම් තැනක පිරිමියා ශක්තිමත් නම් එතැන සියල්ලම ශක්තිමත් බවය.
පිරිමියා ගේ කාර්යය විය යුත්තේ කුමක් ද? තමන් යහපත් ජීවිතයක් සාදාගෙන, අවශ්ය නම් තමන් කැමති ගැහැනිය සමග අතිනත ගෙන එම ගැහැනිය ට හොඳින් සැලකීමය. ආදරයෙන් රැක බලා ගැනීමය. අවුල් නිරවුල් බවට පත් කිරීමය. තනි තීරණ වලට එළැඹීමට නොහැකි බව මතක තබාගත යුතුය. මොනයම් ප්රශ්න සහ ගැටලු පැමිණියත් නිදහස් මනසකින් යුතුව අවබෝධයෙන් සිටිය යුතුය. කිසිවිටකත් ප්රශ්න මහහැරීමට වෙනත් තාවකාලික විසඳුම් සොයා යාම නොකළ යුතුය. තමන්ගේම කැමැත්ත මත ගැහැනියක් සමග අතිනත ගත්තා නම් එයට අසාධාරණයක් නොවිය යුතුය. *මක් නිසාද මූලිකත්වය දරන්නේ පිරිමියා නිසා ය. ශක්තිමත් විය යුත්තේ ද පිරිමියා නිසා ය.
ජීවත් වීම යනු අවශ්ය විටදී පමණක් අවබෝධයෙන් සිටීමද, සෑම විටම අවබෝධයෙන් සිටීමද යන්න අප විසින් ම තීරණය කළ යුත්තකි.
තම බිරිඳ ට අතිශයෙන් ආදරය කිරීමෙන් අප සමාජයත්, අප අනාගතයත් සුන්දර කළ හැකි බව සිතේ. කලින් කියූ පරිදි වෙනම ජීවිතයක් ගත කළ දෙදෙනෙක් එකට සිටීම එතරම් ලෙහෙසි පහසු කරුණක් නොවන නමුත්, එය එසේ තීරණය කර අවසන් නම් ඇයව රැකබලාගත යුතුමය. ඉතා ආදරයෙන් ලංවිය යුතුය. ඉතා ආදරයෙන් සිපගත යුතුය. අවශ්ය විට දී සමාව ගත යුතුය. එවැනිම සමාව දිය යුතුය. සියලු දේ විඳ දරාගෙන ශක්තිමත් මනසකින් ජීවිතය දෙස බැලිය යුතුය. එවිට අප සිතන සූන්දර සමාජයක්, ලෝකයක් නිර්මාණය කළ හැකිය.
විවාහය යනු ලෝකයේ පැවැත්ම යි. විවාහය යනු නිකැලැල් ආදරය යි. විවාහය සමාජ අශිර්වාදය යි. විවාහය යනු සමාජ පිළිවෙල යි. කොටින් ම විවාහය යනු සුන්දරම ජීවිතය යි. මක් නිසාද, අප සියල්ලම සුන්දර විවාහයේ ප්රතිඵල නිසා ය.
සතුට ඇත්තේ ආදරයේ මිස අනාදරයේ නොවන බවද, අමනාප වීම අසහනය ම ගෙන දෙන බව ද යන කාරණා සියල්ලම සිහි තබාගෙන මෙපමණ කලක් ඇයට ආදරය ප්රකාශ නොකළේ නම් දැන් එයට කාලය එළැඹී ඇත. ආදරය ප්රකාශ කළේ නම් නැවත නැවතත් එය එසේ කිරීමට කාලය එළැඹී ඇත. වැරදි සිදු වුනේ නම් සමාව ගැනීමට කාලය එලැඹී ඇත. වැරදි සිදු නොවුනා නම් එම විශිෂ්ට ගුණය නැවත නැවතත් රැක ගැනීමට කාලය එළැඹී ඇත. පවසන්න ආදරයෙන් සෑම විටම ඇය තමන්ගේ ජීවිතයේ සුවඳ බව. පවසන්න තමන් සෑදූ මාලිගයේ රැජිණ ඇය බව.
මේ ඔබගේ ගීතය යි. නීත්යානුකූල අවංක ආදරවන්තයින්ගේ ආදරයේ ගීතය යි. රස විඳින්න. ගයන්න ඇය වෙනුවෙන්. මේ "ආදරයේ ගීතය" යි.
