ජැක්ලීන්ගේ බහරේන් සිහිනය බිඳවැටෙයි
තවමත් 26 හැවිරිදි වියෙහි පසුවන ජැක්ලීන් මැදපෙරදිග රාජකීය පවුලක සාමාජිකයකු ශෙයික් හසන් බින් රෂිඩ් අල් ඛලිෆා සමග ඇය විවාහවීමට තීරණය කර ඇති බව පසුගියදා ඉන්දීය මාධ්ය වාර්තා කර තිබිණි. මීට වසර කිහිපයකට පෙර ජැක්ලීන් හා ශේක් ඔවුන් දෙදෙනාගේම මිතුරෙකුගේ නිවසේ පැවති සාදයකදී හමුවී ඇති අතර ඔවුන් අතර ඉතා කෙටි කාලයක් තුළ සමීප සබඳතාවයක් ගොඩනැගී ඇති බව ද වාර්තා විය. ඒ වනවිට දෙදෙනා අතර පවතින සබඳතාවය වඩාත් ස්ථිර කරගැනීමට ජැක්ලීන් සහ ෂේක් තීරණය කර ඇති බවත්, ඔවුන් සිය විවාහ ගිවිසගැනීම සැලසුම් කරමින් සිටින බව ද ඉන්දීය මාධ්ය වාර්තා පෙන්වා දී තිබිණි.
නමුත් ජැක්ලීන් හා මෙම බහරේන් කුමරු අතර පැවති වසර 02 ක් පැරණි පෙම් සබඳතාවය හදිසියේම බිඳවැටී ඇති බව ඉන්දීය මාධ්ය වාර්තා පවසයි
. විවාහය පිළිබඳව එකඟතාවයකට පැමිණීමට අපහසුවීම දෙදෙනාගේ මෙම වෙන්වීමට හේතු වී ඇති බව වාර්තා වේ. නවක රංගන ශිල්පිණියක වන ජැක්ලීන්ට ක්ෂේත්රය තුළ වඩාත් ස්ථාවර මට්ටමක් ගොඩනඟා ගැනීමට අවශ්යව ඇති නමුත් ඇයගේ පෙම්වතා වූ අල් ඛලිෆාට ඉක්මනින් විවාහ දිවියට ඇතුළුවීමට අවශ්යව තිබීම මෙම වෙන්වීමට ආසන්නතම හේතුව වී ඇති බව ඉන්දීය මාධ්ය වාර්තා සඳහන් කරයි. විශේෂයෙන් සිය රංගන වෘත්තීය කෙරෙහි ජැක්ලීන් ඇයගේ පූර්ණ අවධානය යොදවා තිබීම ඇය හා ඇයගේ පෙම්වතා අතර දුරස්ථබව තවදුරටත් වර්ධනය කර ඇති බව ද එම මාධ්ය වාර්තා පෙන්වා දී තිබේ. රංගනය කෙරෙහි ජැක්ලීන් මහත් ඇල්මක් දක්වන බව මෙන්ම චිත්රපට සඳහා ගිවිසුම් අත්සන් කිරීම ඇය විසින් කිසිදු අවස්ථාවක අත්නොහරින බව ඛලීෆා දැනුවත් ඇති අතර ඔහු සිය සහයෝගය සෑම අවස්ථාවකදීම ජැක්ලීන් වෙත ලබා දී ඇති බව ද සඳහන්ය. නමුත් වෘත්තිය කෙරෙහි පවතින ඇල්ම පෙම්වතා කෙරෙහි ඇයගේ අවධානය ඈත්කරවීමට සමත්ව තිබෙන බව මාධ්ය වාර්තා පෙන්වාදෙයි. ඔහු කෙරෙහි වන ජැක්ලීන්ගේ ප්රේමය ක්රමයෙන් අඩුවී යාමට පටන්ගෙන ඇති බව ද සඳහන්ය. ඒ තුළින් ජැක්ලීන් හා බහරේන් කුමරු අතර වන ප්රේමය ඒකපාර්ශවික ප්රේමයක් බවට පත්ව ඇති අතර එමනිසාම සිය සබඳතාවයට අවසන් තිත තැබීමට මෙම යුවල තීරණය කර ඇති බව ඉන්දීය මාධ්ය වාර්තා පවසයි.
මෙහෙමත් ලෝකයක්
Source
Last edited:
