මධ්යම තැපැල් හුවමාරුවේ තිබූ විදේශ ගමන් මලූ 3 ක දේපළ සොරකම් කිරීමේ සිද්ධිය සම්බන්ධයෙන් පුද්ගලයින් 8 දෙනෙකු පොලීසිය අත්අඩංගුවට ගෙන තිබෙනවා. පොලිස් මාධ්ය ප්රකාශක ජ්යෙෂ්ඨ පොලිස් අධිකාරී අජිත් රෝහණ සඳහන් කළේ කොටුව පොලීසිය විසින් අත්අඩංගුවට ගත් මෙම පිරිස අතර තැපැල් ස්ථානාධිපතිවරයෙකු, මධ්යම තැපැල් හුවමාරුවේ පාර්සල් අංශයේ ස්ථානාධිපතිවරයෙකු, කාර්යාල කාර්ය සහයකයෙකු, ආදේශක කම්කරුවෙකු සහ තවත් හතරදෙනෙකු වන බවයි.
පසුගිය මැයි මස 3 වැනිදා ඩුබායි සිට මෙරටට එවන ලද විදේශ ගමන් මලූ 3 ක් අයිතිකරුවන් විසින් රැගෙන නොයාම සම්බන්ධයෙන් ඇතිවූ සැකයක් මත එම පාර්සල් විවෘත කිරීමේදී ඒ තුළ පත්තර සහ කොන්ක්රීට් පතුරු දමා ඇති බවට කොළඹ මධ්යම තැපැල් හුවමාරුවේ විදේශ තැපැල් අංශයේ අධිකාරිවරයා කොටුව පොලීසියට පැමිණිලි කර ඇත්තේ පසුගිය 8 වැනිදායි. මේ සම්බන්ධයෙන් සිදුකළ දීර්ඝ විමර්ශනවලදී හෙළිවී ඇත්තේ මධ්යම තැපැල් හුවමාරුවේ සේවය කළ නිලධාරීන් විසින් රුපියල් එක්ලක්ෂ දස දහසක මුදලකට මෙම පාර්සල් මාරුකර වෙනත් පාර්සල් ඇතුළත් කර ඇති බවයි.
මාරු කිරීමට පෙර මෙම පාර්සල්වල ජංගම දුරකථන 173 ක් සහ ටැබ් යන්ත්ර 4ක් පිටකොටුව ප්රදේශයේ වෙළඳසැලක තිබී සොයාගෙන තිබෙනවා.
News එකේ හැටියට බඩු ගෙන්නපු එවුන්මයි ඔරිජිනල් පාර්සල් වලට හොර ඒව දම්මලා ෆෝන් ටික පන්නගෙන තියෙන්නෙ
