වාහන මිල අඩුකරන හැටි වාහන ආනයනකරුවන්ගේ සභාපති පහදයි
2015 අයවැය මගින් මෝටර් රථ සඳහා හඳුන්වා දුන් නව සරල බද්ද හේතුවෙන් එන්ජින් ධාරිතාවය 1000 ට අඩු මෝටර් රථ සහ වෑන් රථවල මිල ගණන්වල කැපී පෙනෙන අඩුවීමක් සිදුවනු ඇතැයි ලංකා වාහන ආනයන කරුවන්ගේ සංගමයේ සභාපති සම්පත් මෙරෙංචිගේ මහතා අප සමග සඳහන් කළේය.
ඔහු පැවසුවේ හයිබ්රීඩ් මෝටර් රථ හා ජපන් මෝටර් රථවල මිල ගණන්ද සුළු වශයෙන් අඩුවිය හැකි නමුත් එය කැපී පෙනෙන අඩුවීමක් නොවනු ඇති බවයි.
කෙසේවෙතත්, එම මෝටර් රථ වලටත් හැකි පමණ සහනයක් ලබාදීමට බලාපොරොත්තු වනබව මෙරෙංචිගේ මහතා පැවසීය.
“වෑන් රථවල විශාල ඉල්ලුමක් තිබුණා. අවශ්යතාවයට අපට ආනයනය කිරීමේ හැකියාවක් තිබුණෙ නෑ. ඒ ගැන රජය සලකා තුනෙන් එකක් විතර බදු අඩුකරල තිබෙනවා. වෑන් රථ ආනයනය කිරීමට ඉදිරියේදී විශේෂ ඉඩ ප්රස්ථාවක් තිබෙනවා.“
යනුවෙන් ඔහු පැවසීය.
මෝටර් රථ ආනයනය කිරීමේදී සරල බදු ක්රමයක් ක්රියාත්මක කරන ලෙස වාහන ආනයන කරුවන් රජයෙන් ඉල්ලා සිටි බවත් මෙවර අයවැයෙන් එය ක්රියාත්මක කිරීම ජයග්රහණයක් බවත් හෙතෙම කීය.
මෝටර් රථ ආනයනයේදී අයකරන බදු සරල කිරීම නිසා බදු පැහැර හැරීම අඩුවී රාජ්ය බදු ආදායම වැඩිවන බව ඔහු පැවසීය.
2015 අයවැය මගින් මෝටර් රථ හා වෑන් ආනයනය වෙනුවෙන් පැනවූ නව බදු සංශෝධන හේතුවෙන් මෝටර් රථවල රේගු බදු සියයට 20-25 අතර ප්රමාණයකින් සහ වෑන් රථ සඳහා රේගු බදු සියයට 25-65 අතර ප්රමාණයකින් අඩුවන බව මුදල් අමාත්යංශයේ නියෝජ්ය ලේකම්වරයා අප සමග ඊයේ කීය.
මුදල් අමාත්යංශයේ නියෝජ්ය ලේකම් එස්.ආර්. ආටිගල මහතා අප සමග පැවසුවේ මෙම අයවැය යෝජනාව ඊයේ මධ්යම රාත්රියේ සිට ක්රියාත්මක බවත් මේ නිසා අනිවාර්යෙන්ම මෝටර් රථවල හා වෑන් රථවල මිල අඩුවන බවයි.
“මෝටර් රථ හා වෑන් රථ ආනයනයේදී තිබූ බදු සියල්ල එකතු කර විශේෂ බද්දක් මෙවර අයවැය මගින් හඳුන්වා දී තිබෙනවා. මේ නිසා, මෙම වාහනවල මිල අනිවාර්යෙන්ම අඩුවෙනවා.“
යනුවෙන් ආටිගල මහතා කීය.
මෙම නව බදු සංශෝධනයට අනුව එන්ජින් ධාරිතාවය 1000 ට අඩු මෝටර් රථ ආනයනයේදී තිබූ සියයට 202 ක් වන බදු සියයට 173 දක්වා අඩුකර තිබේ.
මේ අනුව, කුඩා මෝටර් රථවල ආනයන බදු සියයට 29 කින් පමණ පහළ යනු ඇත.
වෑන් රථ ගත්විට භාණ්ඩ ප්රවාහනය කරන වෑන් රථවල සියයට 175 කට තිබූ බද්ද සියයට 100 ක් දක්වාත් ආසන 13-20 ත් අතර තිබෙන වෑන් රථවල ආනයන බදු සියයට 126 ක සිට සියයට 100 ක් දක්වාත් අඩුකර ඇත.
– adaderanabiz.lk
2015 අයවැය මගින් මෝටර් රථ සඳහා හඳුන්වා දුන් නව සරල බද්ද හේතුවෙන් එන්ජින් ධාරිතාවය 1000 ට අඩු මෝටර් රථ සහ වෑන් රථවල මිල ගණන්වල කැපී පෙනෙන අඩුවීමක් සිදුවනු ඇතැයි ලංකා වාහන ආනයන කරුවන්ගේ සංගමයේ සභාපති සම්පත් මෙරෙංචිගේ මහතා අප සමග සඳහන් කළේය.
ඔහු පැවසුවේ හයිබ්රීඩ් මෝටර් රථ හා ජපන් මෝටර් රථවල මිල ගණන්ද සුළු වශයෙන් අඩුවිය හැකි නමුත් එය කැපී පෙනෙන අඩුවීමක් නොවනු ඇති බවයි.
කෙසේවෙතත්, එම මෝටර් රථ වලටත් හැකි පමණ සහනයක් ලබාදීමට බලාපොරොත්තු වනබව මෙරෙංචිගේ මහතා පැවසීය.
“වෑන් රථවල විශාල ඉල්ලුමක් තිබුණා. අවශ්යතාවයට අපට ආනයනය කිරීමේ හැකියාවක් තිබුණෙ නෑ. ඒ ගැන රජය සලකා තුනෙන් එකක් විතර බදු අඩුකරල තිබෙනවා. වෑන් රථ ආනයනය කිරීමට ඉදිරියේදී විශේෂ ඉඩ ප්රස්ථාවක් තිබෙනවා.“
යනුවෙන් ඔහු පැවසීය.
මෝටර් රථ ආනයනය කිරීමේදී සරල බදු ක්රමයක් ක්රියාත්මක කරන ලෙස වාහන ආනයන කරුවන් රජයෙන් ඉල්ලා සිටි බවත් මෙවර අයවැයෙන් එය ක්රියාත්මක කිරීම ජයග්රහණයක් බවත් හෙතෙම කීය.
මෝටර් රථ ආනයනයේදී අයකරන බදු සරල කිරීම නිසා බදු පැහැර හැරීම අඩුවී රාජ්ය බදු ආදායම වැඩිවන බව ඔහු පැවසීය.
2015 අයවැය මගින් මෝටර් රථ හා වෑන් ආනයනය වෙනුවෙන් පැනවූ නව බදු සංශෝධන හේතුවෙන් මෝටර් රථවල රේගු බදු සියයට 20-25 අතර ප්රමාණයකින් සහ වෑන් රථ සඳහා රේගු බදු සියයට 25-65 අතර ප්රමාණයකින් අඩුවන බව මුදල් අමාත්යංශයේ නියෝජ්ය ලේකම්වරයා අප සමග ඊයේ කීය.
මුදල් අමාත්යංශයේ නියෝජ්ය ලේකම් එස්.ආර්. ආටිගල මහතා අප සමග පැවසුවේ මෙම අයවැය යෝජනාව ඊයේ මධ්යම රාත්රියේ සිට ක්රියාත්මක බවත් මේ නිසා අනිවාර්යෙන්ම මෝටර් රථවල හා වෑන් රථවල මිල අඩුවන බවයි.
“මෝටර් රථ හා වෑන් රථ ආනයනයේදී තිබූ බදු සියල්ල එකතු කර විශේෂ බද්දක් මෙවර අයවැය මගින් හඳුන්වා දී තිබෙනවා. මේ නිසා, මෙම වාහනවල මිල අනිවාර්යෙන්ම අඩුවෙනවා.“
යනුවෙන් ආටිගල මහතා කීය.
මෙම නව බදු සංශෝධනයට අනුව එන්ජින් ධාරිතාවය 1000 ට අඩු මෝටර් රථ ආනයනයේදී තිබූ සියයට 202 ක් වන බදු සියයට 173 දක්වා අඩුකර තිබේ.
මේ අනුව, කුඩා මෝටර් රථවල ආනයන බදු සියයට 29 කින් පමණ පහළ යනු ඇත.
වෑන් රථ ගත්විට භාණ්ඩ ප්රවාහනය කරන වෑන් රථවල සියයට 175 කට තිබූ බද්ද සියයට 100 ක් දක්වාත් ආසන 13-20 ත් අතර තිබෙන වෑන් රථවල ආනයන බදු සියයට 126 ක සිට සියයට 100 ක් දක්වාත් අඩුකර ඇත.
– adaderanabiz.lk
