වැක්සීන් එක මොකක්ද, කින්ද මංද කියලා කියන්න නෙමෙයි ත්රෙඩ් එක දැම්මේ. ඒ ගැන ඕනේ නම් Oxford–AstraZeneca vaccine කියලා google search කරලා බලහන්. මේක දැම්මේ වැක්සීන් එක ගැහුවම වෙන දේ ගැන කියන්න පෞද්ගලික අත්දැකීමෙන්.
වැක්සීන් එක ගහන්නේ අතේ ඩෙල්ටොයිඩ් මසල් එකට. ගහද්දි පොඩ්ඩක්වත් රිදෙනෙ නෑ.
පැය 12 ක් යනකන් කිසිම අවුලක් නෑ. හැබැයි පැය 12 පැන්න ගමන් මද රස්නේ උණක් එනවා තද වෙව්ලිල්ලක් එක්ක. ඒ වෙව්ලන එක මොනවා කරත් අඩු වෙන්නේ නෑ. බ්ලැන්කට් එකෙන් සර්වාංගෙම වැහුවත් අඩු වෙන්නේ නෑ, ගුලි ගැහුනත් අඩුවෙන්නේ නෑ. ටික වෙලාවකින් උණ බැහැලා යනවා දාඩිය දාගෙන හැබැයි ආයේ පැනඩෝල් බීලා පැය 6 ලංවෙද්දි ආයේ උණ එනවා.
රෑ එලි වෙනකන් නින්ද යන්නෙ නැතිම තරම්. පොඩ්ඩ පොඩ්ඩ නින්ද යනවා.ඒ අස්සේ පොඩි පොඩි හීනත් පේනවා. වෙව්ලද්දි ඇහැරෙනවා. ඊට පස්සේ නින්ද යන්නේ නෑ. පැයක් විතර ගිහින් කියලා හිතන් ෆෝන් එක බලද්දි විනාඩි 15 ක් ගිහින් ඇති. උදේ වෙන්නෙ නෑ කියලා හිතෙනවා.
උණත් එක්ක උදේ වෙද්දි පට්ටම තද ඔලුවේ කැක්කුමක් එනවා ඔලුවට පොල්ලෙන් ගහලා වගේ. ඒකත් එන්නේ පැනඩෝල් ඊගාව ඩෝස් එකට පැය 6 ලන් වෙද්දි පැනඩෝල් ගහලා පැයෙන් විතර අඩු වෙලා යනවා. ඇස් දෙකෙන් දුම් පිට වෙනවා වගේ, විසික් වෙනවා වගේ. ඇවිදින්න බෑ. ජොයින්ට් නැමෙන්නේ නෑ. මාංශ පේශි එකින් එක රිදෙනවා 100 කගෙන් විතර ගුටි කාලා වගේ.
හවස් වෙද්දි උණයි ඔලුවේ කැක්කුමයි විතරයි. ඒකත් ගොඩක් දුරට අඩුයි.උගුරත් රිදෙනවා කෑමත් අප්පිරියයි හැබැයි. මීට අමතරව සමහරුන්ට වමනේ යනවා. එදා රෑට නම් නින්ද යනවා ටිකක්. පැය 48 ක් විතර යද්දි හොඳටම හොදයි.
මට නම් හිතුනේ එකම එකයි. වැක්සීන් එකට මෙහෙම අමාරුනම්. හරියට රෝග ලක්ශණ එක්ක Covid ආසාදනය උනොත් කොහොමට ඇත්ද කියලයි.
මම පෙරේදා වැක්සීන් එක ගහලා ඊයේ උදේ අමාරු පිටින් වැඩටත් ගියා. උදේ අමාරු වැඩි කමට බොස් කිව්වා ගිහින් බුදියගන්න කියලා ක්වාටස් ගිහින් ඒත් රෙස්ට් රූම් එකේ සෙටියට වෙලා පැයක් බුදියගෙන හවා වරුවෙම වැඩ කලා. දැන් නම් ඉන්ජෙක්ශන් ගහපු තැන රිදෙනවා විතරයි.
ඇයි දැන් මේ උඹලට වැඩකට නැති මේ බයිලේ කිව්වේ.
Covid-19 කියන්නෙ ශාපයක්. ඒකට ආව ගොඩක් කුඩු, පැණි ෆෙල්. වැක්සීන් එකත් ෆේල් වෙන්න පුලුවන්. නමුත් වසූරිය, පෝලියෝ වගේ මාරාන්තික අසනීප ලෝකෙන් තුරන් උනේ කුඩු, පැණි නිසා නෙමෙයි එන්නත් නිසාය කියලා මේ මුලු ලෝකෙම දන්නවා උගුරට හොරා බෙහෙත් බොන්න හදන තක්කඩි ටිකක් ඇරෙන්න.
වැක්සීන් ගැහුවත් කොවිඩ් හැදෙන්න පුලුවන්. හැබැයි අඩුම තරමේ දැනටම වැක්සීන් එකෙන් ඇඟේ COVID-19 වෛරස් එකට එරෙහිව ප්රතිදේහ හදලා නිසා වයිරස් එකෙන් එන සංකූලතා (complications ) ගොඩක් අඩු වෙනවා.
දැන් රජය ක්රියාත්මක කරගෙන යන වැඩ සටහන් වලට අනුව සෞක්යය, හමුදාව කවර් කලාට පස්සේ රජයේ රෝහල් වල වයස් කාණ්ඩ වලට අදාලව වැක්සීන් එක දෙන්න ගන්නවා. ඒ නිසා දෙවියන්ගේ නාමයෙන් ගිහින් වැක්සීන් එක ගහගනියව්. ප්රෙග්නන්ට් නැත්නම්,ළමයින්ට කිරි දෙන්නේ නැත්නම්, ශරීරයේ ප්රතිශක්තිය හීන නැත්නම් ගිහින් ගහගනියව්.
වැක්සීන් එක ගහන්න කලින් හොඳට නාලා, හොඳට කාලා, Panadene පෙති දෙකක් බීලා පැය දෙකකට කලින් වැක්සීන් එක ගහගෙන අමාරු තිබ්බා නැතා පැය 6 න් 6 ට එක දිගට පැනඩීන් ගත්තනම්, ජීවනී හොඳට බිව්වනම්, රෙස්ට් එකේ හිටියනම් ( රස්සාව එක්ක අපිට මොන රෙස්ට් ද) ඕක ටොලරේට් කරගන්න පුලුවන්.
කරුණා කරලා ත්රෙඩ් එක හාන්න එපා පැනි ගැනයි කුඩු ගැනයි, හොර වෙද්දු ගැනයි කියෝලා.
හැමෝටම බුදු සරණයි...
